ឧទ្ធម្ភាគចក្រប្រយុទ្ធនិងដឹកជញ្ជូន z9 ផលិតក្នុងប្រទេសរុស្ស៊ី ចំនួន១២គ្រឿង បានប្រគល់ជាផ្លូវការ មកកម្ពុជានៅព្រឹកថ្ងៃទី២៥វិច្ឆិកានេះ នៅមូលដ្ឋានកងទ័ពជើងអាកាស។
ឧទ្ធម្ភាគចក្រ z9 ចំនួន១២គ្រឿងនេះ គឺជាឧទ្ធម្ភាគចក្រ ដែលកម្ពុជាបានទិញក្នុងទឹកប្រាក់កម្ចីចិន១៩៥លាន៥សែនដុល្លារ ដែលបានចុះហត្ថលេខាកាលពីឆ្នាំ២០១១កន្លងមក។ ឧទ្ធម្ភាគចក្រ z9 គឺជាប្រភេទយន្តហោះប្រើប្រាស់ក្នុងការដឹកជញ្ជូន ដែលមានប្រសិទ្ធិភាព និងក៏ជាឧទ្ធម្ភាគចក្របំពាក់ដោយអាវុធទំនើបសម្រាប់ប្រយុទ្ធនឹងខ្មាំងសត្រូវបានយ៉ាងសក្តិសិទ្ធិផងដែរ។
ពិធីប្រគល់ឧទ្ធម្ភាគចក្រ z9 ចំនួន១២គ្រឿង នៅថ្ងៃទី២៥វិច្ឆិកានេះ បានប្រារព្ធទៅក្រោមការចូលរួមជាអធិបតីភាពឯកឧត្តមរដ្ឋមន្ត្រីទៀ បាញ់ នៃក្រសួងការពារជាតិ និងឯកអគ្គរដ្ឋទូតចិនប្រចាំកម្ពុជា លោកជំទាវ បូជៀងហ្គូ។ កាលពីខែកក្កដាឆ្នាំ២០១៣ ឧទ្ធម្ភាគចក្រនេះចំនួន២គ្រឿង ត្រូវបាន ចិនប្រគល់មកអោយកម្ពុជា និងបានធ្វើការសាកហោះហើរជាលើកដំបូងផងដែរលើទឹកដីកម្ពុជា៕
No comments:
Post a Comment
yes