ក្រុមបាតុករដែលសម្រាកនៅទីលានប្រជាធិបតេយ្យ
(រូបថត ណាត សុភាព)
អាកាសធាតុប្រែប្រួលត្រជាក់ខុសពីធម្មតា កាលពីយប់មិញនេះ ធ្វើឲ្យប៉ះពាល់សុខភាពបន្តិចបន្តួចដល់ក្រុមបាតុករ ដែលស្នាក់នៅក្រោមកៅស៊ូតង់ លើទីលានប្រជាធិបតេយ្យ ចំនួន៣យប់ មកហើយនោះ ។
ក្រុមបាតុករមកពីខេត្តព្រៃវែង កំពង់ចាម កំពង់ឆ្នាំង រតនគិរី តាកែវ ជាដើម ឲ្យដឹងនៅថ្ងៃទី១៨ ខែធ្នូនេះថា ពួកគាត់ស្នាក់នៅទាំងយប់ទាំងថ្ងៃនៅទីលានប្រជាធិបតេយ្យ បើទោះជាអាកាសធាតុប្រែប្រួលត្រជាក់ខុសពីធម្មតា ធ្វើឲ្យប៉ះពាល់ដល់ខុសភាពក្តី ក៏ពួកគាត់តស៊ូ ទាមទារឲ្យបោះឆ្នោតឡើងវិញ និងទាមទារឲ្យលោក ហ៊ុន សែន ចុះចេញពីតំណែង ៖ "
គណបក្សសង្គ្រោះជាតិ ដែលដឹកនាំបាតុកកម្ម ដើម្បីឲ្យមានការផ្លាស់ប្ដូរមេដឹកនាំ និងបោះឆ្នោតឡើងវិញ បានសាងសង់រោងរាប់រយម៉ែត្របន្ថែមទៀត ដើម្បីឲ្យបាតុករដែលមកពីខេត្ត រាប់ពាន់នាក់ ស្នាក់នៅ បើទោះជាសាលារាជធានីភ្នំពេញ ហាមមិនឲ្យស្នាក់នៅក៏ដោយ។
ក្រុមអ្នកស្ម័គ្រចិត្តសង្គ្រោះបឋមឯករាជ្យ លោក ឆាយ លាងឆេង ឲ្យដឹងថា ក្រុមការងារសង្គ្រោះបឋមប្រមាណ៥០នាក់ បានចែកជាបីវេន គឺវេនព្រឹក វេនថ្ងៃត្រង់ និងវេនពេលយប់ ដើម្បីឃ្លាំមើលក្រុមបាតុករ។ លោកបញ្ជាក់ថា បីយប់ បួនថ្ងៃកន្លងមកនេះ មិនមានបាតុករណាឈឺធ្ងន់ធ្ងរនោះទេ ៖
អ្នកនាំពាក្យគណបក្សសង្គ្រោះជាតិ លោក យ៉ែម បុញ្ញឬទ្ធិ មានប្រសាសន៍ថា ដោយសារចំនួនបាតុករស្នាក់នៅទីលានប្រជាធិបតេយ្យបន្តកើនឡើង គណបក្សបានរៀបចំកៅស៊ូតង់បន្ថែម ដើម្បីការពារសុខភាពបាតុករ និងសុវត្ថិភាពជូនបាតុករ ៖
កាលពីថ្ងៃអង្គារម្សិលមិញ អនុប្រធានគណបក្សសង្គ្រោះជាតិ លោក កឹម សុខា ថ្លែងសារទៅកាន់បាតុករថា គណបក្សប្រឆាំងមួយនេះ នឹងធ្វើបាតុកម្មរយៈពេល៣ខែ គឺរហូតដល់ថ្ងៃទី១៥មីនា ដើម្បីឲ្យមានការផ្លាស់ប្ដូរមេដឹកនាំ និងបោះឆ្នោតឡើងវិញ៕
No comments:
Post a Comment
yes