ដោយ៖ លិម គិមយ៉ា
បេក្ខជនតំណាងរាស្ត្រជាប់ឆ្នោតគណបក្សសង្គ្រោះជាតិនៅខេត្តកំពង់ធំ
កាលពីប្រជុំពីថ្ងៃទី១៦
កញ្ញា ២០១៣ រវាងគណបក្សប្រជាជនកម្ពុជា និង គណបក្ស សង្គ្រោះជាតិ គណបក្សទាំងពីរបានព្រមព្រៀងគ្នានឹងបង្កើតយន្តការមួយ ដើម្បីកែទម្រង់ការបោះឆ្នោត ក្នុងការធានាឲ្យការបោះឆ្នោតនាពេលអនាគតប្រព្រឹត្តឹទៅដោយសេរី ត្រឹមត្រូវ និង យុតិ្តធម៌។
ការដែលព្រមព្រាងនេះ បានសេចក្តីថា គណបក្សប្រជាជនកម្ពុជាយល់ព្រមថា
ការបោះឆ្នោតមិនមានភាពប្រក្រតីទៅហើយ
បើមិនយ៉ាងនេះទេ ពួកគេមិននិយាយយ៉ាងដូច្នេះឡើយ ។
ជាងនេះទៅទៀតលោក ហ៊ុនសែន ក៏បានស្នើអំពីរឿងកែទម្រង់ការបោះឆ្នោតទៅលោកនាយករដ្ឋមន្ត្រីជប៉ុន ស៊ិន ហ្សូអាប៊េ ហើយលោកក៏បានប្រកាសថា ជប៉ុននឹងត្រៀមខ្លួនជាស្រេចដើម្បីជួយជ្រោមជ្រែង កិច្ចប្រឹងប្រែងកំណែទម្រង់ការបោះឆ្នោតក្នុងការពង្រឹងលទ្ធិប្រជាធិបតេយ្យនៅកម្ពុជា ។
ការសំរេចចិត្តទាំងនេះ បញ្ជាក់ឲ្យឃើញពីការទទួលស្គាល់ពីសំណាក់គណបក្សប្រជាជនកាន់តែច្បាស់ថា ការបោះឆ្នោតកាលពីខែថ្ងៃទី២៨ កក្កដា ២០១៣ កន្លងមកនេះ
គឺមិនមានភាពប្រក្រដីឡើយ ។
ជាមួយគ្នានោះ កាលពីថ្ងៃទី១៣
ធ្នូ ២០១៣កន្លងមក មានរបាយការណ៍រួមមួយចេញជាសាធារណៈស្តីពី ការរៀបចំការបោះឆ្នោតនៅប្រទេសកម្ពុជាឆ្នាំ២០១៣
ដែលរៀបចំដោយអង្គការសង្គមស៊ីវិល៨ និងគាំទ្រដោយអង្គការស៊ីវិល១២ នៅខែវិច្ឆិកា
ឆ្នាំ២០១៣ ។ របាយការណ៍នេះបានបង្ហាញយ៉ាងច្បាស់ ដោយមានភស្តុតាងជាជំហរ បានអះអាង ថាការរៀបចំបោះឆ្នោតនៅប្រទេសកម្ពុជា មិនដែលមានភាពប្រក្រតីឡើយ លើកលែងតែ់ការបោះឆ្នោតកាលពីអំឡុងឆ្នាំ១៩៩៣ដែលរៀបចំដោយអ៊ុនតាក់
(UNTAC) ប៉ុណ្ណោះ។
ភាពមិនប្រក្រតីទាំងនោះបានសង្គេតឃើញនៅឆ្នាំ២០១៣ គឺ មានច្រើនអតិបរិមាដែលគេអាចសន្និដ្ឋានយ៉ាងច្បាស់ថា ប្រសិនណាជាការបោះឆ្នោតនេះមានភាពត្រឹមត្រូវគណបក្សសង្គ្រោះជាតិជាអ្នកឈ្នះ។ តែគណបក្សប្រជាជនកម្ពុជាមិនយល់យ៉ាងដូច្នេះទេ
គេបែរជាថារបាយការណ៍អស់នេះ គ្មានការពិតទាល់តែសោះដោយ លោក សុខ អាន ដែលជាឧបនាយករដ្ឋមន្ត្រីរដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីនៃគណបក្សប្រជាជន បានបកស្រាយបំភ្លឺចំពោះរបាយការណ៍នេះ
ដោយបង្ហាញសៀវភៅដែលផលិតដោយអង្គភាពព័ត៌មាននិងប្រតិកម្មរហ័សជាភាសាខ្មែរ និងអង់គ្លេស ដោយ សេចក្តីសង្ខេបសៀវភៅនោះមាន១៨ចំណុច ដែលភាគច្រើនស្រង់ចំឡងពីសៀភៅសរ ចេញដោយ គជបកាលពីថ្ងៃទី៥ កញ្ញានិងសៀភៅសរ ដែលអង្គភាពនេះចេញផ្សាយកាលពីថ្ងៃទី១៧ កញ្ញា ២០១៣។
ទាំងអស់នេះបញ្ជាក់ថា គណបក្សប្រជាជនយល់ស្របតែលើបបូរមាត់ថាយល់ព្រមកែទម្រង់ការបោះឆ្នោត ដើម្បីធានាឲ្យការបោះឆ្នោតនាពេលអនាគតប្រព្រឹត្តឹទៅដោយសេរី ត្រឹមត្រូវ និង យុតិ្តធម៌
ដើម្បីបោកប្រាសគណបក្សសង្រ្គោះជាតិឲ្យព្រមចូលទៅសភាតែប៉ុណ្ណោះ។
ជាមួយគ្នានោះពេលណា គណបក្សសង្រ្គោះជាតិទាមទារ ជជែកគ្នាដើម្បីរកដំណោះស្រាយបញ្ហាជាប់គាំងនយោបាយ ពួកគេតែងតែ ហៅគណបក្សសង្រ្គោះជាតិ ចូលសភាជាមុនសិនចាំជជែកគ្នាជាក្រោយ ។ មិនតែប៉ុណ្ណោះគណបក្សប្រជាជន ហ៊ានដល់និយាយថា
ពួកគេមិនព្រមជជែកនៅលើចញ្ចើមថ្នល់នោះទេ។
សូមរំលឹកថា កាលពីថ្ងៃទី៥
កុម្ភៈ ២០១៤កន្លងមកថ្មីៗនេះ គណបក្សសង្រ្គោះជាតិបានជូនយោបល់ ដើម្បីដោះស្រាយបញ្ហានៃការជាប់គាំងនយោបាយនេះ តាមរយៈលោក យ៉ែមបុញ្ញឬទ្ធិ អ្នកនាំពាក្យគណបក្សសង្គ្រោះជាតិ បានឲ្យដឹងថា គណបក្សសង្គ្រោះជាតិមិនមានលក្ខខណ្ឌអ្វីដើម្បីយកទៅចរចាជាមួយគណបក្សប្រជាជននោះទេប៉ុន្ដែថាត្រូវយកបញ្ហាដាក់លើតុដើម្បីដោះស្រាយរួមគ្នា។
ការបង្ហាញជំហរយ៉ាងដូច្នេះត្រូវបានលើកឡើងបន្ទាប់ពីលោក ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ និងជាមន្ដ្រីជាន់ខ្ពស់គណបក្សប្រជាជន ជាកាលពីថ្ងៃជាមួយគ្នានេះបានបញ្ជាក់ម្តងទៀតនៅក្នុងពិធីប្រកាសចូលកាន់តំណែងអភិបាលខេត្តបាត់ដំបងថា៖
« គណបក្សសង្គ្រោះជាតិបើនៅតែដើរទាមទាររកយុត្តិធម៌ ឬទាមទារយកឈ្នះគេ ទើបសុខចិត្តឈប់ទាមទារនេះគឺគណបក្សប្រជាជនកម្ពុជាមិនអាចទទួលយកបានទេ »។
អ្វីទាំងនេះបញ្ជាក់ពីគំនិតគណបក្សប្រជាជន ដែលបញ្ចេញតាមសំដីរបស់
លោក ស ខេង គឺគេមិនព្រមរកយុត្តិធម៌ឲ្យប្រជាពលរដ្ឋខ្មែរ ដែលពួកគេនោះលួចឆន្ទៈប្រជាពលរដ្ឋនៅពេលបោះឆ្នោតនេះទេ។
ការបង្ហាញជំហររបស់គណបក្សសង្រ្គោះជាតិយ៉ាងដូច្នេះ ត្រូវបានស្វាគមន៍ជាខ្លាំងពីសំណាក់ លោក ជាម យៀប មន្ដ្រីជាន់ខ្ពស់គណបក្សប្រជាជន ។
យើងសង្គេតឃើញថា គណបក្សប្រជាជន
តែងតែនិយាយផ្ទុយគ្នាពីមួយពេលទៅមួយពេលគឺឆ្លើយយករួចតែខ្លួនទៅតាមកាលៈទេសៈតែប៉ុណ្ណោះ ។ ហេតុនេះការចរចាជាមួយគណបក្សនេះគឺយើងត្រូវតែប្រុងប្រយត្ម័ជាទីបំផុតពីព្រោះពួកអស់នេះគ្មានសីលធម៌អ្វីទេ។
ប្រធានបទសំខាន់ដែលនឹងចរចានោះគឺ ការរៀបចំរចនាសម្ព័ន្ធសំរាប់រៀបចំបោះឆ្នោតទៅអនាគត ការកែទម្រង់ការបោះឆ្នោត
ដើម្បីធានាឲ្យការ បោះឆ្នោតនាពេលអនាគតប្រព្រឹត្តឹទៅដោយសេរី
ត្រឹមត្រូវ និង យុតិ្តធម៌ ។ នេះគណបក្សទាំងពីរច្បាស់ជាយល់ខុសគ្នា
តើគណបក្សប្រជាជន ហ៊ានកែទម្រង់ដល់ត្រឹមណាដែលគណបក្សសង្គ្រោះជាតិអាចព្រមទទួលយកបាន ? ពីព្រោះការកែទម្រង់មានច្រើនដំណាក់ និង ច្រើនស្រទាប់។
ដើម្បីចៀសវាងការបោកប្រាស់ពីសំណាក់គណបក្សប្រជាជន ដែលពួកគេធ្វើគ្រប់ពេលវេលាគឺគណបក្សសង្គ្រោះជាតិ ត្រូវតែមានអ្វីមួយជាសាក្សី ។គណបក្សសង្គ្រោះជាតិ ត្រូវតែតំរូវឲ្យប្រជុំជាសាធារណៈ ហើយចាក់ផ្សាយផ្ទាល់តាមទូរទស្សន៍និងផ្សាយតាមវិទ្យុ ហើយជាមួយគ្នានោះត្រូវចុះហត្ថលេខាទៅលើគំរោងដែលមានអង្គការស៊ីវិលផ្សេងៗចូលរួមមកជួយចងក្រងសរសេរសិន ចាំគណបក្សសង្គ្រោះជាតិព្រមចូលទៅក្នុងសភា។ បើមិនយ៉ាងដូច្នេះទេ ពួកអស់នេះនឹងពន្យាពេលហើយមិនគោរពអ្វីទាំងអស់៕
No comments:
Post a Comment
yes