សាច់ញាតិជនរងគ្រោះជនជាតិចិនប្រមាណ ២០០នាក់ កំពុងធ្វើការ
តវ៉ានៅស្ថានទូតម៉ាឡេស៊ីនៅប្រទេសចិន(រូបភាពពី៖ AFP)
សាច់ញាតិអ្នកដំណើរជនជាតិចិនប្រមាណ
២០០នាក់ប្រមូលផ្តុំនៅមុខស្ថានទូតម៉ាឡេស៊ីនៅទីក្រុងប៉េកាំង
ករណីធ្លាក់យន្តហោះ MH370
ដោយពួកគេទាមទារឲ្យមានការផ្តល់ចម្លើយលម្អិតជំវិញភាពអាថ៌កំបាំងនៃ
ការបាត់យន្តហោះនោះ។
ការប្រមូលផ្តុំរបស់ក្រុមគ្រួសារអ្នកដំណើរនេះ
បន្ទាប់ពីនាយករដ្ឋមន្ត្រីម៉ាឡេស៊ីលោក ណាជីព រ៉ាហ្សាក់
ប្រកាសនូវការវិភាគលើភស្តុតាងដែលប្រមូលបាន ហើយសន្និដ្ឋានថា
យន្តហោះប៊ូអ៊ីង ជើងហោះហើរ MH370 ដែលដឹកអ្នកដំណើរពីកូឡាឡាំពួទៅ
ប៉េកាំងហើយបាត់កាលពីថ្ងៃទី៨ ខែមីនា
នោះអាចធ្លាក់នៅក្នុងសមុទ្រឥណ្ឌាភាគខាងត្បូងចំណែកជិះលើនោះ
២៣៩នាក់មិនរស់ទេ។ នេះបើតាមការចុះផ្សាយរបស់បណ្តាញសារព័ត៌មាន
Channel News Asia។
សាច់ញាតិដែលប្រមូលផ្តុំនោះ អ្នកខ្លះស្រក់ទឹកភ្នែក
ស្រែកច្រានចោលការលើកឡើងរបស់នាយករដ្ឋមន្ត្រីម៉ាឡេស៊ី
និងខ្លះទៀតទាមទារឲ្យមានការផ្តល់ភស្តុតាងឲ្យបានលម្អិតបន្ថែមទៀតពី
ការបាត់យន្តហោះនោះ។
អ្នកដំណើរនៅលើយន្តហោះ MH370 មាន១៤ជាតិសាសន៍ ក្នុងនោះមានជនជាតិចិន
១៥៣នាក់ ជនជាតិម៉ាឡេស៊ី ៣៨នាក់ ជនជាតិឥណ្ឌូនេស៊ី ៧នាក់ អូស្ត្រាលី
៦នាក់ ឥណ្ឌា ៤នាក់ បារាំង៤នាក់ អាមេរិក ៣នាក់ និងជនជាតិដទៃទៀត៕
No comments:
Post a Comment
yes