ថ្នាក់ដឹកនាំ
គណបក្សសង្គ្រោះជាតិ កាលពីរសៀលថ្ងៃពុធ
បានចោទរដ្ឋាភិបាលដឹកនាំដោយលោកនាយករដ្ឋមន្ត្រី ហ៊ុន សែន
ថាបានបម្រើផលប្រយោជន៍បរទេសឈ្លានពាន
ដោយបានប្លន់យកដីរបស់ប្រជាពលរដ្ឋស្លូតត្រង់។
ប្រធានគណបក្សសង្គ្រោះជាតិ លោក សម
រង្ស៊ី និងអនុប្រធាន លោក កឹម សុខា ថ្លែងបែបនេះនៅវត្តសាមគ្គីរង្សី
ស្ទឹងមានជ័យ
ក្នុងពេលចុះជួបប្រជាពលរដ្ឋមកពីស្រុកស្នួលខេត្តក្រចេះដែលមាន
ជម្លោះដីធ្លីជាង២០០០ហិកតាជាមួយក្រុមហ៊ុនវៀតណាម។ លោក សម រង្ស៊ី
ថ្លែងថា រដ្ឋាភិបាល លោក ហ៊ុន សែន បានប្លន់ដីធ្លីរបស់ពលរដ្ឋខ្លួន
ដើម្បីឲ្យបរទេស។ លោកបន្តថា ទង្វើទាំងអស់នេះជាទង្វើឧក្រិដ្ឋ
ដែលករណីនេះ
លោកនឹងដាក់ពាក្យបណ្ដឹងទៅតុលាការព្រហ្មទណ្ឌអន្តរជាតិ។
លោក កឹម សុខា
បានចាត់ទុកទំនាស់ដីធ្លីរបស់ពលរដ្ឋជាមួយក្រុមហ៊ុនវៀតណាម
គឺជាការធ្វើឡើងដោយចេតនារបស់រដ្ឋាភិបាល។ លោកបន្ថែមថា
ថ្នាក់ដឹកនាំគណបក្សសង្គ្រោះជាតិទាំងអស់
សន្យានឹងទាមទាររកយុត្តិធម៌ជូនប្រជាពលរដ្ឋទាំងអស់ឲ្យខានតែបាន។
ឆ្លើយតបនឹងករណីនេះ អ្នកនាំពាក្យទីស្តីការគណៈរដ្ឋមន្ត្រី លោក ផៃ ស៊ីផាន មានប្រសាសន៍ថា នេះគ្រាន់តែជាការ
មូលបង្កាច់មកលើរាជរដ្ឋាភិបាល
តែប៉ុណ្ណោះ។ លោកបន្តថា ជាធម្មតាថ្នាក់ដឹកនាំគណបក្សសង្គ្រោះជាតិ
តែងតែដើរឃោសនាបោកប្រាស់ ដើម្បីបំភ័ន្តមតិជាតិ និងអន្តរជាតិ
ដោយចាត់ទុកថានេះគ្រាន់តែជារឿងនយោបាយប៉ុណ្ណោះ។
ប្រជាពលរដ្ឋ ឲ្យដឹងថា
កាលពីថ្ងៃទី៣០ខែមេសាឆ្នាំ២០១៤ អាជ្ញាធរខេត្តក្រចេះ
បានសហការជាមួយក្រុមហ៊ុនវៀតណាមឈ្មោះ ប៊ិញភឿក២
ដោយយកគ្រឿងចក្រឈូសកម្ទេចផ្ទះពួកគេ៤០៥ខ្នងនៅចំណុចពាមប៉ោអូបី
ភូមិស្រែថ្មី ឃុំឃ្សឹម ស្រុកស្នួល
ដើម្បីយកដី២០២៥ហិកតាឲ្យក្រុមហ៊ុនវៀតណាម។ ពលរដ្ឋបន្តថា
អាជ្ញាធរបានចោទពួកគាត់ថាមករស់នៅលើដីរដ្ឋខុសច្បាប់។
កន្លងទៅ ពលរដ្ឋដែលមានជម្លោះដីធ្លី
បានឡើងមករាជធានីភ្នំពេញ
ដើម្បីដាក់ញត្តិសូមអន្តរាគមន៍នៅតាមស្ថាប័នរដ្ឋធំៗ
និងអង្គទូតនានាប្រចាំកម្ពុជា ឲ្យជួយដោះស្រាយបញ្ហាដីធ្លី។
ដោយឡែក
កាលពីព្រឹកថ្ងៃពុធ ទី២១ខែឧសភា ប្រជាពលរដ្ឋទាំងនោះ
គ្រោងហែក្បួនទៅកាន់ទីស្នាក់ការកាកបាទក្រហមកម្ពុជា
ដើម្បីសូមកិច្ចអន្តរាគមន៍លើករណីនេះ
ប៉ុន្តែត្រូវបានរារាំងដោយក្រុមសន្តិសុខចម្រុះរបស់សាលារាជធានី
ភ្នំពេញ៕
No comments:
Post a Comment
yes