ក្រុមសមត្ថកិច្ចដែលចុះទៅការពារសណ្តាប់ធ្នាប់នៅពេលមានការតវ៉ាដំឡើងប្រាក់
ខែដល់១៦០ដុល្លារ របស់បុគ្គលិកក្រុមហ៊ុនកាល់តិច កាលពីព្រឹកមិញ (រូបថត ៖ កាន់ វិច្ឆិកា)
ក្រុមហ៊ុនឈេហ្វរ៉ុន (Chevron) លីមីធីត បានដាក់សំណើទៅស្នងការនគរបាលរាជធានី សុំកិច្ចអន្តរាគមន៍សម្រួលក្នុងការការពារសណ្តាប់ធ្នាប់ សុវត្ថិភាពស្ថានីយប្រេង និងទ្រព្យសម្បត្តិរបស់ក្រុមហ៊ុន លើការធ្វើកូដកម្មរបស់បុគ្គលិក។
យោងតាមលិខិតដែល VOD ទើបទទួលបានរសៀលថ្ងៃពុធនេះ បង្ហាញថា ក្រុមហ៊ុនឈេហ្វរ៉ុន បានដាក់លិខិតទៅស្នងការនគរបាលរាជធានី នៃក្រសួងមហាផ្ទៃ កាលពីថ្ងៃទី០៩ ខែឧសភា ឆ្នាំ២០១៤ ដោយស្នើឲ្យមានការការពារសណ្តាប់ធ្នាប់ សុវត្ថិភាពស្ថានីយប្រេង និងទ្រព្យសម្បត្តិរបស់ក្រុមហ៊ុន បន្ទាប់ពីក្រុមហ៊ុននេះ ទទួលបានលិខិតជូនដំណឹង ស្តីពីការគ្រោងធ្វើបាតុកម្មរបស់សហព័ន្ធសហជីពកម្មករចំណីអាហារ និងសេវាកម្មកម្ពុជា។
ក្នុងលិខិតដដែលបញ្ជាក់ថា ក្រុមហ៊ុនមានការព្រួយបារម្ភ ពីការធ្វើបាតុកម្មនោះ អាចជាបាតុកម្មខុសច្បាប់ ហើយធ្វើឲ្យសង្វាក់ដំណើរការស្ថានីយប្រេងរបស់ក្រុមហ៊ុនរងការប៉ះពាល់។
អត្ថបទទាក់ទង
ពាក់ព័ន្ធនឹងការដាក់លិខិតរបស់ក្រុមហ៊ុនឈេហ្វរ៉ុននេះ VOD មិនអាចទាក់ទងសុំការអធិប្បាយពីស្នងការរងនគរបាលរាជធានីភ្នំពេញ លោក ជួន ណារិន បានទេ ដោយលោកបង្វែរឲ្យទៅសួរលោកស្នងការ ខណៈទូរស័ព្ទរបស់ស្នងការរាជធានីលោក ជួន សុវណ្ណ មិនអាចទាក់ទងបាន។
ចាប់តាំងពីថ្ងៃទី១២ ខែឧសភា មក បុគ្គលិកក្រុមហ៊ុនកាល់តិចទូទាំងប្រទេសកម្ពុជា បានធ្វើកូដកម្មដោយសន្តិវិធី ដើម្បីទាមទារដំឡើងប្រាក់ខែ១៦០ដុល្លារ និងប្រាក់ខែទី១៣ដូចមុន។ ទោះជាយ៉ាងណាក៏ដោយ រហូតមកដល់ពេលនេះ មិនមានហិង្សាណាមួយកើតឡើងក្នុងការធ្វើកូដកម្មនោះនៅឡើយទេ៕
No comments:
Post a Comment
yes