បញ្ហាជំលោះដីធ្លីនៅតែជាកង្វល់ដែលគ្មានថ្ងៃបញ្ចប់ក្រោមការដឹកនាំរបស់លោកហ៊ុនសែន

ជំងឺមហារីកដីធ្លីនៅក្នុងប្រទេសកម្ពុជា មិនអាចរកថ្នាំមកព្យាបាលឲ្យជាសះស្បើយបានឡើយ បើ ប្រទេសដ៏អភ័ព្វមួយនេះ នៅតែស្ថិតក្រោមការដឹកនាំរបស់គណបក្សប្រជាជននោះ ។

ជារៀងរាល់ថ្ងៃ ការរំលោភដីធ្លីរបស់ពលរដ្ឋពីសំណាក់ឈ្មួញ និងមន្រ្តីខិលខូចគឺមានស្ទើរគ្រប់ កន្លែង ហើយសំរែកស្រែករកយុត្តិធម៌របស់ជនរងគ្រោះ ក៏ឮជារៀងរាល់ថ្ងៃដូចគ្នា តែគ្មានមន្រ្តី រដ្ឋាភិបាលលោក ហ៊ុន សែន រូបណាចេញមុខដោះស្រាយជូនពួកគាត់ឡើយ ហើយប្រឹងសំងំ ដើម្បីត្រង់យកផលប្រយោជន៏ដែលកើតចេញពីអំពើពុករលួយ និងអយុត្តិធម៌នេះ ។

អ្នកឃ្លាំមើលបញ្ហាសង្គមនៅក្នុងប្រទេសកម្ពុជាបានលើកឡើងថា ប្រទេសអច្ឆៈរិយៈមួយនេះ អាច បញ្ចប់បញ្ហាជំលោះដីធ្លីបាន លុះត្រាណាតែប្រទេសមួយនេះផ្លាសប្តូរមេដឹកនាំ ព្រោះលោក ហ៊ុន សែន គណបក្សប្រជាជន មិនដែលខ្វល់បញ្ហារបស់ពលរដ្ឋឡើយ ហើយពាក្យស្លោកដែលគណ បក្សប្រជាជនប្រើ ទុក្ខលំបាករបស់ប្រជាជន គឺជាទុក្ខលំបាលរបស់លោក ហ៊ុន សែន និងភរិយា គឺវាគ្រាន់តែជាពាក្យដាក់ឲ្យពិរុះស្តាប់ និងល្អមើលតាមផ្លូវនានាតែប៉ុណ្ណោះ ។

ពួកអ្នកតាមដានបានលើកឡើងទៀតថា ច្បាស់ណាស់អ្នកដែលធ្វើបាបរាស្រ្ត និងប្លន់ដីរាស្រ្តគឺ លោក ហ៊ុន សែន និងគណបក្សប្រជាជនមួយនេះឯង ដូច្នេះសរុបសេចក្តីមកមានតែការផ្លាស់ប្តូរ មេដឹកនាំនេះចេញទេ ទើបកម្ពុជាមិនមានអំពើអយុត្តិធម៌បែបនេះកើតឡើងមកលើពលរដ្ឋខ្មែរ ។

ជាក់ស្តែង ជាថ្មីម្តងទៀតនៅថ្ងៃទី០៥ ឧសភា តំណាងប្រជា​សហគមន៍បឹងកក់ និងបូរីកីឡា បានប្រ​មូលផ្តុំ​គ្នានៅ​មុខ​សាលា​រាជធានី​ភ្នំពេញ ដើម្បី​ទាមទារ​ឲ្យ​អាជ្ញាធរ​ជួយ​ដោះស្រាយ​បញ្ហា​ពួក គេ​ឲ្យបាន​ចាប់​រហ័សពីរឿងជំលោះដីធ្លីរបស់ពួកគាត់ដែលបានអស់បន្លាយ​ជិត​១០​ឆ្នាំ​មកហើយនោះ ​នៅ​តែមិន​ទាន់មាន​ដំណោះស្រាយ​ ៕