ក្រុមប្រឆាំងរដ្ឋាភិបាល សម្រាកនៅក្រៅវិមានរដ្ឋាភិបាល
ក្រុងបាងកក (រូបថតពី៖ AFP)
ប៉ូលីសថៃ និយាយថា យ៉ាងហោចណាស់ បាតុករប្រឆាំងរដ្ឋាភិបាល ២នាក់ស្លាប់ និង២១នាក់រងបួសនៅក្នុងការវាយប្រហារ ដោយគ្រាប់បែក M79 ចំនួន២គ្រាប់កាលពីព្រឹកព្រលឹមថ្ងៃព្រហស្បតិ៍ ដោយការវាយប្រហារនេះ សំដៅចូលហ្វូងបាតុករ ដែលកំពុងដេកសម្រាកនៅក្នុងបរិវេណទីលានប្រជាធិបតេយ្យ ក្រុងបាងកក។
ប៉ូលីសនិយាយថា ក្រុមជនរងគ្រោះមួយក្រុម ដំបូងរងគ្រោះដោយសារការវាយប្រហារដោយ គ្រាប់បែកM79 ចំនួន២គ្រាប់ ហើយជនរងគ្រោះទីពីរដោយសារការបាញ់ប្រហារ។
តាមគេហទំព័ររបស់មជ្ឈមណ្ឌលសង្គ្រោះបន្ទាន់ Erawan បានឲ្យដឹងថា មនុស្ស២នាក់បានស្លាប ហើយ២១នាក់រងរបួស ដោយសារការវាយប្រហារនេះ ដែលវាកើតឡើងនៅម៉ោង ២ទាបភ្លឺ ចូលថ្ងៃព្រហស្បតិ៍។
រហូតមកដល់ពេលនេះ សមត្ថកិច្ច ប៉ូលីសនៅមិនទាន់បញ្ចាក់ពីអត្តសញ្ញាណរបស់ក្រុមវាយប្រហារនេះទេ ប៉ុន្តែក្រុមជនរងគ្រោះចោទថា អាចជាស្នាដៃរបស់ ក្រុមមាននិន្នការ ប្រឆាំង មកពីក្រុមផ្សេងទៀត។
ប្រទេសថៃធ្លាក់ក្នុងវិបត្តិនយោបាយ ជាង៦ខែមកហើយ។ ដើមចម គឺបណ្ដាលមកពីក្រុមប្រឆាំងចោទ រដ្ឋាភិបាលគណបក្សភឿថៃ ថាជារបស់លោកថាក់ស៊ីន។ បែបនេះក្ដី លោកស្រី យីងឡាក់ ប្អូនស្រីបង្កើតរបស់លោកថាក់ស៊ីន ត្រូវបានដកហូតតំណែងជានាយករដ្ឋមន្ត្រី ដោយចោទថា លោកស្រី បំពានរដ្ឋធម្មនុញ្ញ និងអំណាចរដ្ឋ ករណីផ្ទេរតំណែង ប្រធានក្រុមប្រឹក្សាសន្តិសុខជាតិ ដោយអត្តនោម័ត។ ក្រុមអាវក្រហម លម្អៀងលោកស្រី យីងឡាក់ គម្រាមរុញប្រទេសថៃធ្លាក់ចូលក្នុងសង្គ្រាមស៊ីវិល៕
No comments:
Post a Comment
yes