កម្លំាំងសមត្ថកិច្ច ចុះទៅត្រួតពិនិត្យផ្ទះរបស់ប្រជាពលរដ្ឋនៅខេត្តរតនគិរី
(រូបថតដោយសុវណ្ណ ប៊ុនថៃ)
ប្រជាពលរដ្ឋដែលរងការបណ្តេញចេញ(រូបថ)
ប្រជាពលរដ្ឋប្រមាណ៥០០នាក់
នៅថ្ងៃព្រហស្បតិ៍នេះ នាំគ្នាបិទកំណាត់ផ្លូវក្នុងភូមិអូជុំ
ឃុំអូជុំ ស្រុកអូជុំ ខេត្តរតនគិរី
ដើម្បីរារាំងអាជ្ញាធរមិនឲ្យប្រើគ្រឿងចក្រ ឈូសកម្ទេចផ្ទះ
ដើម្បីយកដីប្រគល់ឲ្យក្រុមហ៊ុនចំការកៅស៊ូ រ៉ាប់ប៊ឺ ខូអិល ធីឌី។
លោក លាស់ សាគុណ
ជាពលរដ្ឋម្នាក់នៅភូមិអូជុំ បានឲ្យដឹងតាមទូរស័ព្ទថា
កងកម្លាំងចម្រុះជាង១០០នាក់ប្រដាប់ដោយដំបង អាវុធ និងឡានទឹក
បានចុះមករុះរើផ្ទះរបស់ពួកគាត់ជាថ្មីទៀត
ទើបពួកគាត់បាតុកម្មបិទផ្លូវ។
លោកបន្តថា កាលពីម្សិលមិញ
អាជ្ញាធរបានចុះរុះរើរោងដែលសង់ថ្មីរបស់ប្រជាពលរដ្ឋ ដោយចោទថា
សង់បំពានលើដីក្រុមហ៊ុន តែបានរុះរាលដល់សំណង់ចាស់ទៅវិញ «បញ្ហា
ណឹង
ដោយសារសមត្ថកិច្ចណឹងនាំកំលាំងប្រដាប់អាវុធពី២ទៅ៣ឡានប្រដាប់ដោយ
អាវុធប្រុងរុះរើ[ផ្ទះ]
លំលាំងកម្មករ២ទៅ៣ឡានទៀតប្រុងរុះរើផ្ទះ
ឥឡូវបងប្អូនប្រជាពលរដ្ឋទាញមែកឈើបិទផ្លូ។ មិនមានហិង្សាអ្វីទេ
កំពុងចរចារដោយសន្តិវិធី
មិនមានបញ្ហាអ្វីកើតឡើងទេ។----ស្ទះចររាចរណ៍ខ្លាំង!»
ពលរដ្ឋម្នាក់ទៀតលោក ផល ភ័ណ ទទួលស្គាល់ថា
ពួកគាត់រស់នៅលើដីរដ្ឋខុសច្បាប់
តែគាត់មិនមានដីផ្សេងសម្រាប់រស់នៅនោះទេ
ពួកគាត់សុំតែដី១០ម៉ែត្របួនជ្រុងតែប៉ុណ្ណោះដើម្បីសង់ផ្ទះរស់នៅ។
នៅពេលពលរដ្ឋបិទផ្លូវនោះ
អាជ្ញាធរបានព្យាយាមសម្របសម្រួលប្រជាពលរដ្ឋឲ្យបើកផ្លូវធ្វើចរាចរវិញ
តែប្រជាពលរដ្ឋមិនព្រម
ដោយទាមទារឲ្យអាជ្ញាធរទាំងនោះដកកំលាំងប្រដាប់អាវុធចេញជាមុនសិន។
ប៉ុន្តែនៅម៉ោងជិត១១ថ្ងៃត្រង់នេះ ពលរដ្ឋបានយល់ព្រមបើកផ្លូវឡើងវិញ «
ខ្ទមវាច្រឡំអ្នកថ្មីអ្នកចាស់ វាច្រឡំគ្នាតិចៗ
អីចឹងមិនទាន់ធញវើអ្វីបាននោះទេ ការងារសមត្ថកិច្ច
គ្រាន់តែការពារសន្តិសុខតែប៉ុណ្ណោះ។»
មន្ត្រីសមសម្រួលនៃសមាគមការពារ
សិទ្ធិមនុស្សអាដហុក ប្រចាំខេត្តរតនគិរី លោក ឆាយ ធី មានប្រសាសន៍ថា
បើទោះជាប្រជាពលរដ្ឋទាំង៣០០គ្រួសានោះរស់នៅដីរដ្ឋខុសច្បាប់
តែអាជ្ញាធរគួរតែផ្តល់ទីជម្រក
និងដីដល់ពួកគេដើម្បីប្រកបរបរចិញ្ចឹមជីវិត «ខាងសង្គមស៊ីវិល
មិនគាំទ្រពលរដ្ឋដែលខុសនោះទេ តែយើងត្រូវតែយកតាមគោការរដ្ឋ
រដ្ឋធម្មនុញ្ញបានចែងច្បាស់ហើយ គឺត្រូវតែឲ្យប្រជាពលរដ្ឋ
សូម្បីសម្តេចនាយកក៏ បានបញ្ជាក់ច្បាស់ហើយថា
មិនឲ្យពលរដ្ឋណាម្នាក់ស្លាប់ដោយអត់បាយនោះទេ។ចឹងពលរដ្ឋក្រីក្រ
ពេកក៏ត្រូវមានគោលនយោបាយដែរ។»
លោក ឆាយ ធី បានឲ្យដឹងថា
ប្រជាពលរដ្ឋដែលសង់ទីលំនៅចាស់មាន១០២គ្រួសារ
ហើយប្រជាពលរដ្ឋដែលមកតាំងទីលំនៅថ្មី មានប្រមាណ៣០០គ្រួសារ។ លោកថា
ដោយឡែកប្រជាពលរដ្ឋ១០២គ្រួសារ ដែលសាងសង់ចាស់
រងការគំរាមកំហែងពីក្រុមហ៊ុនជាញឹកញាប់តាំងពីឆ្នាំ២០១៣៕
No comments:
Post a Comment
yes