ckn-media.blogspot.com

ប្រធានសមាគមគ្រូបង្រៀនកម្ពុជាឯករាជ្យ ជម្រុញអោយក្រសួងអប់រំបញ្ឈប់ការកាត់ប្រាក់ម៉ោង

លោករ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យជម្រុញឲ្យលោកអ៊ឹម សិទ្ធី រដ្ឋមន្ត្រីក្រសួង

អប់រំយុវជននិងកីឡាអន្តរាគមន៏បញ្ឈប់សកម្មភាពលោកនាយកសាលាក្នុងការកាត់ប្រាក់ម៉ោងបន្ថែម

របស់គ្រូបង្រៀននៅវិទ្យាល័យត្បូងឃ្មុំ ក្រុងសួង ខេត្តកំពង់ចាម។នៅក្នុងលិខិតដែលចេញនៅថ្ងៃច័ន្ទនេះ

ដោយសមាគមគ្រូបង្រៀនកម្ពុជាឯករាជ្យ ដែលចុះហត្ថលេខាដោយលោករ៉ុង ឈុន ប្រធានសមាគម

ផ្ញើជូនលោកអ៊ឹម សិទ្ធីរដ្ឋមន្រ្តីក្រសួងអប់រំយុវជននិងកីឡាបានសរសេរថា គ្រូបង្រៀនម្នាក់នៅវិទ្យាល័យ

ត្បូងឃ្មុំ ក្រុងសួង ខេត្តកំពង់ចាម បានដាក់លិខិតមួយច្បាប់សុំអន្តរាគមន៏ករណីលោកនាយកវិទ្យល័យ

ត្បូងឃ្មុំ ដែលបានកាត់ប្រាក់ម៉ោងបន្ថែមរបស់គាត់។ នៅក្នុងលិខិតនោះ គ្រូបង្រៀនកម្ពុជាឯករាជ្យបាន

បញ្ជាក់ថា នៅក្នុងត្រីមាសទី១ និងទី២ ក្នុងឆ្នាំ២០០៩ នាយកសាលាវិទ្យាល័យត្បូងឃ្មុំបានកាត់លុយ

ម៉ោងចំនួន២ម៉ឺនរៀល ទៅ៣ម៉ឺនរៀល ហើយនៅត្រីមាសទី៣ នាយកសាលាវិទ្យាល័យត្បូងឃ្មុំនេះកាត់

យកអស់ចំនួន៦ម៉ឺនរៀលទៀត ចំណែកក្នុងត្រីមាសទី១ ឆ្នាំ២០១០នេះលោកនាយកវិទ្យាល័យត្បូងឃ្មុំ

ខាងលើនេះបានកាត់ប្រាក់ម៉ោងបន្ថែមរបស់គ្រូបង្រៀនចំនួន១១ម៉ឺនរៀល។ សូមជំរាបថា បើតាម

សមាគមគ្រូបង្រៀនកម្ពុជាឯករាជ្យបានឲ្យដឹងថា នេះគឺជាទង្វើខុសច្បាប់ដែលត្រូវក្រសួងចាត់វិធានការ

ទប់ស្កាត់ជាបន្ទាន់​។