លោក កែវ ហៀញ ប្រកាសលាឈប់ ពីប្រធានបក្សខ្មែរស្រលាញ់ខ្មែរ

រូបថតពីគេហទំព័រ នគរវត្ត

មេបក្ស ខ្មែរស្រលាញ់ខ្មែរ ដែលពុំសូវមានឈ្មោះបោះសម្លេងក្នុងឆាកនយោបាយបានប្រកាសលាឈប់

ដឹកនាំគណបក្សចាប់ពីថ្ងៃទី២០ ខែតុលា ឆ្នាំ២០១០ នេះតទៅ។ការប្រកាសលាឈប់របស់ប្រធាន

គណបក្សខ្មែរស្រលាញ់ខ្មែរគឺដោយសារតែមេបក្សរូបនោះមានបញ្ហាសុខភាព។ ប៉ុន្តែបើតាមប្រភព

បានបង្ហើបអោយដឹងថា ការលាឈប់របស់លោក កែវ ហៀញ ពីប្រធានបក្សមិនមែនបណ្តាលមកពី

បញ្ហាសុខភាពនោះទេគឺដោយសារតែមានបញ្ហាផ្ទៃក្នុងបក្សទើបបានជាមានបញ្ហានេះកើតឡើង។

យោងតាមសេចក្តីប្រកាសនៅថ្ងៃទី២០ ខែតុលា ឆ្នាំ២០១០របស់លោកកែវ ហៀញ បានប្រាប់ទៅ

សមាជិក សមាជិកា របស់ខ្លួនថា ការលាលែងឈប់ពីប្រធានគណបក្សខ្មែរស្រលាញ់ខ្មែរ គឺដោយសារ

តែលោកមានបញ្ហាសុខភាពមិនអាចបំពេញតួនាទីជាប្រធានបក្សបាន។ ប៉ុន្តែបើតាមប្រភពពីមន្ត្រី

ជាន់ខ្ពស់គណបក្សប្រជាជនកម្ពុជាបានអោយដឹងថា លោក កែវ ហៀញប្រធានគណបក្ស

ខ្មែរស្រលាញ់ខ្មែរ ដែលបានលាឈប់ពីប្រធានបក្សបានចូលរួមជាមួយគណបក្សប្រជាជន

ដើម្បីបំរើប្រទេសជាតិ ។៕