កាំជ្រួចហ្វូងបាញ់យន្តហោះ រថក្រោះ រថពាសដែក បញ្ឆូនទៅកាន់ព្រះវិហារដើម្បីការពារចោរសៀម
រថក្រោះ និងរថពាសដែកជាច្រើន គ្រឿង នៅក្នុងបន្ទាយលង្វែក របស់អគ្គនាយកដ្ឋានបច្ចេកទេសក្រសួងការពារជាតិ ត្រូវបានគេបញ្ជូន ទៅកាន់តំបន់ប្រាសាទ
ព្រះវិហារ នៅ រសៀល ថ្ងៃទី២៨ មករា ។
សូម ជម្រាប ថា ការ បញ្ឆូន ទៅនេះ គឺបន្ទាប់ ពីកង ទ័ព សៀម បាន បញ្ឆូន មក កាន់ ក្បែរ តំបន់ ប្រា សាទ ព្រះ វិហារ និង តាម តំបន់ ប្រា សាទ មួយ ចំនួន ក្នុង រយះ ពេល ប៉ុន្មាន ថ្ងៃ មក នេះ ។
នាយរងសេនា ធិការនៃបញ្ជាការដ្ឋានអង្គរក្ស និងជាមេ បញ្ជាការកងរថ ក្រោះ រថពាស ដែក លោកឧត្ដមសេនីយ៍ទោ រ៉េត ស៊ីថា បានមានប្រសាសន៏ អោយ ដឹង ថា យោងតាមបទបញ្ជារបស់ លោកហ៊ុន សែន និងតាមបញ្ជារបស់លោកហ៊ីង ប៊ុនហៀង អគ្គមេបញ្ជាការរងកងយោធពលខេមរភូមិន្ទ បានបញ្ជាឲ្យលោករៀបចំយករថក្រោះ រថពាសដែកជាច្រើនគ្រឿង ទៅកាន់តំបន់ ព្រំប្រទល់ប្រាសាទព្រះវិហារ។ លោកបញ្ជាក់ទៀតថា នាយទាហាន និងពលទាហាន ដែលគ្រប់គ្រង និងបញ្ជារថក្រោះ រថពាសដែកទាំងអស់នេះ សុទ្ធតែបានឆ្លងកាត់ការហ្វឹកហាត់ និងបទពិសោធន៍ ជាច្រើនលើកក្នុងសមរភូមិ សង្រ្គាមផ្ទៃក្នុងប្រទេសកន្លងមក ហើយមួយចំនួន គឺធ្លាប់ឆ្លងកាត់ការរៀន សូត្រ នៅបរទេសដែលគេមានជំហរមុតមាំនិងជឿជាក់ថា នឹងការពារបូរណភាពដែនដីរបស់កម្ពុជា មិនឲ្យបាត់មួយមីល្លីម៉ែត្រឡើយ។
អគ្គនាយកនៃនាយកដ្ឋានសម្ភារៈបច្ចេកទេសក្រសួងការ ពារជាតិ លោកឧត្ដមសេនីយ៍ឯក ចៅ ភិរុណ បាននិយាយប្រាប់អ្នកកាសែតនិងទូរទស្សន៍ថាដោយ
មានសភាពការណ៍តានតឹងនៅតាម ព្រំដែន លោកហ៊ុនសែន និងឯកឧត្ដម អគ្គមេបញ្ជាការកងយោធពលខេមរភូមិន្ទ បានឲ្យលោករៀបចំ រថក្រោះ និងរថពាសដែកទាំងនេះ ដើម្បីត្រៀមប្រយុទ្ធនៅតំបន់ទិសប្រាសាទព្រះវិហារ។ ដោយ ឡែកនាយកដ្ឋានសម្ភារៈ បច្ចេកទេសមានគ្រឿងបំពាក់គ្រប់គ្រាន់ សម្រាប់កងទ័ពយើងមានរថពាស ដែក មានរថក្រោះ មានកាំជ្រួចប្រតិកម្ម ដែលមួយចំនួនយើងបានបញ្ជូនទៅដល់ព្រំដែនរួចមកហើយៗនេះ គឺជាជំហានថ្មីមួយទៀត ដែលយើងបញ្ជូនទៅបន្ថែមទៀត។សភាពការណ៍នៅតាមព្រំដែន
វាអាស្រ័យលើភាគីសៀមទេ បើគេហ៊ានចូលឈ្លានពានទឹកដី កម្ពុជា នោះកងទ័ពកម្ពុជា នឹងប្រើសិទ្ធិវាយបកការពារទឹកដីរបស់ខ្លួន មិនឲ្យបាត់បង់មួយមីល្លីម៉ែត្រ ឡើយ។
សូមជម្រាបថា ស្ថានការណ៏នៅតាមបណ្តោយព្រំដែនកម្ពុជា សៀម កំពុងតែស្ថិតនៅក្នុងសភាពការណ៏ប្រុងជើងការខ្ពស់ ប៉ុន្តែភាគីកម្ពុជាបានរក្សាសិទ្ធិស្វ័យការពារបើសិនណាកងទ័ពឈ្លានពានរបស់សៀមឈានជើង
ចូលក្នុងទឹកដីកម្ពុជានោះ៕
No comments:
Post a Comment
yes