សភាអឺរ៉ុប ថ្កោលទោសចំពោះការវាយប្រហារ
នៅតំបន់ប្រាសាទព្រះវិហារ
សភាអឺរ៉ុប បានថ្កោលទោសចំពោះការវាយប្រហារគ្នានៅតំបន់ប្រាសាទព្រះវិហារ និងអំពាវនាវអោយប្រទេសថៃ និងកម្ពុជា គោរពការកាត់ក្តីដោយតុលាការ យុត្តិធម៌អន្តរជាតិឆ្នាំ១៩៦២ ។ ការថ្កោលទោសនិងអំពាវនាវអោយគោរពការ កាត់សេចក្តីដោយតុលាការយុត្តិធម៌អន្តរជាតិឆ្នាំ១៩៦២ បានធ្វើឡើងកាលពីថ្ងៃ ទី១៧កុម្ភះ តាមរយៈការចេញនូវដំណោះស្រាយរួមមួយរបស់ក្រុមសភា អឺរ៉ុប ។
សេចក្តីថ្លែងការណ៍ បានអំពាវនាវអោយថៃ និងកម្ពុជា ដោះស្រាយជម្លោះដោយ សន្តិវិធី និងទទួលយកកិច្ចឩបត្ថម្ភរបស់អាស៊ាន និងអង្គការសហប្រជាជាតិ ។ សេចក្តីថ្លែងការណ៍បានស្វាគមន៍សេចក្តីសម្រេចចិត្តរបស់យូណេស្កូដែលនឹង បញ្ជូនបេសកជនទៅប្រទេសថៃនិងកម្ពុជា និងស្នើអោយ ថៃនិងកម្ពុជាសហការ ជាមួយបេសសកជនយូណេស្កូ ដែលនឹងធ្វើដំណើរវាយតម្លៃលើការខូចខាតទៅលើ ប្រាសាទព្រះវិហារ ។
សេចក្តីថ្លែងការណ៍ បានស្នើផងដែរ អោយថៃនិងកម្ពុជារក ដំណោះស្រាយដែលនឹងអាចអោយតំណាងយូណេស្កូ ធ្វើដំណើរចូលទៅប្រាសាទព្រះវិហារ និងបានស្នើមិនអោយមានការរារាំងប្រជាជនធ្វើដំណើរចេញចូលប្រាសាទព្រះវិហារ ឬក្នុងតំបន់ព្រំប្រទល់នោះផងដែរ ៕
No comments:
Post a Comment
yes