គណៈប្រតិភូមួយក្រុមដឹកនាំដោយនាយករដ្ឋមន្ត្រី បានវិលត្រឡប់មកដល់ប្រទេសកម្ពុជាវិញហើយកាលពីព្រលប់ថ្ងៃទី២១ធ្នូម្សិលមិញ បន្ទាប់ពីទៅចូលរួមកិច្ចប្រជុំកំពូលលើកទី២០នៃទំនាកទំនងអាស៊ាន-ឥណ្ឌា ក្នុងទីក្រុង ញូវដែលី ប្រកបដោយជោគជ័យ ។
លោក ហោ ណាំហុង រដ្ឋមន្ត្រីក្រសួងការបរទេស កម្ពុជា
លោក ហោ ណាំហុង រដ្ឋមន្ត្រីក្រសួងការបរទេសកម្ពុជាបានថ្លែងប្រាប់ក្រុមអ្នករាយការណ៏ព័ត៌មានព្រលានយន្តហោះអន្តរជាតិភ្នំពេញថា នៅក្នុងជំនួបរវាងលោកនាយករដ្ឋមន្ត្រីខ្មែរ ហ៊ុន សែន និង នាយករដ្ឋមន្ត្រីឥណ្ឌា ម៉ាន់ ម៉ូហាន់ស៊ីង ឥណ្ឌាបានយល់ព្រមផ្ដល់ប្រាក់កម្ចីឥណ្ឌទានដល់កម្ពុជា៥៧លានដុល្លារ សម្រាប់ការតភ្ជាប់បណ្តាញអគ្គិសនីពីខេត្តក្រចេះទៅស្ទឹងត្រែង និងសាងសង់ប្រព័ន្ធធារាសាស្ត្រនៅស្ទឹងសាសាប់ ។
លើសពីនេះក្នុងឋានៈជាប្រធានអាស៊ានជិតផុតអាណតិ កម្ពុជាក៏បានដាក់ការជម្រុញផងដែរធ្វើយ៉ាងណាឲ្យទំហំទឹកប្រាក់ពាណិជ្ជកម្មឥណ្ឌា-អាស៊ាន កើនដល់១ពាន់លានដុល្លារក្នុងឆ្នាំ២០១៥ និង ឆ្នាំ ២០២២ កើនដល់២០០ពាន់លានដុល្លារ ខណៈបច្ចុប្បន្នមានត្រឹមតែជាង៧០ពាន់លានដុល្លារនោះ ។
បើតាមលោក ហោ ណាំហុង ថា ជាមួយគ្នាលោក ហ៊ុន សែន ក៏បានអំពាវនាវដែរឲ្យឥណ្ឌាសាងសង់ផ្លូវហាយវេដែលដែលមាននៅក្នុងគម្រោងរបស់ខ្លួនស្រាប់ ភ្ជាប់ពី ឥណ្ឌា ចូលភូមា ថៃ យើយ បន្តមក ឡាវ និង កម្ពុជា ៕
No comments:
Post a Comment
yes