ហោ ណាំហុង មិនជឿថាមានការផ្ទុះអាវុធដាក់គ្នា
នៅតាមតំបន់ព្រំដែន
ក្រោយ ជំនួបរវាង រដ្ឋមន្រ្តីក្រសួងការបរទេសសៀមលោក កាស៊ីត ភីរម្យ និងលោក ឧបនាយករដ្ឋមន្រ្តី ហោ ណាំហុង បានមានប្រសាសន៍ប្រាប់ក្រុមអ្នកកាសែតនៅថ្ងៃទី០៤ កុម្ភះ ថា សភាពការណ៍នៅតាមព្រំដែនដែលកងទ័ពរវាងប្រទេសទាំងពីរកម្ពុជា-ថៃ កំពុងប្រុងជើងការខ្ពស់ប្រុងនឹងប្រយុទ្ធគ្នានោះ លោកមិនជឿថាមានការផ្ទុះអាវុធដាក់គ្នានោះទេ។ឧបនាយករដ្ឋមន្រ្តី រដ្ឋមន្ត្រីក្រសួងការបរទេសកម្ពុជា ហោ ណាំហុង បានមានប្រសាសន៏បន្តថា " មកដល់ម៉ោងនេះ លោកមិនទាន់បានទទួលព័ត៌មានអ្វីតានតឹងនៅតាមព្រំដែនទេ ព្រោះកន្លងមកថៃបានដាក់អាវុធមកធ្វើសមយុទ្ធផង និងបញ្ជូនទ័ពមកផង ហើយយើងបានប្រុងជើងការត្រៀមលក្ខណៈរួចជាស្រេច ហើយលោកមិនទាន់ជឿ រហូតមកដល់ពេលនេះ ថាមានការប៉ះពាល់គ្នាដោយអាវុធណាមួយនោះទេ"។
សូមជម្រាបថា នៅរសៀលថ្ងៃទី៤ កុម្ភះ នេះដែរ រដ្ឋមន្ត្រីការបរទេសសៀម លោក កាស៊ីត ភីរម្យ និងធ្វើដំណើរមករាជធានីភ្នំពេញក្នុងគោលបំណងចូលជួប
អ្នកទោសសៀម២នាក់គឺ វីរៈ ស៊ុមក្វាមឃីត និង រ៉ាត់ទ្រី ប៉ៃប៉ូតាណាប៉ៃប៉ូន នៅក្នុងពន្ធនាគារព្រៃសរ៕
No comments:
Post a Comment
yes