ថៃយល់ព្រមទទួលយកអ្នកសង្កេតការណ៍អាស៊ាន
នៅមុនពេលចាកចេញទៅកាន់ប្រទេសឥណ្ឌូនេស៊ីនៅព្រឹកថ្ងៃច័ន្ទដើមសប្តាហ៏នេះ លោកហោ ណាំហុង រដ្ឋមន្ត្រីការបរទេសកម្ពុជាបានឱ្យដឹងថា រដ្ឋមន្ត្រីការបរទេសថៃបានអះអាងថាថៃយល់ព្រមទទួលយកអ្នកសង្កេតការណ៍ ឥណ្ឌូនេស៊ីសម្រាប់ពិនិត្យមើលបទឈប់បាញ់គ្នា។
នៅមុនពេលចាកចេញទៅកាន់ប្រទេសឥណ្ឌូនេស៊ីនៅព្រឹកថ្ងៃច័ន្ទដើមសប្តាហ៏នេះ លោកហោ ណាំហុង រដ្ឋមន្ត្រីការបរទេសកម្ពុជាបានឱ្យដឹងថា រដ្ឋមន្ត្រីការបរទេសថៃបានអះអាងថាថៃយល់ព្រមទទួលយកអ្នកសង្កេតការណ៍ ឥណ្ឌូនេស៊ីសម្រាប់ពិនិត្យមើលបទឈប់បាញ់គ្នា។
លោកហោណាំហុងបាន ចាត់ទុកបញ្ហានេះថាជាចំណុចសំខាន់មួយសម្រាប់កិច្ចប្រជុំអាស៊ាននៅ ថ្ងៃស្អែកនេះ។លោកហោ ណាំហុងបន្តថា នេះជាលទ្ធផលនៃកិច្ចខិតខំប្រឹងប្រែងរបស់កម្ពុជាដែលបានទាមទារជានិច្ចឱ្យមានអ្នកសង្កេតការណ៍អន្តរជាតិដើម្បីពិនិត្យបទឈប់បាញ់គ្នា ជាមួយថៃ។ លោកបានរំលឹកថា ក្នុងកិច្ចប្រជុំក្រុមប្រឹក្សាសន្តិសុខសហប្រជាជាតិថ្ងៃទី១៤កុម្ភៈ កន្លងទៅក៏លោកបានលើកបញ្ហានេះដែរ។លោកហោ ណាំហុងក៏បានសម្តែងការគាំទ្រចំពោះសេចក្តីសម្រេចរបស់សភាអឺរ៉ុបដែល បានអំពាវនាវឱ្យកម្ពុជានិងថៃគោរពសាលក្រមតុលាការយុត្តិធម៌អន្តរជាតិ ក្រុងឡាអេឆ្នាំ១៩៦២។ បើយោងតាមលោកហោ ណាំហុង ក្នុងកិច្ចប្រជុំក្រុមប្រឹក្សាសន្តិសុខសហប្រជាជាតិ ក៏មានប្រទេសមួយចំនួនបានលើកឡើងពីបញ្ហានេះដែរ។ ទន្ទឹមនឹងនោះសភាអឺរ៉ុបបានសម្តែងការព្រួយបារម្ភអំពីការប្រើប្រាស់ គ្រាប់បែកចង្កោមរបស់ថៃពេលប្រយុទ្ធគ្នាជាមួយកងទព័កម្ពុជាផងដែរ។លោកហោ ណាំហុងក៏បានអះអាងដែរថា កិច្ចប្រជុំនៅហ្សាការតាគ្រាន់តែអាចបញ្ឈប់ ការបាញ់គ្នាប៉ុណ្ណោះ តែដំណោះស្រាយពិតប្រាកដគឺរដ្ឋាភិបាលកម្ពុជា
នឹងស្នើទៅតុលាការ យុត្តិធម៌អន្តរជាតិក្រុងឡាអេឱ្យបកស្រាយឡើងវិញសាលក្រមតុលាឆ្នាំ១៩៦២ នៅក្រោយកិច្ចប្រជុំអាស៊ាននេះ។
សូមបញ្ជាក់ថា លោកហ៊ុន ម៉ាណែតកូនប្រុសច្បងរបស់លោកហ៊ុនសែន និងជាមេបញ្ជាការរងកងទព័ជើងគោកក៏បានអញ្ជើញទៅចូលរួមប្រជុំនៅហ្សា ការតាដែរគឺប្រជុំខាងផ្នែកយោធា។ លោកហ៊ុនម៉ាណែតមិនបានជិះយន្តហោះជាមួយគណៈប្រតិភូក្រសួងការបរបទេសទេគឺ ជិះវ៉ុលដោយឡែកមួយជាមួយគណៈប្រតិភូយោធា៕
No comments:
Post a Comment
yes