ការប្រហារជីវិតនាពេលឆាប់ៗលើជនជាតិភាគតិចអ៊ុយហ្គួរ
តុលាការកំពូលចិន ទើបបើកការអនុញ្ញាត្តឲ្យធ្វើការប្រហារជីវិតលើជនចំនួន៤នាក់ដែល គេជឿជាក់ថា ជាជនជាតិភាគតិច អ៊ុយហ្គួរ និងដែលត្រូវបានផ្តន្ទាទោសប្រហារជីវិតនៅ ខេត្ត ស៊ីនជាំងប៉ែកពាយព្យប្រទេសចិន។ នេះជាការជូនដំណឹងរបស់សារព័ត៌មានចិននៅថ្ងៃពុធទី២៣កុម្ភៈនេះ។
ទីក្រុង Urumqi ដែលសំបូររស់នៅដោយជនជាតិ អ៊ុយហ្គួរបានស្គាល់នូវភាពវឹកវរតាំងពីខែកក្កដាឆ្នាំ២០០៩
ដោយសារមានការបះបោរប្រឆាំងគ្នា រវាងសហគមន៍
Ouïgoursនិងសហគមន៍ ចិន Han។
© Reuters
© Reuters
ដោយ នុយ ប៊ែរណាដែត
នៅលើគេហទំព័រអិនធ័រណេតរបស់ខ្លួន សារព័ត៌មានចិន Xinjiang Daily បានជូនដំណឹងថា « តុលាការកំពូលចិន ទើបសំរេចយល់ព្រម ឲ្យប្រហារជីវិតលើអ្នក
ទោសជាតិពិន្ធុ អ៊ុយហ្គួរ ក្នុងពេលឆាប់ៗ។ ឈ្មោះពួកជន ដែលនឹងត្រូវផ្តន្ទា
ទោសប្រហារជិវិតនោះ គឺសុទ្ធសឹងជាសមាជិកនៃសហគមន៍ជនជាតិភាគ
តិចអ៊ុយហ្គួរ ដែលជាអ្នកកាន់សាសនាអ៊ីស្លាមនិងភាគច្រើននិយាយភាសាទួរគី នៅខេត្ត ស៊ីនជាំង ។ ខេត្ត ស៊ីនជាំង គឺជាតំបន់ស្វ័យតមួយនៃប្រទេសចិនដែលស្ថិតនៅចុងកាត់ មាត់ញកនៃតំបន់អាស៊ីកណ្តាល ។ តំបន់នេះបានជួបប្រទះនឹងភាពវឹកវរ ទាមទារចង់ផ្តាច់ទឹកដីតាំងពីយូរឆ្នាំមកហើយ។ ក្នុងចំណោមអ្នកទោសទាំង៤នាក់ ជនពីរនាក់ ដែលមានឈ្មោះ Tuerhong Tuerdi និង Abula Tueryacun ត្រូវបានផ្តន្ទាទោសប្រហារជីវិត ពីបទបានចូលរួមក្នុងអំពើភេរវកម្មមួយ ដែលបានបណ្តាលឲ្យមនុស្សស្លាប់ចំនួន ៧ នាក់កាលពីថ្ងៃទី១០សីហាឆ្នាំ២០១០ នៅក្រុង Aksu។ ចំណែកជនទី៣ ឈ្មោះ Akeneyacun Nuer ត្រូវផ្តន្ទាទោស ពីបទបានសម្លាប់នគរបាលចិនម្នាក់កាលពីខែវិច្ឆិកាឆ្នាំមុននៅ khotan។ រីឯអ្នកទី៤ឈ្មោះ Abudukaiyoumu Abudureheman ត្រូវ ផ្តន្ទាទោសប្រហារជីវិត ក្នុងបទដែលគាត់ បានបាញ់កាំភ្លើងសម្លាប់ ជនជាតិចិន Hans ពីរនាក់នៅក្នុងតំបន់ Hami នាចុងឆ្នាំ ២០១០។ គួររំលឹកឡើងវិញថា ទីក្រុង Urumqi ដែលសំបូររស់នៅដោយជនជាតិ អ៊ុយហ្គួរ បានស្គាល់នូវ ភាពវឹកវរតាំងពីខែកក្កដាឆ្នាំ២០០៩មកម៉្លេះ ដោយសារតែមានការបះបោរប្រឆាំងគ្នា រវាងសហគមន៍ Ouïgours និង សហគមន៍ ចិន Han ដែលមានភាគច្រើននៅក្នុងប្រទេសចិន។ អំពើហិង្សា រវាងសហគមន៍ទាំងពីរនេះ បានបណ្តាលឲ្យស្លាប់មនុស្សចំនួន ២០០នាក់ នេះបើយោងតាមប្រភពផ្លូវការចិន។ អំពើហិង្សា ត្រូវបាន រដ្ឋាភិបាលចិន ចោទប្រកាន់ថា គឺ ពួកទាមទារចង់ផ្តាច់ទឹកដី នៅតំបន់ ស៊ីនជាំង នេះ ជាអ្នកបង្កឡើងដ៏សាហាវបំផុត នារយៈពេលជាច្រើនទសវត្យរ៍ កន្លងមក នៅក្នុងប្រទេស ។ ម្យ៉ាងទៀត យោងតាមប្រព័ន្ធឃោសនាមហាជន ចិន ចាប់តាំងពីមានការបះបោរទាមទារចង់ផ្តាច់ទឹកដីមក ជនចំនួន២៥នាក់ហើយត្រូវបានរដ្ឋអំណាចចិន ប្រហារជីវិត៕ ពីវិទ្យុ បារាំង អន្តរជាតិ RFI
tags: ចិន
tags: ចិន
No comments:
Post a Comment
yes