សមាជិកា គណបក្ស ហ្វ៊ុនស៊ិនប៉ិច ជាង១០០នាក់
ចុះចូលជាមួយគណបក្ស នរោត្តម រណឬទ្ធិ
មន្ត្រី អ្នក នាំ ពាក្យ ផ្ទាល់ របស់ សម្តេច ក្រុមព្រះ នរោត្តម រណឬទ្ធិ បាន អោយ ដឹង ថា មាន សមាជិក សមាជិកា គណបក្ស ហ្វ៊ុនស៊ិនប៉ិច ជាង ១០០នាក់ នៅ ក្នុង ខេត្តកំពង់ចាម បាន ចុះ ចូល ជា មួយ គណបក្ស នរោត្តម រណឬទ្ធិ ។
ការ លើក ឡើង របស់ អ្នក នាំ ពាក្យ ផ្ទាល់ សម្តេច ក្រុម ព្រះ ត្រូវ បាន អ្នក នាំ ពាក្យ គណបក្ស
ហ្វ៊ុនស៊ិនប៉ិច ធ្វើ ការ បដិ សេធ និង អះ អាង ថា មិន មាន សមាជិក គណបក្ស ហ្វ៊ុនស៊ិនប៉ិច ចុះ ចូល
ជា មួយ គណបក្ស នរោត្តម រណឬទ្ធិ នោះទេ។
មន្ត្រី អ្នក នាំ ពាក្យ ផ្ទាល់ របស់ សម្តេច ក្រុមព្រះ លោក ជា ច័ន្ទបរិបូរណ៏ បាន ប្រាប់ឲ្យដឹង នៅ
ថ្ងៃទី១២ មិនា នេះថា មានសមាជិក សមាជិកា គណបក្ស ហ្វ៊ុនស៊ិនប៉ិច, ចំនួន១២៧នាក់ បានចុះចូលជាមួយគណបក្ស នរោត្តម រណឬទ្ធិខណៈពេលដែលសម្តេចក្រុមព្រះ ប្រធានគណបក្ស នរោត្តម រណឬទ្ធិ ចុះជួបសាកសួរទុក្ខ សមាជិក សមាជិកា គណបក្ស
នៅក្នុងខេត្តកំពង់ចាម នាព្រឹកថ្ងៃទី១២ មិនា នេះ។
លោក ជា ច័ន្ទបរិបូរណ៏ បានបន្តថា សមាជិកគណបក្ស ហ្វ៊ុនស៊ិនប៉ិច ដែលចុះចូលជា
មួយគណបក្ស នរោត្តម រណឬទ្ធិ មានដូចជា នៅស្រុកព្រៃឈរចំនួន៤២នាក់ ស្រុក
ស្ទឹងត្រង់ចំនួន៤៥នាក់ និងស្រុកចំការលើចំនួន៤០នាក់។
ចំណែកមន្ត្រីអ្នកនាំពាក្យគណបក្ស ហ្វ៊ុនស៊ិនប៉ិច លោក ទុំ សម្បុរ បានធ្វើការបដិ
សេធថា សមាជិក សមាជិកា គណបក្ស ហ្វ៊ុនស៊ិនប៉ិច មិនបានចុះចូលជាមួយគណបក្ស
នរោត្តម រណឬទ្ធិ នោះទេ ហើយលោកថាជាការបំភ្លៃព័ត៏មាន ដើម្បីធ្វើអោយ
សមាជិកគណបក្ស ហ្វ៊ិនស៊ិនប៉ិច មានការយល់ច្រឡំ។
សមាជិកគណបក្ស ហ្វ៊ិនស៊ិនប៉ិច មានការយល់ច្រឡំ។
សូមជម្រាបថា គណបក្ស ហ្វ៊ុនស៊ិនប៉ិច និងគណបក្ស នរោត្តម រណឬទ្ធិ បានស្វែងរក
ការបង្រួបបង្រួមគ្នា ទៅជាគណបក្សថ្មីមួយឈ្មោះថា គណបក្ស ហ្វ៊ុនស៊ិនប៉ិច៨១ ដែលជាការផ្តួចផ្តើមរបស់សម្តេចក្រុមព្រះ ប៉ុន្តែគណបក្ស ហ្វ៊ុនស៊ិនប៉ិច មិនយល់
ព្រមទាមទារដាក់ឈ្មោះ ហ្វ៊ិនស៊ិនប៉ិច ដដែល។ មកដល់ពេលនេះគណបក្សទាំង
ពីរនៅមិនទាន់អាចបង្រួបបង្រួមគ្នាបានទេដោយសារតែការខ្វែង
គំនិតគ្នាពីបញ្ហាដាក់ឈ្មោះគណបក្ស៕
No comments:
Post a Comment
yes