រដ្ឋាភិបាលលោកហ៊ុន សែន ខ្លាចសំលេងស្លឹកឈើជ្រុះ
នេះ បានចំជាអ្នកខ្លាច ដូចអ្នកខ្លាចខ្មោចដ៏មហាសែនហួសហេតុមួយ កុំថាឡើយឃើញស្រមោលអ្វីម៉្យាងចម្លែក សូម្បីតែលឺសំលេងស្លឹកឈើជ្រុះ ក៏ភ័យបាស់សក់រត់បាតជើងសព្រាតដែរ។ វាជារឿងដ៏មហាអស់សំណើចមួយ ដែលរដ្ឋាភិបាលរបស់លោក ហ៊ុន សែន មិនបានអនុញ្ញាតិអោយមានការជួបជុំកណ្តាលទីក្រុងភ្នំពេញ ដែលផ្តួចផ្តើមឡើងដោយអង្គការស្ត្រីកម្ពុជា Cambodian Women`s Movement Organization (CWMO) ដើម្បីរំលឹកខួបទី ១០០ ឆ្នាំ នៃ “ ទិវាសិទ្ធិនារីអន្តរជាតិ” ដែលនឹងប្រារព្ធធ្វើឡើងនៅថ្ងៃទី ០៨ ខែ មិនា ឆ្នាំ ២០១១ នេះ នេះតាមការអោយដឹងពីខាង Human Rights Watch។ Human Rights Watch បាននិយាយថារដ្ឋាភិបាលបរាជ័យក្នុងការអោយមូលហេតុដ៏សមរម្យណាមួយ ក្នុងការមិនយល់ព្រមអោយខាង CWMO ប្រារព្ធពិធីនោះ ដែលសំបុត្រមិនអនុញ្ញាតិនោះចុះថ្ងៃទី ០៧ ខែ មិនា ឆ្នាំ ២០១១ ពីខាងសាលាក្រុងភ្នំពេញលោក កែវ ជុតិម៉ា។
Brad Adams ដែលជាប្រធានរបស់អង្គការ Human Rights Watch ប្រចាំអាស៊ីបាននិយាយថា “ ការ មិនយល់ព្រមរបស់រដ្ឋាភិបាលក្នុងការអនុញ្ញាតិអោយមានការជួបជុំនៅ ថ្ងៃសិទ្ធិនារីអន្តរជាតិ វាហាក់បីដូចជាការកំប្លែងលេងមួយ = The government`s refusal to allow an International Women`s Day rally first seemed like a joke” ។ ថ្ងៃទិវានារីអន្តរជាតិ ជាថ្ងៃបុណ្យជាតិហើយប្រជាជនកម្ពុជាទូទាំងប្រទេសបានកំពុង តែត្រៀមខ្លួនដើម្បីបានសំរាកពីការងារមួយថ្ងៃនេះដើម្បីប្រារព្ធ ពិធីនេះ ហើយក៏មាន ប្រទេសជាច្រើនទៀតប្រារព្ធពិធីនេះដែរ។ Brad Adams ក៏បាននិយាយទៀតថា “ ការ មិនយល់ព្រមអោយស្ត្រីមានសិទ្ធិជួបជុំគ្នាដោយសន្តិវិធីនេះ បង្ហាញអោយឃើញថា រដ្ឋាភិបាលមិនទុកចិត្តប្រជាជនខ្លួនឯង។ ច្បាប់ផ្តាច់ការដ៏គួរអោយខ្លាចនេះរបស់ រដ្ឋាភិបាកកម្ពុជា គួរតែបានគិតដល់ម្ចាស់ជំនួយសំរាប់ប្រទេសនេះផងដែរ” ។ការ មិនយល់ព្រមអោយស្ត្រីមានសិទ្ធិជួបជុំគ្នាដោយសន្តិវិធីនេះ
បង្ហាញអោយឃើញថា រដ្ឋាភិបាលមិនទុកចិត្តប្រជាជនខ្លួនឯង។
ច្បាប់ផ្តាច់ការដ៏គួរអោយខ្លាចនេះរបស់ រដ្ឋាភិបាកកម្ពុជា គួរតែ
បានគិតដល់ម្ចាស់ជំនួយសំរាប់ប្រទេសនេះផងដែរ
គួរ បញ្ជាក់ថា “ ទិវាសិទ្ធិនារី” វាមិនទាក់ទងបន្តិចទាល់តែសោះដល់បញ្ហានយោបាយ ហើយទិវានេះក៏មិនមែនជាទិវាចងកំហឹងដែរ តែរដ្ឋាភិបាលមានការព្រួយបារម្ម ហួសហេតុ ដោយសារតែដឹងថាខ្លួនមិនមែនជាអ្នកដឹកនាំល្អ ហើយខ្លាចប្រជាជនក្រោកឡើងបះបោរដូច ប្រទេសមួយចំនួនក្នុងពិភព អារ៉ាប់តែប៉ុណ្ណោះ។ តើអ្នកទាំងអស់គ្នាដឹង ទេថារៀងរាល់ ៩០ វិនាទីម្តង រៀងរាល់ថ្ងៃមានស្ត្រីម្នាក់ស្លាប់ដោយសារតែការមានផ្ទៃពោះ រឺ ការសំរាលកូន? ស្ត្រីទទួលបានប្រាក់ខែតិចជាងបុរសសូម្បីតែការងារនោះដូចគ្នា? ហើយក៏មានប្រទេស ជាច្រើនដែលមិនផ្តល់អ្វីៗអោយពួកគេស្មើនឹងបុរស សូម្បីតែការ ទទួលមរតក។ ហើយមានស្ត្រីតែចំនួន ១៩ ភាគរយប៉ុណ្ណោះដែលបានចូលរួមបង្កើតអោយមាន “ អង្គនិតិបញ្ញតិ = Legislature” និង ៨ ភាគរយប៉ុណ្ណោះដែលបានចូលរួមការការចរចាររកសន្តិភាព និង ២៨ ភាគរយប៉ុណ្ណោះដែលជាអ្នកដឹកនាំរដ្ឋ នេះបើតាមរបាយការណ៍ពីអង្គការសហប្រជាជាតិ។ ហើយបើនិយាយអំពីស្ត្រីក្នុងប្រទេសកម្ពុជា វិញពីដើមរៀងមក តែងតែជាជនរងគ្រោះដែលត្រូវគេរំលោភបំពាន កៀបសង្កត់គ្រប់ជ្រុង ដែលសូម្បីតែទំនៀមទំលាប់ ប្រពៃណី វប្បធម៌ សាសនា ក៏ដាក់នឹមសង្កត់លើស្មារបស់ពួកគេដែរ និង មិនបានបង្ហាញអោយឃើញថាពួកគេមានភាពស្មើគ្នាជាមួយនឹងបុរសសូម្បី តែបន្តិច ៕
ពីគេហទំព័រhttp://varychin.com
No comments:
Post a Comment
yes