បុរសម្នាក់បានគាំងបេះដូងស្លាប់លើទ្រូងស្រី ខណៈធ្វើចលនារួមរ័កមេត្រីជាមួយគូកំណាន់នៅផ្ទះជួលមួយកន្លែង ដែលដំបូងគឺបុរសនោះក្អួតដាក់ទ្រូងដ៏សខ្ចីរបស់ស្រីស្នេហ៍ រួចបាត់មាត់ស្តូកស្តឹងស្លាប់លើបង្គងគួរឱ្យសោកស្តាយ និងភ្ញាក់ផ្អើលពន់ពេកណាស់កាលពីវេលាម៉ោង៦ល្ងាចថ្ងៃទី១៨ កញ្ញា ២០១១ នៅតាមបណ្តោយផ្លូវចូលវត្តតាំងកសាង មុខព្រលានយន្តហោះអន្តរជាតិភ្នំពេញ ភូមិក្បាលដំរី សង្កាត់កាកាប ខណ្ឌដង្កោ រាជធានី ភ្នំពេញ។
បុរសម្នាក់នេះឈ្មោះតាំង គីមកាំង អាយុ៥៤ឆ្នាំ មុខរបរបុគ្គលិកទូរទស្សន៍ខ្សែកាប មានទីតាំងនៅផ្ទះលេខ២២២ ផ្លូវលេខ២៧៤ សង្កាត់បឹងកេងកងទី២ ខណ្ឌចំការមន រាជធានីភ្នំពេញ ។ ដោយឡែកស្រីស្នេហ៍របស់បុរសនោះឈ្មោះណារីអាយុ៣៦ឆ្នាំ មានស្រុកកំណើតនៅខេត្តតាកែវ មុខរបរបុគ្គលិកស្រាបៀរ ស្នាក់នៅផ្ទះជួលម្តុំមន្ទីរពេទ្យកាល់ម៉ែត ហើយត្រូវប៉ូលិសឃាត់ខ្លួននៅផ្នែកព្រហ្មទណ្ឌខណ្ឌដង្កោរង់ចាំការស្រាវជ្រាវ ព្រោះស្រីរូបនោះនិយាយមិនសូវមានការពិតនៅពេលដែលប៉ូលិសសាកសួរ ។តាមប្រភពព័ត៌មានបានឱ្យដឹងថា មុនពេលកើតហេតុបុរសវ័យកណ្តាលម្នាក់នេះបានជិះម៉ូតូម៉ាកគុបជ្រុង១គ្រឿង ទៅចាំស្រីស្នេហ៍របស់ខ្លួននៅបន្ទប់ផ្ទះជួលតាមទម្លាប់ដូចរាល់ដង ប៉ុន្តែគេពុំដឹងថា គាត់ចេញពីផ្ទះទៅកាន់ទីនោះតែម្តង ឬក៏ទើបមកពីណានោះទេ? ហើយជាមួយនេះមានប្រភពខ្លះអះអាងថា គាត់ទើបត្រឡប់មកពីវត្ត ក៏ណាត់ជួបស្រីស្នេហ៍នៅទីនោះ ។
ប្រភពដដែលបានបន្តទៀតថា បុរសនោះបានទិញស្រាបៀរ ABC 4 កំប៉ុង និងទឹកសណ្តែក១កំប៉ុងយកទៅហូបនៅក្នុងផ្ទះជួលនោះផងដែរ លុះពេលទៅដល់គាត់បានទូរស័ព្ទឱ្យនាងណារីដែលជាស្រីស្នេហ៍ទៅជួប ទំនងកន្លងមករវាងពួកគេទាំងពីរនាក់នេះធ្លាប់ណាត់ជួបគ្នារួមរ័កមេត្រីជាញឹកញាប់រួចមកហើយដែរ ទើបក្រោយពីបុរសនោះណាត់ជួបភ្លាម ស្ត្រីរូបនោះបានជិះម៉ូតូម៉ាកគុបជ្រុង១គ្រឿងទៅជួបភ្លាមៗដែរ និងស្គាល់ផ្ទះជួលមួយនោះយ៉ាងច្បាស់ទៀតផង ។ បន្ទាប់ពីស្ត្រីរូបនោះទៅដល់ពួកគេបាននាំគ្នាផឹកស្រាបៀរ និងទឹកសណ្តែក បន្ទាប់មកបានបើកទំព័រឡើងឋានសួគ៌ជាមួយគ្នា ប៉ុន្តែបន្តិចក្រោយមកពេលកំពុងរួមរ័កបុរសនោះស្រាប់តែមានអាការៈមិនស្រួលខ្លួនបានក្អួតលើដើមទ្រូងសខ្ចីរបស់ស្រីស្នេហ៍បាត់មាត់ក រួចក៏ស្លាប់នៅលើបង្គងភ្លាមៗតែម្តង៕
ពីគេហទំព័រ៖ កោះសន្តិភាព
No comments:
Post a Comment
yes