ក្រុមវេជ្ជបណ្ឌិតនៃមន្ទីរពេទ្យមិត្តភាពកម្ពុជា-សូវៀត បានអះអាងថា យ៉ាងហេចណាស់មានមនុស្ស ២នាក់ បានស្លាប់ និងមនុស្ស ២នាក់ទៀត កំពុងស្ថិតក្រោមការជួយសង្រ្គោះបន្ទាន់ពីក្រុមគ្រូពេទ្យ បន្ទាប់ពីមានករណីពុលអាហារបានកើតឡើងកាលពីថ្ងៃទី២៨ ខែកញ្ញា។
លោកស្រីវេជ្ជបណ្ឌិត សេង ចន្នី ទទួលបន្ទុកផ្នែកសង្គ្រោះបន្ទាន់នៃមន្ទីរពេទ្យមិត្តភាពកម្ពុជា-សូវៀត បានប្រាប់ថា កាលពីថ្ងៃទី២៨ ខែកញ្ញា អាណាព្យាបាលរបស់អ្នកជំងឺទាំង ៤នាក់នេះ បានរៀបរាប់ប្រាប់អំពីអាការៈជំងឺកូនខ្លួនមកកាន់គ្រូពេទ្យជំនាញ ដើម្បីឲ្យគ្រូពេទ្យជួយសង្គ្រោះអ្នកជំងឺទាំងនោះ ឲ្យបានទាន់ពេលវេលា។
លោកស្រីបន្តថា បើតាមសំដីស្រ្តីជាម្តាយបានប្រាប់ឲ្យដឹងថា កូនទាំងបួនរបស់គាត់បានចាប់ផ្តើមកើតមានអាការៈដូចៗគ្នា ដែលអាការៈនោះមាន វិលមុខ ក្អួត ក្តៅខ្លួន..ជាដើម ក្រោយពីបានញុំានំអន្សមអស់រយៈពេល ២ទៅ ៣នាទីក្រោយមក។
លោកស្រីថ្លែងថា៖ «ក្រុមគ្រូពេទ្យបាននាំគ្នាយកចិត្តទុកដាក់សង្រ្គោះនិងតាមដានអំពីស្ថានភាពរបស់អ្នកជំងឺចំនួន២នាក់ក្នុងចំនោម៤នាក់នេះ បន្ទាប់ពីពួកយើងបានទទួលដំណឹងថា មានក្មេង២នាក់ប្រុសម្នាក់និងស្រីម្នាក់ ត្រូវបានស្លាប់បាត់បង់ជីវិតដោយសារអាការៈពុលអាហារដែលធ្ងន់ធ្ងរ»។
ពីគេហទំព័រ៖ ភ្នំពេញប៉ុស្តិ៏
No comments:
Post a Comment
yes