មានករណីគ្រោះថ្នាក់ចរាចរមួយគួរឲ្យញាក់សាច់ដោយសារបុរសជនជាតិវៀតណាមម្នាក់បើកម៉ូតូលឿនពេកលុះដល់ចំណុចបន្ថយល្បឿន(គ្រឺត)ម៉ូតូក៏បែកកង់មុខរេចង្កូតដួលបោកនឹងថ្នល់ស្របពេលនោះមានរថយន្តមកដល់ក៏កិនក្បាលបែកខ្ទេចធ្លាយខួរពេញថ្នល់ចំណែករថយន្តបង្កដាក់មេផាយបាត់ស្រមោលគ្មានការរំខានដល់សមត្ថកិច្ចទេ។
ហេតុការនេះបានកើតឡើងកាលពីថ្ងៃទី២៩ ខែកញ្ញា ឆ្នាំ២០១១ វេលាម៉ោង៤និង ២០នាទីនៅតាមបណ្ដោយផ្លូវជាតិលេខ១ ត្រង់ចំណុចភូមិតាប៉ ឃុំ តាសួល ស្រុក ស្វាយជ្រំ ខេត្តស្វាយរៀង។ ជនរងគ្រោះដែលស្លាប់ដោយជិះម៉ូតូបែកកង់មុខនោះមានឈ្មោះ មូយ វ៉ាន់លាត់ ភេទប្រុសអាយុ ៤៦ឆ្នាំ ជនជាតិវៀតណាមមានទីលំនៅ ស្រុក កូយូវ ខេត្ត ឡុងអាន ប្រទេសវៀតណាម ជិះម៉ូតូម៉ាក សង់ កូរ៉េ ពណ៌ក្រហមពាក់ស្លាកលេខ វៀតណាម 71.F2.7449។
បើតាមប្រភពព័ត៌មានពីអ្នកឃើញហេតុការផ្ទាល់ភ្នែកបានឲ្យដឹងថា មុនពេលកើតហេតុគេឃើញបុរសជនជាតិវៀតណាមរូបនោះបើកម៉ូតូយ៉ាងលឿនក្នុងទិសដៅពីលិចទៅកើត សំដៅពីខេត្ត ស្វាយរៀង ទៅប្រទេសវៀតណាមវិញ លុះដល់ចំណុចកើតហេតុខាងលើ គេឃើញម៉ូតូមួយគ្រឿងនោះ រេចង្កូត ហើយក៏ដួលបោកទៅនឹងថ្នល់លាន់ផូង ស្របពេលនោះមានរថយន្តធន់ធំមួយគ្រឿង នៅកៀកនឹងម៉ូតូ ខណៈពេលម៉ូតូនោះដួលរថយន្តនោះគេចមិនទាន់ក៏កិនបុរសនោះ បែកក្បាលខ្ទេចចេញខួរខ្ទាតពេញផ្លូវ ។ក្រោយពេលកើតហេតុប្រមាណជា២០នាទៅទើបប៉ូលិសចរាចរស្រុកស្វាយ ជ្រំ ទៅដល់រៀបចំសណ្ដាប់ធ្នាប់ចរាចរលើផ្លូវជាតិលេខ១ បានឆែកឆេរសាកសពជនជាតិវៀតណាមនោះរកឃើញអត្តសញ្ញាណប័ណ្ណ ទើបស្គាល់ឈ្មោះ និង លំនៅដ្ឋាន ពិតប្រាកដក៏ស្រាវជ្រាវរកសាច់ញាតិ ។ នៅម៉ោង៧យប់គ្រួសារសពមកទទួលយកសពទៅធ្វើបុណ្យនៅប្រទេសវៀតណាមវិញ៕
ពីគេហទំព័រ៖ កម្ពុជាថ្មី
No comments:
Post a Comment
yes