តារាកំប្លែងនាយឡោស៊ី ដែលប្រជាពលរដ្ឋខ្មែរទូទាំងប្រទេសតែងតែឃើញសម្ដែងនៅតាមកញ្ចក់ទូរទស្សន៍និងក្នុងពិធីកាត់សក់រៀបអាពាហ៍ពិពាហ៍ពេលកន្លងមក ឥឡូវបានបាត់បង់ជីវិតយ៉ាងអាណោចអាធ័មក្រោយពីតារាកំប្លែងរូបនេះចេញមកពីសម្ដែងនៅក្នុងភោជនីយដ្ឋានមួយកន្លែងនៅរាជធានីភ្នំពេញ ហើយសំដៅទៅផ្ទះនៅក្រុងតាខ្មៅ ក៏ជួបគ្រោះថ្នាក់ចរាចរណ៍ដួលម៉ូតូបោកក្បាលស្លាប់នៅពាក់ផ្លូវបោកស្លាប់តែម្ដង។
ហេតុការណ៍ខាងលើបានកើតឡើងកាលពីវេលាម៉ោង០០និង២០នាទីឈានចូលថ្ងៃថ្ងៃទី១៥ កញ្ញា ២០១១ នៅតាមបណ្ដោយផ្លូវជាតិលេខ២ ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ។
បន្ទាប់ពីទទួលព័ត៌មានថាតារាជើងចាស់កំប្លែងនាយឡោស៊ីជួបឧបទ្ទវហេតុគ្រោះថ្នាក់ចរាចរណ៍រួចមក ក្រុមកំប្លែងរបស់នាយឡោស៊ី ក៏បានមកមើលនៅកន្លែងកើតហេតុដែរនិងសម្ដែងនូវការអាណិតអាសូរយ៉ាងខ្លាំង ហើយសាកសពជនរងគ្រោះត្រូវក្រុមគ្រួសារដឹកយកទៅផ្ទះរបស់លោកនៅក្រុងតាខ្មៅ៕
ពីគេហទំព័រ៖ នគរវត្ត
No comments:
Post a Comment
yes