លោក ស្ទីវ ចប បាននិយាយថា លោកចង់កម្ទេចកម្មវិធី Android និងចំណាយនូវរាល់ប្រាក់ទាំងអស់របស់ក្រុមហ៊ុន Apple និងដង្ហើមចុងក្រោយរបស់ ប្រសិនបើនោះគឺជាអ្វីដែលត្រូវធ្វើ ដើម្បីកម្ទេចកម្មវិធីមួយនេះរបស់ក្រុមហ៊ុន Google។ នេះដោយយោងតាមសៀវភៅជីវប្រវត្តិរបស់លោក ស្ទីវ ចប ដែលត្រូវបាននិពន្ធឡើងដោយអ្នកនិពន្ធ Walter Isaacson។
លោក ចប បានប្រាប់អ្នកនិពន្ធម្នាក់នេះថា លោកចាត់ទុកភាពស្រដៀងគ្នារបស់កម្មវិធី Android ទៅនឹងកម្មវិធី iOS របស់ក្រុមហ៊ុនគាត់ ជា«ចោរលួចកម្មសិទ្ធិបញ្ញា»។
ក្រុមហ៊ុន Apple បាន និងកំពុងប្ដឹងផ្ដល់បណ្ដាក្រុមហ៊ុនផលិតទូរស័ព្ទទំនើបនានា ដែលប្រើប្រាស់កម្មវិធី Android របស់ក្រុមហ៊ុន Google។
យោងតាមសៀវភៅរបស់អ្នកនិពន្ធរូបនេះ លោក ចប បាននិយាយថា៖ «ខ្ញុំនឹងកម្ទេច Android ពីព្រោះវាគឺជាផលិតផលលួចចម្លងដោយស្ងៀមស្ងាត់។ ខ្ញុំមានឆន្ទៈប្រកាសសង្គ្រាមដ៏ធំក្នុងរឿងនេះ»។ លោក ចប ថែមទាំងបានថ្លែងបន្តថា៖ «ខ្ញុំនឹងចំណាយដង្ហើមចុងក្រោយរបស់ខ្ញុំ ប្រសិនបើចាំបាច់ ហើយខ្ញុំនឹងចំណាយប្រាក់ខ្ញុំទាំងអស់ ៤០ពាន់លានដុល្លារនៅក្នុងធនាគារ ទៅលើរឿងនេះ»៕
No comments:
Post a Comment
yes