លោក Andrew Cayley សហព្រះរាជអាជ្ញានៅសាលាក្តីខ្មែរក្រហម។
រូបថត ហេង ជីវ័ន
សហព្រះរាជអាជ្ញានៃសាលាក្តីកាត់ទោសអតីតមេដឹកនាំខ្មែរក្រហម បានវាយបកតបនឹងការរិះគន់ កាលពីពេលថ្មីៗដោយបានបញ្ជាក់ជាថ្មី អំពីការតាំងចិត្តរបស់ពួកគេ ចំពោះឯករាជភាព អធិបតេយ្យភាព និងភាពមិនលម្អៀងនៅក្នុងសេចក្តីថ្លែងការណ៍មួយចេញផ្សាយកាលពីថ្ងៃសុក្រកន្លងទៅ។
អង្គការឃ្លាំមើលសិទ្ធិមនុស្ស(HRW)ពីសប្តាហ៍មុនបានអំពាវនាវឲ្យលោក Siegfried Blunk និងលោក យូ ប៊ុនឡេង សហចៅក្រមស៊ើបអង្កេតលាលែងពីតំណែងនៅក្នុងសេចក្តីថ្លែងការណ៍ដ៏វែងមួយដែលបរិយាយពីទង្វើខុសឆ្គង និងច្បាប់នៅតុលាការកូនកាត់នេះ។
ខណៈសេចក្តីថ្លែងការណ៍នេះផ្តោតទៅលើលោក Blunk និងលោក យូ ប៊ុនឡេងវាក៏មានពាក្យពេចន៍ផ្តោតខ្លាំងៗ ទៅលើមន្ត្រីអង្គការសហប្រជាជាតិដទៃទៀត និងការគ្រប់គ្រងរបស់អង្គការសហប្រជាជាតិពាក់ព័ន្ធនឹងតុលាការមួយនេះដែរ។
ក្នុងសេចក្តីថ្លែងការណ៍ HRW បានសរសេរថា៖ «ការសម្រេចស្ថិតក្រោមឥទ្ធិពលនយោបាយ ដែលឆ្លុះបញ្ចាំងពីទស្សនៈរបស់លោក ហ៊ុន សែន សហព្រះរាជអាជ្ញាកម្ពុជា លោកស្រី ជា លាង បានខិតខំរារាំងការចោទប្រកាន់[ក្នុងសំណុំរឿង ០០៣-០០៤] ដោយអះអាងថា ជនសង្ស័យពុំស្របនឹងនិយមន័យ នៃពាក្យ«អ្នកទទួលខុសត្រូវខ្ពស់បំផុត»ក្រោមច្បាប់របស់ អ.វ.ត.ក»។
សហព្រះរាជអាជ្ញាជាតិ លោកស្រី ជា លាង និងសហព្រះរាជអាជ្ញាអន្តរជាតិ លោក Andrew Cayley មានភាពមិនចុះសម្រុងគ្នាជុំវិញករណី០០៣។ លោក Cayley បន្តធ្វើការស៊ើបអង្កេតលើសំណុំរឿងនេះតែឯង។
ក្នុងការឆ្លើយតបទៅនឹងសេចក្តីថ្លែងការណ៍ពីសប្តាហ៍មុនរបស់ HRW លោក Cayley បានថ្លែងប្រាប់ភ្នំពេញប៉ុស្តិ៍ថា មានបុគ្គលិក និងមន្ត្រីប្តេជ្ញា ដែលត្រឹមត្រូវជាច្រើនរូបកំពុងបំពេញការងារនៅក្នុងតុលាការនោះ។
លោក Cayley មានប្រសាសន៍ថា៖ «ខ្ញុំសូមសង្កត់ធ្ងន់នាពេលនេះថា មុនពេលធ្វើការតាំងចិត្តណាមួយ យើងគួរពិនិត្យមើលទៅលើការងាររបស់តុលាការជារួម ហើយការងាររបស់តុលាការនៅពុំទាន់បញ្ចប់នៅឡើយ»។
សេចក្តីថ្លែងការណ៍របស់សហព្រះរាជអាជ្ញានៅថ្ងៃសុក្របញ្ជាក់ថា សហព្រះរាជអាជ្ញាត្រូវតែមានឯករាជភាពក្នុងការបំពេញកាតព្វកិច្ចខ្លួន និងត្រូវអនុវត្តក្នុងអធិបតេយ្យភាព និងមិនលម្អៀង។
សេចក្តីថ្លែងការណ៍នោះបានសរសេរបន្តថា៖ «នាថ្ងៃនេះ ការិយាល័យរបស់យើងជាមួយនឹងការជួយគាំទ្រពេញទំហឹងពីបុគ្គលិករបស់យើង ទាំងកម្ពុជា និងទាំងបរទេស។ សូមបញ្ជាក់ជាថ្មីអំពីការតាំងចិត្ត ក្នុងការបំពេញតួនាទីរបស់ខ្លួនទៅតាមមនសិការ និងសុចរិតភាព ហើយនិងជួយលើកតម្កើងគោលការណ៍នៃច្បាប់»៕
ពីគេហទំព័រ៖ ភ្នំពេញប៉ុស្តិ៏
No comments:
Post a Comment
yes