នារីវ័យក្មេងស្រស់ស្អាតតាមរបៀបអ្នកជនបទម្នាក់ត្រូវបានជនដៃដល់ចាប់ទាញយកទៅរំលោភសេពសន្ថវៈក្បែរផ្លូវរទេះ តាមវាលស្រែ ទាំងកំរោល ខណៈនាងទៅឆ្លុះត្រី រាយមងក្រោមតំណក់ទឹកភ្លៀងរលឹម រួចហើយវាយសម្លាប់នាងយ៉ាងព្រៃផ្សៃដោយយកខ្សែនីឡុងរឹត.ក និងវាយសំពងដោយឈើជ្រុងលើផ្ទៃមុខបាក់បែកថ្គាមដែលមើលទៅគួរឱ្យញញើត ហើយចុងក្រោយអូសសពនាងយកទៅទម្លាក់ចូលក្នុងប្រឡាយស្រែ។
សពរបស់នាងត្រូវបានគេប្រទះឃើញកាលពីវេលាម៉ោង១១និង៣០នាទីអធ្រាត្រថ្ងៃទី៩ តុលា ២០១១ នៅលើប្រឡាយស្រែខាងត្បូងផ្ទះចម្ងាយ១០០ម៉ែត្រ ស្ថិតក្នុងភូមិតាង៉ូវ ឃុំព្រៃក្រសាំង ស្រុកឧដុង្គ ។ នារីរងគ្រោះឈ្មោះឃីម ធុយ អាយុ១៨ឆ្នាំ ជាកូនទី២ ក្នុងគ្រួសារ មានឪពុកឈ្មោះសៀង ម្តាយឈ្មោះយីម រស់នៅធ្វើជាកសិករក្នុងភូមិ-ឃុំកើតហេតុខាងលើ ។ តាមគ្រួសារសពរបស់នាងរងគ្រោះបានឱ្យដឹងថា មុនពេលកើតហេតុ គឺវេលាម៉ោង៧និង៣០នាទីឈ្មោះឃឹម ធុយ និងម្តាយមីងរបស់នាងឈ្មោះឃឹម ពៅ បានចេញទៅឆ្លុះត្រីរាយមងនៅឯវាលស្រែខាងត្បូងផ្ទះ ចម្ងាយប្រមាណ១០០ម៉ែត្រ ក្រោមមេឃធ្លាក់ភ្លៀងរលឹមស្រិចៗ ពេលនោះស្រាប់តែខ្វះមង ម្តាយមីងក៏ត្រឡប់មកផ្ទះវិញ ដើម្បីយកមងទៅរាយថែមទៀត ដោយទុកឱ្យក្មួយស្រីចាំមងម្នាក់ឯង លុះពេលត្រឡប់ទៅកន្លែងដើមវិញ ស្រាប់តែរកមើលក្មួយស្រីមិនឃើញ ក៏ផ្អើលឆោឡោដល់អ្នកភូមិមកជួយស្វែងរក ។
រយៈពេលជាង២ម៉ោងក្រោយមកគឺម៉ោង១១និង៣០នាទីអធ្រាត្រ សពរបស់នាងវ័យក្មេងត្រូវបានគេប្រទះឃើញ ហើយរាយការណ៍ជូនសមត្ថកិច្ចឱ្យមកពិនិត្យ បន្ទាប់មកសមត្ថកិច្ចបានយាមការពារសពនាងនៅកន្លែងកើតហេតុ ពេញមួយយប់មិនឱ្យបងប្អូនក្រុមគ្រួសារយកទៅណានោះទេ...លុះព្រឹកឡើងថ្ងៃទី១០ តុលា ប៉ូលិសបច្ចេកទេស បានមកត្រួតពិនិត្យ ហើយអះអាងថា ជាករណីរំលោភសេពសន្ថវៈរួចសម្លាប់បំបាត់ដាន ៕
ពីគេហទំព័រ៖ កោះសន្តិភាព
No comments:
Post a Comment
yes