បុរសជនជាតិជប៉ុនម្នាក់ត្រូវ ក្រុមចោរចូលធ្វើសកម្មភាពគាស់ទ្វារលើចូល មកពីដំបូលយកលុយ-គ្រឿងអលង្ការួមនឹង សម្ភារៈមួយចំនួនសរុបជាទឹកប្រាក់អស់ជិត ១ម៉ឺនដុល្លារគេចខ្លួនបាត់ ដោយសុវត្ថិភាព បន្ទាប់ពីម្ចាស់ផ្ទះនាំគ្នាចូលដេក លុះព្រឹកឡើង ទើបមានការភ្ញាក់ផ្អើលប្ដឹងនគរបាល ឱ្យជួយ អន្ដរាគមន៍កាលពីវេលាម៉ោង៦និង៥០នាទី ថ្ងៃទី៣ខែវិច្ឆិកា ឆ្នាំ២០១១ រហូតដល់ថ្ងៃទី៤ ខែវិច្ឆិកា ទើបនគរបាលចុះទៅធ្វើកោសល្យ វិច្ច័យពិនិត្យភស្ដុតាង ស្ថិតនៅផ្ទះលេខ H១០ ភូមិក្បាលដំរី សង្កាត់កាកាប ខណ្ឌដង្កោ រាជធានីភ្នំពេញ ។
ប្រភពព័ត៌មានបានឱ្យដឹងថា ជនជាតិ ជប៉ុន ជាម្ចាស់ផ្ទះមានឈ្មោះ ណា កាតាណា ណាមិ ភេទប្រុស អាយុ៦៦ឆ្នាំ ស្នាក់នៅក្នុង ផ្ទះកើតហេតុខាងលើ សម្ភារៈដែលបាត់បង់ មានដូចជា ខ្សែដៃ៣ខ្សែ កុំព្យូទ័រ៣គ្រឿង ទូរស័ព្ទម៉ាកណូគារ៣គ្រឿង ម៉ាស៊ីនថតរូប មួយគ្រឿងនិងលុយ២៥០ដុល្លារ អាមេរិក សរុបទាំងអស់ជិត១ម៉ឺនដុល្លារ។
ប្រភពព័ត៌មានបានឱ្យដឹងថា មុនពេល កើត ហេតុម្ចាស់ផ្ទះរួមនឹងអ្នករស់នៅជាមួយ បាននាំគ្នាផឹកស៊ីនៅក្នុងផ្ទះរបស់ខ្លួននោះ រហូត ដល់ម៉ោង ប្រហែលជា២រំលងអាធ្រាត្រ ទើប បានបបួល គ្នាចូលទៅដេករៀងៗខ្លួន លង់ លក់យ៉ាងស្កប់ស្កល់។ លុះព្រឹកឡើងទើបដឹង ថាមានក្រុមចោរចូលគាស់ផ្ទះយកសម្ភារៈ និងលុយអស់មួយចំនួនមិនដឹងតាំងពីពេល ណានោះទេ ។ បន្ទាប់មកក៏បានទៅប្ដឹង នៅ ប៉ុស្ដិ៍នគរបាលឱ្យជួយអន្ដរាគមន៍ ដើម្បីស្វែង រកមុខសញ្ញាចាប់មកផ្ដន្ទារទោសទៅតាម ច្បាប់ កាលពីព្រឹកថ្ងៃទី៣ ខែវិច្ឆិកា ឆ្នាំ ២០១១ តែលុះដល់ព្រឹកថ្ងៃទី៤ ខែវិច្ឆិកា ឆ្នាំ២០១១ដដែលទើបនគរបាលចុះទៅសាកសួររកហេតុផលនិងធ្វើកំណត់ ហេតុដើម្បី ស្រាវជ្រាវរកមុខសញ្ញាក្រុមជនដៃ ដល់ ទាំងនោះ។
ប្រភពព័ត៌មានបានឱ្យដឹងទៀតថា សកម្ម ភាព ក្រុមចោរចូលគាស់ផ្ទះរបស់ជនបរទេស ជាជនជាតិជប៉ុនខាងលើនេះ គឺបន្ទាប់ពីម្ចាស់ ផ្ទះរួមនិងអ្នក រស់នៅជាមួយគ្នាផឹកស៊ីហើយ ចូលទៅដេកលង់លក់ពួកគេក៏ឆ្លៀតឱកាស គាស់ទ្វារខាងលើចូលតែម្ដងទៅ ។ ហើយ ត្រូវបាត់បង់សម្ភារៈមួយ ចំនួនធំគឺកុំព្យូទ័រ ៣គ្រឿង ខ្សែដៃ៣ខ្សែ ទូរស័ព្ទ ម៉ាកណូគារ ៣គ្រឿង ម៉ាស៊ីកាម៉ារ៉ាថតរូបមួយគ្រឿង បើសរុបជាទឹកប្រាក់ប្រហែលជាជិត១ម៉ឺន ដុល្លារ បន្ទាប់ពីក្រុមចោរធ្វើសកម្មភាពរួច ហើយក៏បានយករបស់របរគេចខ្លួនបាត់ដោយ សុវត្ថិភាព។ តែទោះបីជាយ៉ាងណានគរបាល ខណ្ឌកំពុងតែខិតខំស្រាវជ្រាវយ៉ាងយកចិត្ដ ទុកដាក់ជាទីបំផុតក្នុងការរុករកមុខសញ្ញា យកមកផ្ដន្ទាទោស ឱ្យខាងតែបាន៕
ពីគេហទំព័រ៖ ដើមអំពិល
No comments:
Post a Comment
yes