បន្ទាប់ពីមានអំពើឃាតកម្មសម្លាប់ស្ដ្រីម្នាក់ដោយអារ.ក និងកាត់ដៃស្លាប់ប្លន់យកខ្សែដៃបា្លទីនទម្ងន់១តម្លឹង កាលពីយប់ថ្ងៃទី២៤ ខែវិច្ឆិកា ឆ្នាំ២០១១រួចមក នៅវេលាម៉ោង១១និង៣០នាទីព្រឹកថ្ងៃទី២៥ ខែវិច្ឆិកា សមត្ថកិច្ច នគរបាលខណ្ឌ៧មករាមានការសង្ស័យទៅលើបុរសម្នាក់ដែលមានទីលំនៅជាប់គ្នាថាជាជនដៃដល់ ហើយបាននាំខ្លួនទៅ សាកសួរនៅអធិការដ្ឋាននគរបាលខណ្ឌភ្លាមៗ ។
បុរសជាប់សង្ស័យថាជាជនដៃដល់សម្លាប់ស្ដ្រីលក់គ្រឿងក្រអូបនៅផ្សារអូរឫស្សីរូបនេះឈ្មោះម៉ា ជីគីម ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅជិតផ្ទះជនរងគ្រោះមានទីតាំងផ្ទះលេខ៤៦ ជាន់ទី៤Eo ផ្លូវលេខ១០៨ សង្កាត់អូរឫស្សី១ ខណ្ឌ៧មករា ។
មន្ដ្រីនគរបាលខណ្ឌ៧មករា បានឱ្យដឹងថា ការឃាត់ខ្លួនជនសង្ស័យរូបនេះបន្ទាប់ពីសមត្ថកិច្ចស៊ើបអង្កេត ស្រាវជ្រាវនៅ កន្លែងកើតហេតុឃើញជនសង្ស័យមានដាច់ស្នាមរបួសនៅលើដងខ្លួន និងមានឈាមប្រឡាក់ខោ ទើបសមត្ថកិច្ចឃាត់ ខ្លួនទៅសាកសួរ ប៉ុន្ដែមកដល់ម៉ោង១៦និង៣០នាទីរសៀលថ្ងៃទី២៥ ខែវិច្ឆិកា ជនសង្ស័យរូបនេះមិនទាន់សារភាព ទទួលកំហុសឡើយ ៕
នគរវត្ត
No comments:
Post a Comment
yes