មានទារិកាភ្លោះចម្លែកកើតមកខុសគេ ដោយដើមទ្រូងឱបជាប់គ្នាទាំង២នាក់ ប៉ុន្តែមានភ្នែក ច្រមុះមាត់ អ្វីៗគ្រប់ទាំងអស់ ចម្លែកខុសប្លែកពីកូនភ្លោះដទៃ ត្រង់ឱបជាប់គ្នា ដោយមិនអាចវះកាត់ផ្តាច់ចេញពីគ្នាបានឡើយ។
លោកអន ឃន់ ជាស្វាមីរបស់អ្នកស្រីឡោក រ៉ាំ និងជាឪពុករបស់ទារិកាភ្លោះទាំងពីរនាក់បានឱ្យដឹងថា នៅពេលប្រពន្ធរបស់គាត់មានទម្ងន់គាត់បានជូនប្រពន្ធទៅពិនិត្យពោះនៅមណ្ឌលសុខភាព ឃុំព្រៃទទឹង ស្រុកមេសាង ហើយបានប្រាប់ថា ប្រពន្ធរបស់គាត់មានកូនភ្លោះ២នាក់ ។គ្រូពេទ្យឆ្មបបានឱ្យផ្តល់ដំបូន្មានថា កូនដំបូងហើយភ្លោះទៀត ដូច្នេះនៅពេលគ្រប់ខែ ត្រូវជូនសម្រាលនៅ ពេទ្យស្រុកក៏បាន ពេទ្យខេត្តក៏បានព្រោះមានសុវត្ថិភាពល្អជាង ហើយនៅទីនោះមានគ្រូពេទ្យឆ្មបជំនាញខ្ពស់ អាចជួយសង្គ្រោះបាន។
លោកអន ឃន់ បន្តថា នៅពេលប្រពន្ធគាត់ឈឺពោះបែកទឹកភ្លោះ គាត់រួមនឹងបងប្អូនបានយកប្រពន្ធទៅសម្រាលនៅគ្លីនិកឯកជន ក្រុងព្រៃវែង។ លោកវេជ្ជបណ្ឌិតឡេង ពីនី បានឱ្យដឹងថា ដោយម្តាយរបស់ទារកមានសុខភាពខ្សោយមិនអាចសម្រាលបាន គាត់ក៏សម្រេចចិត្តធ្វើការវះកាត់ទាំងយប់ថ្ងៃទី២៨ តុលា ដោយមានការឯកភាព ពីក្រុមគ្រួសារ។ គ្រូពេទ្យក៏បានវះកាត់ដោយជោគជ័យ បានកូនស្រីទាំង២នាក់ មានទម្ងន់៤,២គីឡូក្រាម ទាំងម្តាយ និងកូនមានសុខភាពល្អជាធម្មតា ។
ទារិកាទាំង២នាក់មានអវយវៈដូចក្មេងដទៃដែរ ចម្លែកត្រង់តែដើមទ្រូងជាប់គ្នា ហើយគ្រូពេទ្យមិនអាចវះកាត់បានទេ គឺអាចប៉ះពាល់ដល់អាយុជីវិតទារិកាទាំង២នោះ៕
ពីគេហទំព័រ៖ កោះសន្តិភាព
No comments:
Post a Comment
yes