តាមព័ត៌មានពីគេហទំព័រ Channel News Asia បានឲ្យដឹងនៅថ្ងៃទី២៨ ខែវិច្ឆិកា ឆ្នាំ២០១១ នេះថា មុនពេលដែល លោកស្រីត្រូវបានគេដោះលែងចេញពីគេហដ្ឋាន នៅខែវិច្ឆិកា ឆ្នាំមុន នេះ លោកស្រីគ្រាន់តែជាស្ត្រីម្នាក់ដែល ត្រូវបានគេឃុំខ្លួនក្នុងគេហដ្ឋាន មិនអាចបញ្ចេញមតិ អ្វី បាន និង រង់ចាំតែការដាក់ទណ្ឌកម្មពីសំណាក់អន្តរជាតិ ទៅលើរដ្ឋាភិបាលយោធាភូមា ដើម្បីឲ្យគេយល់ព្រមដោះលែងលោកស្រីតែប៉ុណ្ណោះ។
ឥឡូវនេះ ស្របពេលដែលរដ្ឋាភិបាលស៊ីវិលថ្មី នៅប្រទេសភូមា កំពុងឈានទៅរកការចូលរួម កិច្ចសហប្រតិបត្តិការយ៉ាងជិតស្និតជាមួយអន្តរជាតិនោះ លោកស្រីស៊ូជី ក៏បានឆ្លៀតឱកាស នេះ ដើម្បីដើរតួនាទីយ៉ាងសកម្មក្នុងកំណែទម្រង់ជាប្រវត្តិសាស្ត្រនៅភូមាផងដែរ ។ ចំពោះមុខការវិវត្តនេះដែរ លោកប្រធានាធិបតេយ្យអាមេរិកបានប្រកាសថា លោកបានបញ្ជូនលោកស្រី រដ្ឋមន្ត្រីការបរទេសអាមេរិក ហ៊ីលឡារី គ្លីនតុន ទៅទស្សនកិច្ចជាប្រវត្តិសាស្ត្ររបស់មន្ត្រីជាន់ ខ្ពស់អាមេរិកដែលមិនធ្លាប់មានរយៈជាង ៥០ឆ្នាំមកហើយដើម្បីត្រួតពិនិត្យមើលភាពជាក់ស្តែង នៃ កំណែទម្រង់ និង ដើម្បីស្តាទំនាក់ទំនងភូមា លើឆាកអន្តរជាតិ។
អ្នកវិភាគភូមាម្នាក់ ឈ្មោះលោក អ៊ុង ណេងអុ បាននិយាយថា លោស្រីស៊ូជី ពេលនេះកំពុង ដើរតួយ៉ាងសំខាន់ និង កាន់តែសំខាន់ខ្លាំងឡើងជាលំដាប់។ ជាពិសេសនោះគឺលោកស្រី ស៊ូជី បានតភ្ជាប់ប្រទេសភូមាជាមួយប្រទេសលោកខាងលិច និង ជាមួយអន្តរជាតិទាំងមូលទៅថ្ងៃ អនាគតផងដែរ៕
No comments:
Post a Comment
yes