កាលពីល្ងាចថ្ងៃទី ២៧ ខែវិច្ឆិកា ឆ្នាំ២០១១ ម៉ោង ៩ និង ៤៥ នាទីយប់ដោយមានកិច្ចសហការជាមួយក្រុមហ៊ុន Casino Howagenting របស់លោកឧកញ៉ា កុក អាន បានមកប្តឹងសមត្ថកិច្ចប៉ូលិសក្រុងប៉ោយប៉ែតបានចុះទៅដល់ទាន់ហេតុការណ៍ឃាត់ខ្លួនជនសង្ស័យបានចំនួន ៤នាក់ ក្នុងនោះ ប្រុស ៣ នាក់ និងស្រីម្នាក់ផងដែរ។ លុះព្រឹកឡើងថ្ងៃទី ២៨ ខែវិច្ឆិកា ឆ្នាំ២០១១ ក្រោមការដឹកនាំផ្ទាល់របស់លោកព្រះរាជអាជ្ញារងសាលាដំបូងខេត្តបន្ទាយមានជ័យ ចុះឆែកឆេរលំនៅឋានមួយកន្លែងស្ថិតក្នុងភូមិបាលិលេយ្យ II សង្កាត់ និងក្រុងប៉ោយប៉ែតរកបានវត្ថុតាងថ្នាំញៀន១កញ្ចប់តូច នៅម៉ោង ១០ និង ៤៦នាទី ដោយបានចម្លើយសារភាពពីជនសង្ស័យឈានដល់ចុះឆែកឆេរហាងកែសម្ផស្សយីហោ អែននី តែពុំបានរកឃើញវត្ថុតាងនៅឡើយទេ។
ក្រោយទៀតទើបក្រុមការងារបានបន្តទៅឆែកឆេរបន្ទប់ជួលមួយកន្លែងទៀតនៅទល់មុខសាលាពន្លកខ្មែរស្ថិតក្នុងភូមិខាងលើ រកឃើញឧបករណ៍សេពថ្នាំញៀន។ ដោយមានការសង្ស័យចំពោះហាងកែសម្ផស្ស អែននី លោកព្រះរាជអាជ្ញាបានបញ្ជាឲ្យក្រុមការងារបន្តចុះមកឆែកហាងនេះបន្តទៀត នៅក្នុងកិច្ចចុះបង្ក្រាបខាងលើបានដកហូតថ្នាំញៀន ១៣ថង់តូច និងគ្រាប់បែក ១គ្រាប់ផងដែរ។
ពាក់ព័ន្ធករណីចុះបង្ក្រាបថ្នាំញៀនខាងលើនេះអ្នកសារព័ត៌មានយើងនៅមិនទាន់បានដឹងឈ្មោះជនសង្ស័យនៅឡើយទេ ព្រោះពេលនោះសមត្ថកិច្ចជំនាញកំពុងតែសួរនាំជនសង្ស័យជាបន្តបន្ទាប់ ដើម្បីឈានទៅរកការបង្ក្រាបជាបន្តបន្ទាប់ទៀត។
វរជនខ្មែរ
No comments:
Post a Comment
yes