លោក រ៉ុង ឈុន ប្រធានសហភាពសហជីពកម្ពុជា បានដាក់លិខិតមួយនៅថ្ងៃអង្គារនេះ សុំឲ្យលោកនាយករដ្ឋមន្ត្រី ហ៊ុន សែន ដំឡើងប្រាក់ឈ្នួលអប្បបរមាដល់កម្មករដល់កម្រិតមួយ ដែលអាចឲ្យកម្មកររស់នៅប្រសើរជាងបច្ចុប្បន្ន។
ក្នុងលិខិតបានពន្យល់ថា អំឡុងពេល ២ ឬ ៣ឆ្នាំចុងក្រោយនេះ សុខភាពកម្មករមានការថយចុះច្រើន បណ្តាលឲ្យកម្មករខ្លះដួលសន្លប់បន្តបន្ទាប់ ព្រោះតែពួកគេមិនមានអាហារមានជីវជាតិបំប៉នហូបគ្រប់គ្រាន់។
កាលពីចុងខែមុន នាយករដ្ឋមន្រ្តីកម្ពុជាសម្រេចផ្តល់ប្រាក់ថែទាំសុខភាពបន្ថែម ៥ដុល្លារដល់កម្មករក្នុង ១ខែ លើប្រាក់ខែគោល ៦១ដុល្លារ។ តែសម្រាប់លោក រ៉ុង ឈុន បញ្ជាក់ថា ប្រាក់ទាំងនោះ មិនអាចធ្វើឲ្យជីវភាពរបស់កម្មកររស់នៅសមរម្យបានទេ ខណៈប្រាក់ឈ្មួលអប្បបរមាកម្មករនៅប្រទេសចិន ១៥០ដុល្លារក្នុងមួយខែ នៅវៀតណាម ៩៥ដុល្លារ ថៃ ២៩២ដុល្លារ និងស្រីលង្ការ ៨៣ដុល្លារ។ភ្នំពេញប៉ុស្តិ៏
No comments:
Post a Comment
yes