នាយករដ្ឋមន្ត្រីខ្មែរលោក ហ៊ុនសែន និងអគ្គលេខាធិការបក្សកុម្មុយនីស្តវៀតណាម ង្វៀន ភូត្រុង ( Nguyen Pho Trong ) ព្រមព្រៀងជំរុញសហប្រតិបត្តិការពាណិជ្ជកម្មប្រទេសទាំងពីរ ឲ្យបាន ៥.០០០ លានដុល្លារ នៅឆ្នាំ២០១៥។ នេះបើតាមការបញ្ជាក់របស់លោក អៀង សុផល្លែត ជំនួយការផ្ទាល់លោក ហ៊ុនសែន។
លោក អៀង សុផល្លែត បានថ្លែងប្រាប់អ្នកកាសែត នៅព្រលប់ថ្ងៃទី៦ធ្នូ ឆ្នាំ២០១១ បន្ទាប់ពីកិច្ចប្រជុំបិទទ្វាររវាងលោក ហ៊ុនសែន និងលោក ង្វៀន ភូត្រុង នៅវិមានសន្តិភាពថា លោក ហ៊ុនសែន ក៏បានឯកភាពជាមួយអគ្គលេខាធិការបក្សកុម្មុយនីស្តវៀតណាម ចំពោះការជំរុញការផ្លាស់ប្តូរពាណិជ្ជកម្មរវាងប្រទេសទាំងពីរ ឲ្យបាន ៥.០០០ លានដុល្លារ នៅឆ្នាំ២០១៥។ លោក ហ៊ុនសែន បានលើកឡើងថា គ្រាន់តែរយៈពេល ៩ ខែ ឆ្នាំ២០១១ ការផ្លាស់ប្តូរពាណិជ្ជកម្មរវាងប្រទេសទាំងពីរ បានកើនដល់ជាង ២ ពាន់លានដុល្លារ។
ជាមួយគ្នានោះ លោកអៀងសុផល្លែត ក៏បានបន្ថែមថា លោក ហ៊ុនសែន ក៏បានអរគុណវៀតណាម ដែលរំដោះប្រទេសកម្ពុជា ចេញពីរបបប្រល័យពូជសាសន៍ប៉ុលពត ហើយថា ការកាត់ទោសមេដឹកនាំខ្មែរក្រហមកំពូលៗ នៅពេលនេះ គឺជាសច្ចធម៌ប្រវត្តិសាស្ត្រ សម្រាប់វៀតណាម។
ជាមួយនឹងការលើកឡើងខាងលើ លោកអៀងសុផល្លែត ក៏បាននាំពាក្យពីលទ្ធផលនៃកិច្ចប្រជុំដោយបិទទ្វារនោះថា លោក ហ៊ុនសែន និងអគ្គលេខាធិការបក្សកុម្មុយនីស្តវៀតណាម លោក ង្វៀន ភូត្រុង
ដែលជាមនុស្សទី១ ធំជាងគេរបស់វៀតណាម ក៏បានព្រមព្រៀងជំរុញកិច្ចសហប្រតិបត្តិការរវាងប្រទេសទាំងពីរ លើវិស័យការពារជាតិ និងសហប្រតិបត្តិការបង្ក្រាបបទល្មើសឆ្លងដែន ព្រមទាំងសហប្រតិបត្តិការទន្លេមេគង្គ ជាដើម។
លោក ង្វៀន ភូត្រុង ក៏បានប្រកាសផ្តល់នូវទឹកប្រាក់ ១ សែនដុល្លារ ជូនលោក ហ៊ុនសែន ដើម្បីផ្តល់ឲ្យជនរងគ្រោះ ដោយសារទឹកជំនន់នៅកម្ពុជាផងដែរ។
សូមរម្លឹកថា លោកង្វៀនភូត្រុង អគ្គលេខាធិការបក្សកុម្មុយនីស្តវៀតណាម កំពុងបំពេញដំណើរទស្សនកិច្ចរយៈពេល ៣ ថ្ងៃ នៅកម្ពុជា ចាប់ពីថ្ងៃទី៦ធ្នូ ឆ្នាំ២០១១។ ក្នុងកំឡុងពេលស្នាក់នៅ
លោក ង្វៀន ភូត្រុង ក៏បានប្រកាសផ្តល់នូវទឹកប្រាក់ ១ សែនដុល្លារ ជូនលោក ហ៊ុនសែន ដើម្បីផ្តល់ឲ្យជនរងគ្រោះ ដោយសារទឹកជំនន់នៅកម្ពុជាផងដែរ។
សូមរម្លឹកថា លោកង្វៀនភូត្រុង អគ្គលេខាធិការបក្សកុម្មុយនីស្តវៀតណាម កំពុងបំពេញដំណើរទស្សនកិច្ចរយៈពេល ៣ ថ្ងៃ នៅកម្ពុជា ចាប់ពីថ្ងៃទី៦ធ្នូ ឆ្នាំ២០១១។ ក្នុងកំឡុងពេលស្នាក់នៅ
ប្រទេសកម្ពុជា លោក ង្វៀន ភូ ត្រុង បានចូលក្រាបបង្គំគាល់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា, ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យបូរណភាពទឹកដី និងឯកភាពជាតិខ្មែរ និងសម្តេចព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល នៅព្រះបរមរាជវាំង កាលពីព្រឹកថ្ងៃទី៦ធ្នូ ឆ្នាំ២០១១។
នៅរសៀលថ្ងៃទី៦ធ្នូ ឆ្នាំ២០១១ លោក ង្វៀន ភូត្រុង ក៏បានជួបជាមួយលោក ជា ស៊ីម ប្រធានគណបក្សប្រជាជនកម្ពុជា ប្រធានព្រឹទ្ធសភា, លោក ងួន ញ៉ិល ប្រធានស្តីទីរដ្ឋសភា និងចូលថ្វាយបង្គំសម្តេចព្រះអគ្គមហាសង្ឃរាជាធិបតី ទេព វង្ស សម្តេចព្រះមហាសង្ឃរាជគណៈមហានិកាយ និងសម្តេចព្រះអភិសិរីសុគន្ធាមហាសង្ឃរាជាធិបតី បួរ គ្រី សម្តេចព្រះមហាសង្ឃរាជគណៈធម្មយុត្តិកនិកាយ នៃព្រះរាជាណាចក្រកម្ពុជាផងដែរ។
សេចក្តីជូនព័ត៌មាន របស់ក្រសួងការបរទេសកម្ពុជា ក៏បានលើកឡើងថា ក្នុងអំឡុងពេលទស្សនកិច្ចនៅកម្ពុជា លោក ង្វៀន ភូ ត្រុង នឹងអញ្ជើញទៅដាក់កម្រងផ្កានៅវិមានឯករាជ្យ និងស្តូបនុស្សាវរីយ៍
នៅរសៀលថ្ងៃទី៦ធ្នូ ឆ្នាំ២០១១ លោក ង្វៀន ភូត្រុង ក៏បានជួបជាមួយលោក ជា ស៊ីម ប្រធានគណបក្សប្រជាជនកម្ពុជា ប្រធានព្រឹទ្ធសភា, លោក ងួន ញ៉ិល ប្រធានស្តីទីរដ្ឋសភា និងចូលថ្វាយបង្គំសម្តេចព្រះអគ្គមហាសង្ឃរាជាធិបតី ទេព វង្ស សម្តេចព្រះមហាសង្ឃរាជគណៈមហានិកាយ និងសម្តេចព្រះអភិសិរីសុគន្ធាមហាសង្ឃរាជាធិបតី បួរ គ្រី សម្តេចព្រះមហាសង្ឃរាជគណៈធម្មយុត្តិកនិកាយ នៃព្រះរាជាណាចក្រកម្ពុជាផងដែរ។
សេចក្តីជូនព័ត៌មាន របស់ក្រសួងការបរទេសកម្ពុជា ក៏បានលើកឡើងថា ក្នុងអំឡុងពេលទស្សនកិច្ចនៅកម្ពុជា លោក ង្វៀន ភូ ត្រុង នឹងអញ្ជើញទៅដាក់កម្រងផ្កានៅវិមានឯករាជ្យ និងស្តូបនុស្សាវរីយ៍
មិត្តភាពកម្ពុជា-វៀតណាម និងទស្សនាមជ្ឈមណ្ឌលសេដ្ឋកិច្ច និងវប្បធម៌មួយចំនួននៅភ្នំពេញ និងខេត្តសៀមរាប និងជួបសំណេះសំណាលជាមួយសហគមន៍ជនជាតិរៀតណាម នៅរះរាជាណាចក្រ
កម្ពុជាផងដែរ។
CEN
No comments:
Post a Comment
yes