លោក មូហាំមេដ ហ្សាហៀរ ប្រមុខនាយកដ្ឋានស៊ើបអង្កេតឧក្រិដ្ឋកម្មនៅទីក្រុងកាប៊ុល បាននិយាយថា លោកបានរកឃើញសពចំនួន ២០ នៅមន្ទីរពេទ្យមួយក្នុងទីក្រុងកាប៊ុល ហើយគិតថា ចំនួនមនុស្សស្លាប់នឹងកើនឡើង។
ប្រទេសអាហ្វហ្កានីស្ថាន មានប្រវត្តិសាស្ត្រនៃភាពតានតឹង និងអំពើហិង្សារវាងក្រុមស៊ុននី និងក្រុមនិកាយភាគតិចស៊ីអ៊ីតជាយូរមកហើយ ប៉ុន្តែ ចាប់តាំងពីការដួលរលំនៃរបបតាលីបង់ ប្រទេសនេះ បានបោះបង់ចោលការវាយប្រហារផ្ដាច់ផ្ដិលទ្រង់ទ្រាយធំបែបនេះ ដែលធ្លាប់បង្កបញ្ហាដល់ប្រទេសប៉ាគីស្ថានដែលនៅជិតខាង។
ការវាយប្រហារដោយគ្រាប់បែកនៅវេលាថ្ងៃត្រង់នៅឯវិហារមួយនៅមាត់ទន្លេនៅចំកណ្ដាលបេះដូងរដ្ឋធានីកាប៊ុល ហាក់បានបង្កើតឲ្យមានគំរូថ្មីមួយ។
មិនយូរប៉ុន្មាន គ្រាប់បែកបង្កៃនឹងកង់មួយបានផ្ទុះឡើងនៅជិតវិហារធំនៅភាគខាងជើងទីក្រុងម៉ាហ្សារអ៊ីហ្សារីហ្វ ដោយបានសម្លាប់មនុស្ស ៤នាក់ និងរបួស ១៧នាក់។
ដងផ្លូវនានាក្នុងទីក្រុងនេះពោរពេញទៅដោយមនុស្សម្នាដែលចូលរួមប្រារព្ធពិធីបុណ្យអាស៊ូរ៉ា ប៉ុន្តែ ភ្លាមៗនោះ គេមិនបានដឹងច្បាស់ទេថា តើការវាយប្រហារនោះក៏ផ្ដោតលើអ្នកកាន់សាសនិកស៊ីអ៊ីតដែរ ឬយ៉ាងណានោះឡើយ។
អ្នកនាំពាក្យតាលីបង់ មិនអាចទំនាក់ទំនងសុំការបកស្រាយភ្លាមៗបានឡើយចំពោះការវាយប្រហារទាំងពីរនេះ។
ភ្នំពេញប៉ុស្តិ៏
No comments:
Post a Comment
yes