Thursday, December 1, 2011
បុរសចំណាស់អាយុ៧០ឆ្នាំ សង្ស័យពីបទបាញ់សម្លាប់មនុស្សត្រូវបានចាប់ខ្លួន
នគរបាលការិយាល័យព្រហ្មទណ្ឌកម្រិតធ្ងន់ខេត្តកំពតបានចាប់ខ្លួនជនសង្ស័យម្នាក់ពីបទសម្លាប់មនុស្ស កាលពីព្រឹកថ្ងៃទី២៨ វិច្ឆិកា កន្លងទៅ ។ ជនសង្ស័យឈ្មោះអៀម រត អាយុ៧០ឆ្នាំ នៅភូមិកោះចំការ ឃុំបឹងសាលាខាងត្បូង ស្រុកកំពុងត្រាច ពាក់ព័ន្ធនឹងករណីបាញ់ប្រហារបុរសម្នាក់ឈ្មោះសែម រុន អាយុ៥៤ឆ្នាំ នៅភូមិកោះចំការ កាលពីយប់ថ្ងៃទី២០ វិច្ឆិកា ២០១១ កន្លងមក។
លោកគង់ សុខន ប្រធានការិយាល័យនគរបាលព្រហ្មទណ្ឌកម្រិតធ្ងន់បានប្រាប់ឱ្យដឹងថា បុរសចំណាស់ម្នាក់នេះត្រូវបាននគរបាលចាប់ខ្លួន ដោយសង្ស័យថា ជាឃាតកបាញ់សម្លាប់មនុស្សគិតទុកជាមុន។ ការចាប់ខ្លួនបុរសខាងលើយោងតាមការស្រាវជ្រាវរបស់នគរបាលបច្ចេកទេសខេត្ត បានរកឃើញដានជើងបុរសសង្ស័យដែលលបបាញ់ជនរងគ្រោះសែម រុន កំពុងដេកនៅផ្ទះ ហើយសមត្ថកិច្ចបានចាក់ពុម្ពយកដានជើងជនសង្ស័យទៅផ្គូផ្គងគ្នា ដែលនគរបាលអាចវាយតម្លៃថា៥០ភាគរយជាដានជើងរបស់ជនសង្ស័យ និងយោងតាមសាក្សីខ្លះទៀតនិយាយថា ក្រោយពីកើតហេតុភ្លាមៗគេបានឮសំឡេងឆ្កែព្រូសនៅផ្ទះបុរសសង្ស័យទាំងកណ្តាលអធ្រាត្រ ។
ពាក់ព័ន្ធរឿងនេះអាចថា ជារឿងគំនុំចាស់រវាងបុរសរងគ្រោះ និងជនសង្ស័យកាលពីជិត១០ឆ្នាំមុនដោយសារតែ បុរសរងគ្រោះបាននិយាយប្រាប់គេឯងថា ប្រពន្ធតាអៀម រត ជាយាយរបស់គេ មានន័យថា ប្រពន្ធតាអៀម រត បានលួចសហាយស្មន់ជាមួយនឹងបុរសសែម រុន ប៉ុន្តែពាក្យបរិហារដោយចំៗត្រូវបានបុរសអៀម រត ប្តឹងមកនគរបាលឃុំដើម្បីធ្វើការដោះស្រាយគ្នាតែការដោះស្រាយរវាងតាអៀម រត និងបុរសសែម រុន ត្រូវបានបញ្ចប់ហើយ តែអ្នកទាំង២បានតមមាត់គ្នារហូតមក។ នេះបើតាមការអះអាងរបស់លោកឯក នាង ប្រធាននគរបាលប៉ុស្តិ៍បឹងសាលាខាងត្បូង ៕
កោះសន្តិភាព
Subscribe to:
Post Comments (Atom)
No comments:
Post a Comment
yes