យុវជនម្នាក់ដែលជាកូនចៅប្រជាពលរដ្ឋខ្មែររស់នៅតំបន់អូរស្មាច់ ត្រូវបានក្រុមទាហានថៃបាញ់សម្លាប់ ខណៈដែលយុវជនរូបនេះ និង បក្ខពួក៤នាក់ទៀតឆ្លងដែនចូលទឹកដីថៃដោយខុសច្បាប់ ។
ហេតុការណ៍បាញ់សម្លាប់នេះបានកើតឡើងនៅចំណុចអូរដា ចុងភ្នំតាថង ចម្ងាយពីបង្គោលឡាក់លេខ១៤ ប្រហែល៥០០ម៉ែត្រ កាលពីម៉ោង៤និង១៦នាទី ល្ងាចថ្ងៃទី២៩ ខែវិច្ឆិកា ឆ្នាំ២០១១ ។ យុវជនដែលត្រូវក្រុមទាហានថៃបាញ់ សម្លាប់នៅឈ្មោះងន់ គឹមសាន្ដ ភេទប្រុស អាយុ២២ឆ្នាំ រស់នៅភូមិអភិវឌ្ឍន៍ សង្កាត់ អូរស្មាច់ ក្រុងសំរោង ខេត្ដឧត្ដរមានជ័យ ។
បើតាមសម្ដីអ្នករួមដំណើរជាមួយ យុវជនខាងលើបាននិយាយថា ពួកគេទាំង អស់មានគ្នា៥នាក់ប្រដាប់ដោយកាំបិត ពូថៅ និងសំពាយម្ហូបអាហារបាននាំគ្នា ចូលព្រៃ ដើម្បីរកឈើគ្រញូង លុះដើរ បានបន្ដិចក៏ឮសូរគ្រាប់កាំភ្លើង ។ លុះ ក្រឡេកទៅមើលឈ្មោះងន់ គឹមសាន្ដ ក៏ ឃើញដួលស្លាប់ដោយត្រូវគ្រាប់កាំភ្លើង ថៃចំក្បាលបែកខ្ទេច ឃើញដូច្នេះរូបគេ និងបក្ខពួកក៏រត់មកវិញ រួចនិយាយប្រាប់ ឪពុកម្ដាយរបស់សពយុវជនខាងលើស្ដីពី ហេតុការណ៍នេះ ។
បើតាមសម្ដីរបស់ឪពុកម្ដាយសព យុវជនខាងលើបានរៀបរាប់ទាំងទឹកភ្នែក ថា មុនពេលកើតហេតុគាត់ឃើញកូន ប្រុសរបស់គាត់នៅលេងបាល់ទះជាមួយ មិត្ដភក្ដិសោះ ។ លុះម៉ោង៣និង៣០នាទី គាត់ក្រឡេកមើលកូនមិនដឹងបាត់ទៅ ណា ។ ស្រាប់តែប្រហែលកន្លះម៉ោង ក្រោយក៏ឮសូរគ្រាប់កាំ ភ្លើងក្នុងទឹកដីថៃ គាត់យកទូរស័ព្ទចុះទៅរកកូន ប៉ុន្ដែចុះ មិនចូល ។ មួយសន្ទុះក្រោយមកក៏ឃើញ មិត្ដភក្ដិប្រាប់ទាំងភ័យតក់ស្លុតថា កូន របស់គាត់ត្រូវទាហានថៃបាញ់ស្លាប់ ហើយ ។ គាត់ក៏ឱ្យគេជួយទាក់ទងខាងថៃ ដើម្បីសុំសាកសពយកមកធ្វើបុណ្យនៅ ផ្ទះ ។ នៅម៉ោងប្រហែល៧នាទីយប់ ក្រុមទាហានថៃបានបញ្ជូនសពយុវជន ខាងលើតាមច្រកអន្ដរជាតិអូរស្មាច់មក ប្រគល់ឱ្យក្រុមគ្រួសារ ។
សូមបញ្ជាក់ថា គិតចាប់ពីថ្ងៃទី២១ ខែវិច្ឆិកា ឆ្នាំ២០១១ មកដល់ថ្ងៃនេះ ក្រុម ទាហានថៃបានបាញ់ពលរដ្ឋខ្មែរនៅក្រុង សំរោងស្លាប់៤នាក់ មានចំនួន២លើក ដែលលើកទី១ ថ្ងៃទី២១ ខែវិច្ឆិកា ឆ្នាំ ២០១១ ទាហានថៃបាញ់សម្លាប់ពលរដ្ឋ ខ្មែរ៣នាក់នៅខាងលិចប្រាសាទខ្នា លើកទី២ ថ្ងៃទី២៩ ខែវិច្ឆិកា ឆ្នាំ២០១១ បាញ់សម្លាប់ ម្នាក់នៅចំណុចអូរដាចុងភ្នំតាថង ជា មួយករណីនេះដែរ ប្រជា ពលរដ្ឋខ្មែរគួរ តែបញ្ឈប់ឆ្លងដែនចូលស្រុកថៃដោយ ខុសច្បាប់ ចៀសវាងជនជាតិនេះបាញ់ សម្លាប់អាយុជីវិតជាតិសាសន៍ខ្មែរដូចសត្វធាតុ ៕
នគរវត្ត
No comments:
Post a Comment
yes