ក្រុមកម្មករជាង ២០០នាក់ នៅរោងចក្រកាត់ដេរ ស៊ីងលីខម ខេមបូឌា ហ្គាមែន (Shinglecom) ស្ថិតក្នុងភូមិអង្កាញ់ សង្កាត់ចោមចៅ ខណ្ឌដង្កោ រាជធានីភ្នំពេញ បានតវ៉ានៅថ្ងៃព្រហស្បតិ៍នេះ ដោយបានទាមទារឲ្យថៅកែរោងចក្រនេះ អនុញ្ញាតឲ្យតំណាងរបស់ពួកគេដែលបានបញ្ឈប់ពីការងារ ឲ្យចូលធ្វើការវិញ និងបញ្ឈប់អ្នកគ្រប់គ្រងជនជាតិចិនម្នាក់ ព្រមទាំងសុំឲ្យថៅកែផ្តល់អត្ថប្រយោជន៍ផ្សេងៗ ដែលមានចំនួន ១១ចំណុច។
លោក ស៊ីន វណ្ណហុង ជាប្រធានសហព័ន្ធសហជីពដើម្បីសិទ្ធិការងារប្រចាំរោងចក្រស៊ីងលីខម បានត្រូវថៅកែរោងចក្រនេះ បញ្ឈប់កាលពីថ្ងៃទី០៣ ខែធ្នូកន្លងមកនេះ ក្នុងពេលដែលលោកឈប់សម្រាកព្យាបាលជម្ងឺបណ្តាលមកពីគ្រោះថ្នាក់ក្នុងម៉ោងធ្វើការ។ នេះបើតាមលោក យ៉ាំ ថៃសាន អគ្គលេខាធិការសហព័ន្ធសហជីពដើម្បីសិទ្ធិការងារ។
លោកឲ្យដឹងនៅថ្ងៃព្រហស្បតិ៍នេះថា មូលហេតុនៃការបញ្ឈប់នេះ អាចបណ្តាលមកពីសហព័ន្ធរបស់លោកបង្កើតសហជីពនៅក្នុងរោងចក្រមួយនេះកាលពីមួយខែមុន គឺនៅក្នុងខែវិច្ឆិកា ដើម្បីការពារប្រយោជន៍កម្មករ ដែលធ្វើឲ្យអ្នកគ្រប់គ្រងរោងចក្រដែលទើបបើកបាន ៥ខែ មិនសប្បាយចិត្ត ហើយបញ្ឈប់តំណាងកម្មករតែម្តង។ភ្នំពេញប៉ុស្តិ៏
No comments:
Post a Comment
yes