អ្នកស្រី មាស សុឃឿន អនុប្រធានសហជីពសេរីកម្មករ នៃរោងចក្រ M&V នៅខេត្តកំពង់ឆ្នាំង និងក្រុមតំណាងកម្មករ បាននិយាយនៅថ្ងៃព្រហស្បតិ៍នេះថា មន្ត្រីក្រុមហ៊ុនបានបដិសេធការទាមទាររបស់ក្រុមកម្មករចំនួន ៤ចំនុច នៅក្នុងចំណោមការទាមទារ ១៦ចំណុច ហើយក្រុមកម្មករបានស្នើឲ្យមន្ត្រីមន្ទីរការងារបញ្ជូនលិខិតមួយទៅកាន់ក្រុមប្រឹក្សាអាជ្ញាកណ្ដាល ដើម្បីជួយដោះស្រាយសំណើប៉ុន្មានចំណុចចុងក្រោយនេះ។
អ្នកស្រីមានប្រសាសន៍ប្រាប់ភ្នំពេញ ប៉ុស្តិ៍ថា៖ «ក្រុមហ៊ុនបានឯកភាពជាមួយការទាមទាររបស់យើង ៦០ភាគរយ ក្រោយពីយើងពិភាក្សាជាមួយពួកគេនៅព្រឹកមិញនេះ។ នៅ ៤ចំណុចទៀតដែលក្រុមហ៊ុនមិនទទួលយក ដូចជា បាត់ម៉ូតូ ឬបាត់កង់របស់កម្មករ ការរក្សាប្រាក់ ៧ដុល្លារសម្រាប់រង្វាន់លើកទឹកចិត្តប្រចាំខែទោះបីកម្មករអវត្តមាន ការលុបចោលកុងត្រារយៈពេលខ្លី និងលុបចោលការធ្វើការងារថែមម៉ោងចាប់ពីម៉ោង ៩ ដល់ ១១យប់»។
ភ្នំពេញប៉ុស្តិ៏
No comments:
Post a Comment
yes