ជាថ្មីម្ដងទៀត កម្មករនេសាទត្រីកម្ពុជា ៣០នាក់ ត្រូវគេបញ្ជូនត្រឡប់មកពីប្រទេសឥណ្ឌូនេស៊ីតាមអាកាសយានដ្ឋានអន្តរជាតិភ្នំពេញនៅថ្ងៃអង្គារនេះ ដែលបានជំរុញឲ្យមានការរិះគន់ថា ពលករកម្ពុជាកាន់តែច្រើនឡើងៗ ត្រូវបានគេជួញដូរនៅឆ្នាំនេះ ដែលនឹងងាយត្រូវគេធ្វើបាន និងរងទារុណកម្ម បើទោះបីជារដ្ឋាភិបាលបានខិតខំទប់ស្កាត់ការធ្វើចំណាកស្រុកដោយខុសច្បាប់យ៉ាងក៏ដោយ។
លោក ប៊ិត គឹមហុង ប្រធានការិយាល័យប្រឆាំងការជួញដូរមនុស្ស និងគាំពារអនីតិជនក្នុងក្រសួងមហាផ្ទៃមានប្រសាសន៍ថា រដ្ឋាភិបាលកម្ពុជា ក្រសួងការបរទេស និងអង្គការ IOM នឹងជួយសង្គ្រោះពួកគេត្រឡប់មកវិញ។ ពួកគេត្រូវបានគេសាកសួរនៅការិយាល័យប្រឆាំងការជួញដូរមនុស្ស។
លោកបានថ្លែងថា៖ «ពួកគេត្រូវបានពិនិត្យសុខភាពជាមុន ទើបបានបញ្ជូនទៅក្រសួងមហាផ្ទៃដើម្បីបន្តការសាកសួរ និងស៊ើបអង្កេតរកមូលហេតុពិតប្រាកដថា តើហេតុអ្វីបានជាពួកគេចេញទៅប្រទេសថៃបាន តាមរយៈនរណា ហើយបានជួបអ្វីខ្លះជាដើម»។
យោងតាមជនរងគ្រោះម្នាក់ បានបញ្ជាក់ថា ពួកគេត្រូវបានគេបោកប្រាស់ និងលក់ឲ្យធ្វើជាកម្មករនេសាទតាមដែនសមុទ្រ មិនមែនចង់ធ្វើដោយខ្លួនឯងទេ។
កម្មករម្នាក់ឈ្មោះ គុំ ការ៉ា អាយុ ២៩ឆ្នាំមកពីខេត្តតាកែវ បាននិយាយថា គាត់បានទៅធ្វើការនៅប្រទេសថៃរយៈពេលមួយឆ្នាំហើយ។ គាត់បានទៅជាមួយមិត្តភក្ដិគាត់ដែលត្រូវបានមេខ្យល់បោកប្រាស់នៅច្រកព្រំដែនថៃ ហើយថៅកែថៃបានបន្តលក់ពួកគាត់ឲ្យទៅធ្វើការតាមទូកនេសាទរហូតដល់ប្រទេសឥណ្ឌូនេស៊ី។ភ្នំពេញប៉ុស្តិ័
No comments:
Post a Comment
yes