ការលើកលែងទោសពីព្រះមហាក្សត្រ ដែលធ្វើឡើងជាប្រចាំឆ្នាំសម្រាប់អ្នកទោសរាប់ពាន់នាក់ ដើម្បីប្រារព្ធព្រះរាជពិធីបុណ្យចំរើនព្រះជន្មនៅក្នុងសប្តាហ៍នេះ នឹងមិនមានការលើកលែងទោសអតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រានោះទេ។
យោងតាមព័ត៌មានពីគេហទំព័រ Channel News Asia បានឱ្យដឹងនៅថ្ងៃអាទិត្យ ទី០៤ ខែធ្នូ ឆ្នាំ២០១១នេះថា សេចក្តីរាយការណ៍របស់សារព័ត៌មាន បានផ្សាយកាលពីខែមុន ដោយលើកឡើងថា គណៈរដ្ឋមន្ត្រីបានខិតខំប្រឹងប្រែងព្រាងការលើកលែងទោសដែលអាចអនុញ្ញាតឱ្យលោកថាក់ស៊ីនវិលត្រឡប់ចូលស្រុកវិញ ដោយមិនមានកាត់ទោសដែលបានធ្វើឱ្យមានការខឹងសម្បារពីបក្សប្រឆាំង។ តែទោះបីយ៉ាងណា រដ្ឋាភិបាលថៃ ហាក់ដូចបោះបង់ចោលនូវកិច្ចខិតខំប្រឹងប្រែងនេះហើយ។
ប្រធានពន្ធនាគារថៃ លោក Suchart Wongananchai បានប្រាប់អ្នកសារព័ត៌មានអាហ្វេសពេឱ្យដឹងថា ទោះបីជាមានការលើកលែងទោស អ្នកទោសប្រមាណ ២២,០០០នាក់ មុនថ្ងៃទី០៥ ខែធ្នូ ឆ្នាំ២០១១ ដែលជាថ្ងៃព្រះរាជពិធីបុណ្យចំរើនព្រះជន្មព្រះមហាក្សត្រថៃ ព្រះចៅភូមិបុល អាបឌុល យ៉ាឌេត គម្រប់ខួប៨៤ព្រះវស្សាក៏ដោយ ក៏លោកថាក់ស៊ីន នឹងមិនមានការលើកលែងទោសនោះទេ។
លោក Suchart Wongananchai បានលើកឡើងថា “ គាត់(លោកថាក់ស៊ីន) នឹងមិនមានគុណសម្បត្តិគ្រប់គ្រាន់នោះទេ”។ គួរបញ្ជាក់ឱ្យដឹងថា នាយករដ្ឋមន្ត្រីថៃ លោកស្រី យីងឡាក់ ស៊ីណាវ៉ាត្រាដែលត្រូវជាប្អូនស្រីបង្កើតរបស់លោកថាក់ស៊ីន បានមានប្រសាសន៍ឱ្យដឹងកាលពីថ្ងៃសុក្រថា រដ្ឋាភិបាលថៃ នឹងចេញលិខិតឆ្លងដែន(Passport)ជូនលោកថាក់ស៊ីននាពេលឆាប់ៗនេះ ហើយការថ្លែងប្រកាសបែបនេះ បានធ្វើឱ្យមានតានតឹងពីគណបក្សប្រឆាំងយ៉ាងខ្លាំងក្លា។
DAP
No comments:
Post a Comment
yes