មេដឹកនាំគណបក្សសិទ្ធិមនុស្ស ដែលជាបក្សប្រឆាំងធំលំដាប់ទីពីរនៅក្នុងប្រទេសកម្ពុជា បានព្រមានថានឹងប្ដឹងទៅអ្នករាយការណ៍ពិសេសរបស់អង្គការសហប្រជាជាតិ លោក ស៊ូយ៉ា ស៊ូបេឌី ដែលនឹងធ្វើដំណើរមកទស្សនកិច្ចនៅប្រទេសកម្ពុជានៅថ្ងៃស្អែកនេះ ក្រោយពីអាជ្ញាធររបស់រដ្ឋាភិបាល បានរារាំងរូបលោកចុះទៅជួបជាមួយប្រជាពលរដ្ឋនៅថ្ងៃអាទិត្យនេះ។
លោក កឹម សុខា មេដឹកនាំគណបក្សសិទ្ធិមនុស្ស និងជាតំណាងរាស្ត្រមណ្ឌលកំពង់ចាម បានថ្លែងនៅថ្ងៃអាទិត្យនេះថា ក្នុងនាមជាតំណាងរាស្ត្រ លោកមានផែនការចុះទៅរៀបចំវេទិកាសាធារណៈ និងជួបសំណេះសំណាលក្នុងលក្ខណៈមិត្តភាពជាមួយប្រជាពលរដ្ឋនៅសង្កាត់បាខែង ខណ្ឌឫស្សីកែវ នៅថ្ងៃអាទិត្យ ទី០៤ ខែធ្នូនេះ ប៉ុន្តែ ផែនការរបស់លោកត្រូវបានអាជ្ញាធររាំងស្កាត់ ដោយលោកអះអាងថា វេទិកាប្រជុំមួយដែលត្រូវបានរៀបចំឡើងនៅវត្តក្ដីចាស់ និងនៅឯផ្ទះប្រជាពលរដ្ឋនោះ ត្រូវបាននគរបាលបញ្ជាឲ្យរុះរើចេញវិញ។
លោក កឹម សុខា បានថ្លែងថា៖ «គណបក្សរបស់យើងបានបញ្ជាក់រួចហើយថា យើងនឹងចូលរួមបោះឆ្នោត។ យើងនឹងមិនបង្កើតការបះបោរឡើយ ហើយប្រសិនបើរដ្ឋាភិបាលមានគោលការណ៍រារាំងពួកយើងមិនឲ្យមានសិទ្ធិនយោបាយនោះ ដូច្នេះវាមានន័យថា ពួកគេមិនចង់ឲ្យយើងចូលរួមក្នុងការបោះឆ្នោត។ យើងនឹងដាក់ពាក្យបណ្ដឹងមួយទៅលោក ស៊ូយ៉ា ស៊ូបេឌី នៅពេលលោកមកទស្សនកិច្ច»។
ភ្នំពេញប៉ុស្តិ៏
No comments:
Post a Comment
yes