ភ្នំពេញ៖ ប្រធានក្រុមប្រឹក្សា និងជាអ្នកតំណាងរាស្ត្រមណ្ឌលភ្នំពេញ នៃគណបក្ស សម រង្ស៊ី លោក ហូរ វ៉ាន់ បានប្រាប់ឲ្យដឹងថា សមាជិកក្រុមប្រឹក្សាគណបក្ស សម រង្ស៊ី ដែលជាអង្គបោះឆ្នោតនៅមណ្ឌលភូមិភាគ១ រាជធានីភ្នំពេញ សម្រាប់ការបោះឆ្នោតជ្រើសតាំងសមាជិកព្រឹទ្ធសភា នាថ្ងៃទី២៩ មករា ឆ្នាំ២០១២ គឺមានចំនួន ២៩៩ នាក់ ដែលជាអង្គបោះឆ្នោត បូកទាំងអ្នកតំណាងរាស្ត្រមណ្ឌលភ្នំពេញ ចំនួន ៥ រូបទៀត គឺមិនបានចាកចេញទៅណាទេ។
សូមជម្រាបថា សមាជិកក្រុមប្រឹក្សាឃុំ សង្កាត់ ដែលជាអង្គបោះឆ្នោតរបស់គណបក្ស សម រង្ស៊ី ទូទាំងប្រទេស មានចំនួនសរុប ២.៦៦០ នាក់ រួមទាំងអ្នកតំណាងរាស្ត្រ ២២ រូប គឺជាអ្នកបោះឆ្នោតជ្រើសតាំងសមាជិកព្រឹទ្ធសភា នាថ្ងៃអាទិត្យ ទី២៩ ខែមករា ឆ្នាំ២០១២។
តំណាងរាស្ត្រគណបក្សសមរង្ស៊ី សរុប មាន ២៦ រូប តែ ៣ រូប បានលាលែង និងលោក សម រង្ស៊ី ត្រូវបានរដ្ឋសភា លុបឈ្មោះចេញ ដោយសារតែជាប់ទោស ក្នុងរឿងព្រំដែនកម្ពុជា និងវៀតណាម។ អ្នកតំណាងរាស្ត្រ ៤ រូប របស់គណបក្សសមរង្ស៊ី មិនមានសិទ្ធិបោះឆ្នោតទេ។
No comments:
Post a Comment
yes