ភ្នំពេញ៖ ស្លាកគណបក្ស សម រង្ស៊ី នៅក្នុងសង្កាត់ស្ពានថ្ម ខណ្ឌង្កោរាជធានីភ្នំពេញត្រូវបានជនមិនស្គាលមុខលួចបំផ្លាញ កាលពីយប់ថ្ងៃទី២៣ ខែមករា ឆ្នាំ២០១២។ នេះដោយយោងតាមពាក្យបណ្តឹងរបស់អ្នកស្រី ហ៊ីង សុក្ខុំម ជាក្រុមប្រឹក្សារាជធានីភ្នំពេញមកពីគណបក្សសម រង្ស៊ី ដែលបានទៅដាក់នៅ គណៈកម្មាធិការជាតិរៀបចំការបោះឆ្នោតកាល ពីថ្ងៃទី២៤ ខែមករាឆ្នាំ២០១២។
នៅក្នុងខ្លឹមសារនៃបណ្តឹងបានលើកឡើងថា ស្លាកគណបក្ស សម រង្ស៊ី ត្រូវបានជនមិនស្គាល់មុខបានយកទឹកថ្នាំពណ៌ទៅលាបពីលើ ដែលស្លាកនោះគណបក្ស សម រង្ស៊ី ទើបតែបានលើឡើងនៅព្រឹកថ្ងៃទី២៣ ខែមករា ឆ្នាំ២០១២ នៅផ្ទះអ្នកស្រី ម៉ី សឿន ជាចៅសង្កាត់ រងទី២ ភូមិ ហា សង្កាត់ស្ពានថ្ម ខណ្ឌដង្កោ រាជធានីភ្នំពេញ។ ក្នុងបណ្តឹងបានបញ្ជាក់ថា ពេលដែលកើតហេតុគឺវេលាម៉ោងប្រហែល១២អាធ្រាត ដូចនេះម្នាស់ផ្ទះមិនអាចមើលជនដែលប្រព្រឹត្តច្បាស់ទេ។
អ្នកស្រី ហ៊ីង សុក្ខុំ បានមានប្រសាសន៏ថា ការបំផ្លាញស្លាកគណបក្ស សម រង្ស៊ី បែបនេះជារឿងមួយដែល លើ្មសច្បាប់ស្តីពីរគណបក្សនយោបាយ និងជាការរំលោភលើច្បាប់ ស្តីពីយុទ្ធនាការណ៏ឃោសនាបោះឆ្នោតព្រឹទ្ធសភា ។ ហើយអ្នកស្រីបានស្នើអោយអាជ្ញាធរត្រូវតែស្វែងរកជនដែលប្រព្រឹត្ត យកមកផ្តន្ទាទោសទៅតាមផ្លូវច្បាប់ និងស្នើអោយសងរាល់ការខូចខាត ដែលជនល្មើសបានធ្វើអោយខូច។
សូមរំលឹកថា កន្លងមកស្លាកគណបក្ស សម រង្ស៊ី តែងតែត្រូវបានជនមិនស្គាល់មុខលួចបំផ្លាញ មិនមែនតែនៅរាជធានីភ្នំពេញនោះទេ គឺស្ទើតែគ្រប់ខេត្តក្រុង។
No comments:
Post a Comment
yes