(ថ្ងៃទី 26 មេសា 2012, ម៉ោង 03:22:PM) | ដោយ: មុនីរ័ត្ន + សិលា
: CEN
1 of 2 
កោះកុង: ប្រធានអង្គការការពារធនធានធម្មជាតិ លោក ឈុត វុទ្ធី និងអតីតមន្ត្រីអាវុធហត្ថម្នាក់ត្រូវបានបាញ់សម្លាប់ ខណៈដែលអ្នកកាសែត The Cambodia Dialy ២នាក់ (ម្នាក់ខ្មែរ) បានបាត់ខ្លួន នៅក្នុងការផ្ទុះអាវុធ នៅក្នុងព្រៃមួយនា ចំណុចឃុំថ្មដូនពៅ ស្រុកថ្មបាំង ខេត្តកោះកុង នៅវេលាម៉ោង ១២ថ្ងៃត្រង់ ថ្ងៃទី២៦ ខែមេសា ឆ្នាំ២០១២។
មកដល់រសៀលនេះ នៅមិនទាន់មានការអះអាងណាមួយ ពីមន្ត្រីសមត្ថកិច្ចថា ការផ្ទុះអាវុធនោះ បណ្ដាលមកពីភាគីណាមួយនៅឡើយទេ។ តែការបាញ់សម្លាប់នោះ ធ្វើឲ្យក្រុមសង្គមស៊ីវិលថ្កោលទោស និងទាមទារឲ្យវែកមុខអ្នកបាញ់។
លោក ថុង ណារ៉ុង មេបញ្ជាការកងរាជអាវុធហត្ថខេត្តកោះកុង បានឲ្យដឹងថា “ចំពោះករណីនេះ ខាងកងរាជអាវុធហត្ថ កំពុងធ្វើការអង្កេត ថាករណីបាញ់សម្លាប់នេះ កើតឡើងដោយសារអ្វី? ហើយសមត្ថកិច្ចកំពុងធ្វើការសាកសួរអ្នកនៅកន្លែងកើតហេតុ”។
ចំណែកព័ត៌មានដែលថា មន្ត្រីកងរាជអាវុធហត្ថ ជាអ្នកបាញ់សម្លាប់ប្រធានអង្គការបរិស្ថាននោះ លោកមេបញ្ជាការ បានបញ្ជាក់ថា “គឺកំពុងតែចាំសួរអ្នក ដែលនៅកន្លែងកើតហេតុ ទើបបានដឹងច្បាស់”។
លោក ខេង ទីតូ អ្នកនាំពាក្យកងរាជអាវុធហត្ថលើផ្ទៃប្រទេស បានឲ្យដឹងនៅរសៀលនេះថា លោកនៅមិនទាន់ បានទទួលបានរបាយការណ៍ជាក់លាក់ថា ខាងណាបាញ់មុននោះទេ (កងរាជអាវុធហត្ថឬ ខាងអង្គការ) ។ ខាងសមត្ថកិច្ចកំពុងធ្វើការស៊ើប អង្កេតលើរឿងហ្នឹង ។
លោក ខេង ទីតូ បានបញ្ជាក់ថា “មានការប៉ះទង្គិចគ្នា គឺមានន័យថា ខាងអាវុធហត្ថខ្ញុំ ចុះអនុវត្តបទល្មើសព្រៃឈើ ក៏ប៉ះជាមួយខាងមន្ត្រីបរិស្ថាន ខាង NGOs”។ លោកបញ្ជាក់ទៀតថា “មិនទាន់ដឹងខាងណាផ្ទុះអាវុធមុនទេ”។
ចំណែកលោក បូរ៉ា ទីណូ មន្ត្រីស៊ើបអង្កេតសមាគមអាហុក ប្រចាំខេត្តកោះកុង បានឲ្យដឹងថា "ធម្មតា មន្ត្រីការពារបរិស្ថាន អត់មានអាវុធយកទៅតាមខ្លួនទេ។ ពួកគាត់អត់មានកាន់អាវុធទេ ហើយប៉េអឹមដែលស្លាប់នោះ គឺប៉េអឹម ដែលជូនមន្ត្រីបរិស្ថាន និងអ្នកកាសែត ទៅក្នុងព្រៃទេ"។ លោកបញ្ជាក់ថា “ករណីនោះ មិនមែនជាការបាញ់តទល់គ្នានោះទេ”។
ជាមួយគ្នានោះ លោក ចាន់ សុវេត មន្ត្រីអង្គការសិទ្ធិមនុស្សអាដហុក បាននិយាយថា លោកមានការសោកស្ដាយយ៉ាងខ្លាំង និងថ្កោលទោសនូវទង្វើបាញ់សម្លាប់លោក ឈុត វុទ្ធី ប្រធានអង្គការការពារធនធានធម្មជាតិ ដែលគាត់ធ្លាប់ប្រឆាំងជំទាស់ការកាប់បំផ្លាញព្រៃឈើ ហើយជាពិសេសគាត់ ( ឈុត វុទ្ធី ) ជាសកម្មជនការពារព្រៃឡង់ និងសកម្មជនការពារសិទ្ធិមនុស្សម្នាក់យ៉ាងសកម្ម។
លោក សុវេត បានចាត់ទុកការបាញ់សម្លាប់ លោក ឈុត វុទ្ធី ជាអំពើរំលោភសិទ្ធិមនុស្សយ៉ាងធ្ងន់ធ្ងរ។លោកបញ្ជាក់ថា “យើងថ្កោលទោស ការបាញ់សម្លាប់គាត់នេះ ហើយស្នើសុំឲ្យមានការស៊ើបអង្កេតច្បាស់លាស់ មានការចូលរួមពីសង្គមស៊ីវិល ហើយចាប់ជនល្មើសមកផ្ដន្ទាទោសតាមច្បាប់ឲ្យខាងតែបាន”។
លោកបញ្ជាក់ទៀតថា មកដល់ពេលនេះ ខាងកងរាជអាវុធហត្ថ គឺជាអ្នកធ្វើការស៊ើបអង្កេតលើករណីឃាតកម្មនេះ ហើយកំពុងរៀបចំបញ្ជូនសពលោក ឈុត វុទ្ធី មកភ្នំពេញ។
ចំណែកលោក អ៊ុន ឆាលី អភិបាលរងខេត្តកោះកុង និងជាមន្រី្តអ្នកនាំពាក្យសាលាខេត្តកោះកុង បានឲ្យដឹង កាលពីវេលាម៉ោង ២រសៀល ថៃ្ងទី២៦ ខែមេសាឆ្នាំ២០១២ ថា មានមន្ត្រីប៉េអឹមម្នាក់ បានស្លាប់ និងមន្រី្តអង្គការការពារបរិស្ថានម្នាក់ បានស្លាប់ ព្រមទាំងអ្នកកាសែត ២នាក់ បានបាត់ខ្លួន នៅក្នុងហេតុការណ៍ប្រទាញប្រទង់គ្នាមួយ កាលពីវេលាម៉ោង ១២ថៃ្ងត្រង់ ថ្ងៃទី២៦ ខែមេសា ឆ្នាំ២០១២ នៅក្នុងភូមិសាស្ត្រស្រុកថ្មបាំង ខេត្តកោះកុង។
លោកបានឲ្យដឹងទៀតថា ប៉េអឹម ដែលរងរបួស រហូតដល់ស្លាប់នោះ គឺឈ្មោះ អ៊ិន រតនា ជាមន្រី្តប៉េអឹមខេត្តកោះកុង។ ចំណែកមន្រី្តអង្គការការពាបរិស្ថានវិញ គឺឈ្មោះ ឈុត វទី្ធ។ ក្នុងហេតុការណ៍នោះដែរ គឺមានអ្នកកាសែត ២នាក់ បានរត់គេចខ្លួន ពីកនែ្លងកើតហេតុ ហើយរហូតមកទល់ពេលនេះ គេពុំទាន់អាចទាក់ទងបាននៅឡើយ។
លោកអភិបាលរងខេត្ត បានឲ្យដឹងបនែ្ថមទៀតថា ហេតុការណ៍នេះ កើតឡើងដោយសារតែលោក ឈុត វទី្ធ បានបាញ់ប្រហារ មកលើមន្ត្រីប៉េអឹម មុនបណ្តាលឲ្យរងរបួស ហើយមន្ដ្រីបេអឹម ក៏បាញ់តបតវិញ បណ្តាលឲ្យ លោក ឈុត វុទី្ធ បាក់ភ្លៅ ហើយបន្ទាប់មកអ្នកទាំងពីរ បានស្លាប់។
ជាការកត់សម្គាល់ លោក ឈុត វុទ្ធី ជាសកម្មជនការពារបរិស្ថាន ដែលធ្លាប់ធ្វើការជាមួយនឹងអង្គការការពារបរិស្ថាន Global Witness ចាប់តាំងពីទស្សវត្សរ៍ឆ្នាំ១៩៩០។
ចំណែកអ្នកកាសែត The Cambodia Daily ជាភាសាខ្មែរ និងអង់គ្លេសនោះ គឺមានម្នាក់ជាជនជាតិខ្មែរ ឈ្មោះ កញ្ញា ផន បុប្ផា។ តាមសេចក្តីរាយការណ៍ ជំហ៊ានដំបូងថា ស្ត្រីអ្នកកាសែតទាំងពីរនោះ ត្រូវបានគេឃាត់ខ្លួន ដោយសារតែចុះទៅយកការណ៍រឿងកាប់ឈើ ដែលជារឿងរស៊ើបបំផុត នៅចំណុចថ្មបាំង ក្នុងខេត្តកោះកុង។
ម្យ៉ាងទៀត ក្នុងរឿងបាញ់ប្រហារនោះ គេឆ្ងល់ថា ក្រុមប៉េអឹម ចុះទៅបង្ក្រាបបទល្មើសព្រៃឈើ ខណៈដែលក្រុមការពារបរិស្ថាន និងអ្នកកាសែត ចុះទៅយកការណ៍លើបទល្មើសព្រៃឈើ។ ចុះហេតុអ្វី បានជាក្រុមប៉េអឹមខេត្តកោះកុង បែរជាបាញ់ទៅលើក្រុមអ្នកការពារបរិស្ថាន និងអ្នកកាសែតទៅវិញ?៕
មកដល់រសៀលនេះ នៅមិនទាន់មានការអះអាងណាមួយ ពីមន្ត្រីសមត្ថកិច្ចថា ការផ្ទុះអាវុធនោះ បណ្ដាលមកពីភាគីណាមួយនៅឡើយទេ។ តែការបាញ់សម្លាប់នោះ ធ្វើឲ្យក្រុមសង្គមស៊ីវិលថ្កោលទោស និងទាមទារឲ្យវែកមុខអ្នកបាញ់។
លោក ថុង ណារ៉ុង មេបញ្ជាការកងរាជអាវុធហត្ថខេត្តកោះកុង បានឲ្យដឹងថា “ចំពោះករណីនេះ ខាងកងរាជអាវុធហត្ថ កំពុងធ្វើការអង្កេត ថាករណីបាញ់សម្លាប់នេះ កើតឡើងដោយសារអ្វី? ហើយសមត្ថកិច្ចកំពុងធ្វើការសាកសួរអ្នកនៅកន្លែងកើតហេតុ”។
ចំណែកព័ត៌មានដែលថា មន្ត្រីកងរាជអាវុធហត្ថ ជាអ្នកបាញ់សម្លាប់ប្រធានអង្គការបរិស្ថាននោះ លោកមេបញ្ជាការ បានបញ្ជាក់ថា “គឺកំពុងតែចាំសួរអ្នក ដែលនៅកន្លែងកើតហេតុ ទើបបានដឹងច្បាស់”។
លោក ខេង ទីតូ អ្នកនាំពាក្យកងរាជអាវុធហត្ថលើផ្ទៃប្រទេស បានឲ្យដឹងនៅរសៀលនេះថា លោកនៅមិនទាន់ បានទទួលបានរបាយការណ៍ជាក់លាក់ថា ខាងណាបាញ់មុននោះទេ (កងរាជអាវុធហត្ថឬ ខាងអង្គការ) ។ ខាងសមត្ថកិច្ចកំពុងធ្វើការស៊ើប អង្កេតលើរឿងហ្នឹង ។
លោក ខេង ទីតូ បានបញ្ជាក់ថា “មានការប៉ះទង្គិចគ្នា គឺមានន័យថា ខាងអាវុធហត្ថខ្ញុំ ចុះអនុវត្តបទល្មើសព្រៃឈើ ក៏ប៉ះជាមួយខាងមន្ត្រីបរិស្ថាន ខាង NGOs”។ លោកបញ្ជាក់ទៀតថា “មិនទាន់ដឹងខាងណាផ្ទុះអាវុធមុនទេ”។
ចំណែកលោក បូរ៉ា ទីណូ មន្ត្រីស៊ើបអង្កេតសមាគមអាហុក ប្រចាំខេត្តកោះកុង បានឲ្យដឹងថា "ធម្មតា មន្ត្រីការពារបរិស្ថាន អត់មានអាវុធយកទៅតាមខ្លួនទេ។ ពួកគាត់អត់មានកាន់អាវុធទេ ហើយប៉េអឹមដែលស្លាប់នោះ គឺប៉េអឹម ដែលជូនមន្ត្រីបរិស្ថាន និងអ្នកកាសែត ទៅក្នុងព្រៃទេ"។ លោកបញ្ជាក់ថា “ករណីនោះ មិនមែនជាការបាញ់តទល់គ្នានោះទេ”។
ជាមួយគ្នានោះ លោក ចាន់ សុវេត មន្ត្រីអង្គការសិទ្ធិមនុស្សអាដហុក បាននិយាយថា លោកមានការសោកស្ដាយយ៉ាងខ្លាំង និងថ្កោលទោសនូវទង្វើបាញ់សម្លាប់លោក ឈុត វុទ្ធី ប្រធានអង្គការការពារធនធានធម្មជាតិ ដែលគាត់ធ្លាប់ប្រឆាំងជំទាស់ការកាប់បំផ្លាញព្រៃឈើ ហើយជាពិសេសគាត់ ( ឈុត វុទ្ធី ) ជាសកម្មជនការពារព្រៃឡង់ និងសកម្មជនការពារសិទ្ធិមនុស្សម្នាក់យ៉ាងសកម្ម។
លោក សុវេត បានចាត់ទុកការបាញ់សម្លាប់ លោក ឈុត វុទ្ធី ជាអំពើរំលោភសិទ្ធិមនុស្សយ៉ាងធ្ងន់ធ្ងរ។លោកបញ្ជាក់ថា “យើងថ្កោលទោស ការបាញ់សម្លាប់គាត់នេះ ហើយស្នើសុំឲ្យមានការស៊ើបអង្កេតច្បាស់លាស់ មានការចូលរួមពីសង្គមស៊ីវិល ហើយចាប់ជនល្មើសមកផ្ដន្ទាទោសតាមច្បាប់ឲ្យខាងតែបាន”។
លោកបញ្ជាក់ទៀតថា មកដល់ពេលនេះ ខាងកងរាជអាវុធហត្ថ គឺជាអ្នកធ្វើការស៊ើបអង្កេតលើករណីឃាតកម្មនេះ ហើយកំពុងរៀបចំបញ្ជូនសពលោក ឈុត វុទ្ធី មកភ្នំពេញ។
ចំណែកលោក អ៊ុន ឆាលី អភិបាលរងខេត្តកោះកុង និងជាមន្រី្តអ្នកនាំពាក្យសាលាខេត្តកោះកុង បានឲ្យដឹង កាលពីវេលាម៉ោង ២រសៀល ថៃ្ងទី២៦ ខែមេសាឆ្នាំ២០១២ ថា មានមន្ត្រីប៉េអឹមម្នាក់ បានស្លាប់ និងមន្រី្តអង្គការការពារបរិស្ថានម្នាក់ បានស្លាប់ ព្រមទាំងអ្នកកាសែត ២នាក់ បានបាត់ខ្លួន នៅក្នុងហេតុការណ៍ប្រទាញប្រទង់គ្នាមួយ កាលពីវេលាម៉ោង ១២ថៃ្ងត្រង់ ថ្ងៃទី២៦ ខែមេសា ឆ្នាំ២០១២ នៅក្នុងភូមិសាស្ត្រស្រុកថ្មបាំង ខេត្តកោះកុង។
លោកបានឲ្យដឹងទៀតថា ប៉េអឹម ដែលរងរបួស រហូតដល់ស្លាប់នោះ គឺឈ្មោះ អ៊ិន រតនា ជាមន្រី្តប៉េអឹមខេត្តកោះកុង។ ចំណែកមន្រី្តអង្គការការពាបរិស្ថានវិញ គឺឈ្មោះ ឈុត វទី្ធ។ ក្នុងហេតុការណ៍នោះដែរ គឺមានអ្នកកាសែត ២នាក់ បានរត់គេចខ្លួន ពីកនែ្លងកើតហេតុ ហើយរហូតមកទល់ពេលនេះ គេពុំទាន់អាចទាក់ទងបាននៅឡើយ។
លោកអភិបាលរងខេត្ត បានឲ្យដឹងបនែ្ថមទៀតថា ហេតុការណ៍នេះ កើតឡើងដោយសារតែលោក ឈុត វទី្ធ បានបាញ់ប្រហារ មកលើមន្ត្រីប៉េអឹម មុនបណ្តាលឲ្យរងរបួស ហើយមន្ដ្រីបេអឹម ក៏បាញ់តបតវិញ បណ្តាលឲ្យ លោក ឈុត វុទី្ធ បាក់ភ្លៅ ហើយបន្ទាប់មកអ្នកទាំងពីរ បានស្លាប់។
ជាការកត់សម្គាល់ លោក ឈុត វុទ្ធី ជាសកម្មជនការពារបរិស្ថាន ដែលធ្លាប់ធ្វើការជាមួយនឹងអង្គការការពារបរិស្ថាន Global Witness ចាប់តាំងពីទស្សវត្សរ៍ឆ្នាំ១៩៩០។
ចំណែកអ្នកកាសែត The Cambodia Daily ជាភាសាខ្មែរ និងអង់គ្លេសនោះ គឺមានម្នាក់ជាជនជាតិខ្មែរ ឈ្មោះ កញ្ញា ផន បុប្ផា។ តាមសេចក្តីរាយការណ៍ ជំហ៊ានដំបូងថា ស្ត្រីអ្នកកាសែតទាំងពីរនោះ ត្រូវបានគេឃាត់ខ្លួន ដោយសារតែចុះទៅយកការណ៍រឿងកាប់ឈើ ដែលជារឿងរស៊ើបបំផុត នៅចំណុចថ្មបាំង ក្នុងខេត្តកោះកុង។
ម្យ៉ាងទៀត ក្នុងរឿងបាញ់ប្រហារនោះ គេឆ្ងល់ថា ក្រុមប៉េអឹម ចុះទៅបង្ក្រាបបទល្មើសព្រៃឈើ ខណៈដែលក្រុមការពារបរិស្ថាន និងអ្នកកាសែត ចុះទៅយកការណ៍លើបទល្មើសព្រៃឈើ។ ចុះហេតុអ្វី បានជាក្រុមប៉េអឹមខេត្តកោះកុង បែរជាបាញ់ទៅលើក្រុមអ្នកការពារបរិស្ថាន និងអ្នកកាសែតទៅវិញ?៕
No comments:
Post a Comment
yes