ពលការិនី ម្នាក់ ក្លាយទៅជា មនុស្ស ឡប់សតិ ក្រោយពី ត្រឡប់មកពីធ្វើ ការ នៅ ប្រទេស ម៉ាឡេស៊ី បានមួយថ្ងៃគត់
កំពង់ឆ្នាំង: ពលការិនីម្នាក់ត្រូវក្រុមគ្រួសារនាំមកកាន់មន្ទីរពេទ្យបង្អែកខេត្ដកំពង់ឆ្នាំង កាលពីព្រឹកថ្ងៃទី២៥ ខែឧសភា ឆ្នាំ២០១២ ដើម្បីឲ្យគ្រូពេទ្យជួយព្យាបាល បន្ទាប់ពីនាងមានសតិមិនប្រក្រតី នៅក្រោយពេលត្រឡប់មកពីធ្វើការនៅឯប្រទេសម៉ាឡេស៊ី បានមួយថ្ងៃគត់។
នៅក្នុងមន្ទីរពេទ្យ បុរសឈ្មោះសុក សាត អាយុ៥៧ឆ្នាំ ដែលអះអាងថា ត្រូវជាអ៊ំបង្កើត របស់នាង បានប្រាប់អ្នកសារព័ត៌មានថា ក្មួយស្រីរបស់គាត់ដែលមានសតិមិនប្រក្រតីនេះ ឈ្មោះផាត គន្ធា អាយុ២៣ឆ្នាំ មានទីលំនៅក្នុងភូមិទួលសំរោង ឃុំគ្រាំងស្គារ ស្រុកទឹកផុស ខេត្ដកំពង់ឆ្នាំង ។ នាង បានចាប់ផ្ដើមមានអាការៈរវើរវាយ និយាយលែងដឹងខុសត្រូវ និងចេះតែស្រែកកាលពីវេលាម៉ោង ៦ល្ងាចថ្ងៃទី២៤ ខែឧសភា គឺនៅក្រោយពេលដែលនាងត្រឡប់មកពីប្រទេសម៉ាឡេស៊ីបានតែមួយថ្ងៃគត់។
នៅក្នុងមន្ទីរពេទ្យ បុរសឈ្មោះសុក សាត អាយុ៥៧ឆ្នាំ ដែលអះអាងថា ត្រូវជាអ៊ំបង្កើត របស់នាង បានប្រាប់អ្នកសារព័ត៌មានថា ក្មួយស្រីរបស់គាត់ដែលមានសតិមិនប្រក្រតីនេះ ឈ្មោះផាត គន្ធា អាយុ២៣ឆ្នាំ មានទីលំនៅក្នុងភូមិទួលសំរោង ឃុំគ្រាំងស្គារ ស្រុកទឹកផុស ខេត្ដកំពង់ឆ្នាំង ។ នាង បានចាប់ផ្ដើមមានអាការៈរវើរវាយ និយាយលែងដឹងខុសត្រូវ និងចេះតែស្រែកកាលពីវេលាម៉ោង ៦ល្ងាចថ្ងៃទី២៤ ខែឧសភា គឺនៅក្រោយពេលដែលនាងត្រឡប់មកពីប្រទេសម៉ាឡេស៊ីបានតែមួយថ្ងៃគត់។
បុរសខាងលើបានរៀបរាប់ឲ្យដឹងថា នាងគន្ធា ទៅធ្វើការជាអ្នកបម្រើតាមផ្ទះនៅប្រទេសម៉ាឡេស៊ី តាមរយៈក្រុមហ៊ុនមួយឈ្មោះ NCN ដែលមានទីតាំងស្ថិតក្នុងខណ្ឌឫស្សីកែវ រាជធានីភ្នំពេញ។ នាងឡើងយន្ដហោះទៅប្រទេសម៉ាឡេស៊ីនៅថ្ងៃទី១៨ ខែឧសភា ឆ្នាំ២០១០ នាងធ្វើការនៅទីនោះបានរយៈពេល២ឆ្នាំ និងចប់អាណត្ដិត្រឡប់មកស្រុកខ្មែរនៅថ្ងៃទី២៣ ខែឧសភា ឆ្នាំ២០១២ ក្នុងរយៈពេលពីរឆ្នាំនេះនាងទទួលបានប្រាក់ខែចំនួន៣.២៤០ដុល្លារ។ នៅពេលមកដល់ដំបូង នាងបានប្រាប់ថា ធ្វើការនៅប្រទេសម៉ាឡេស៊ីពិបាកណាស់ ធ្វើការរហូតដល់ម៉ោង១០យប់ទើបបានសម្រាកហូបបាយ។ ហើយនៅពេលចប់អាណត្ដិ ថៅកែបានសម្លុតគំរាមឲ្យនាងធ្វើការបន្ដទៀត តែនាងមិនព្រម ហើយនាងបានគំរាមរកសម្លាប់ខ្លួន ទើបថៅកែឲ្យត្រឡប់មកស្រុកខ្មែរ។
លោក សំ ច័ន្ទគា ប្រធានសមាគមការពារសិទ្ធិមនុស្សអាដហុក ប្រចាំខេត្ដកំពង់ឆ្នាំងបាននិយាយថា ករណីនេះអាចបណ្ដាលមកពីនាងត្រូវគេបង្ខំឲ្យធ្វើការច្រើនលើសកម្លាំង ឬក៏អាចបណ្ដាលមកពីការសម្លុតគំរាមកំហែង ធ្វើឲ្យនាងភ័យខ្លាច ទើបក្លាយជាមនុស្សឡប់សតិបែបនេះ។ ដែលករណីនេះគួរតែក្រសួងការងារធ្វើការស្រាវជ្រាវរកមូលហេតុឲ្យបានច្បាស់ ពីព្រោះកន្លងទៅមានពលការិនីជាច្រើននាក់ហើយ បានក្លាយទៅជាមនុស្សដែលមានសតិមិនប្រក្រតី ក្រោយពីទៅធ្វើការនៅប្រទេសម៉ាឡេស៊ីនោះ៕
No comments:
Post a Comment
yes