អាជ្ញាធរស្រុកពញាឮ ខេត្តកណ្តាល ប្រើទឹកលុយទិញទឹកចិត្តប្រជាពលរដ្ឋ និងជាការគំរាមរាមនៅក្នុងមូលដ្ឋាន

បើទោះបីជាពុំមានវត្តមានមេបក្សប្រឆាំងដ៏ធំនៅក្នុងប្រទេសក៏ដោយ ក៏សន្ទុះនៃការគាំទ្រពីសំ ណាក់ប្រជាពលរដ្ឋមកលើគណបក្សប្រឆាំងមួយនេះ ក៏កាន់តែមានការហក់ឡើងខ្ពស់ពីមួយថ្ងៃ ទៅមួយថ្ងៃ ។

ការហក់ឡើងខ្ពស់នៃកម្លាំងប្រជាពលរដ្ឋដែលបានគាំទ្រមកលើគណបក្សប្រឆាំងមួយនេះ បានធ្វើ ឲ្យគណបក្សកាន់អំណាចសព្វថ្ងៃមានការព្រួយបារម្ភជាខ្លាំ ហើយបានប្រើគ្រប់ល្បិចកល់ដើម្បី បំផ្លាញ និងបង្អាក់ប្រជាប្រិយភាពគណបក្សប្រឆាំងមួយនេះ ។

ការបង្ករការរំខានរបស់គណបក្សកាន់អំណាចមកលើគណបក្ស សម រង្ស៊ី មានដូចជាការសំឡុត គំរាមកំហែងសកម្មជនគណបក្ស​ សម រង្ស៊ី និងអ្នកគាំទ្រ ការបំផ្លាញស្លាកសញ្ញាគណបក្ស សម រង្ស៊ី ការអូសទាញទិញទឹកចិត្តសកម្មជនគណបក្ស​ សម រង្ស៊ី និងប្រជាពលរដ្ឋដែលគាំទ្រមកលើ គណបក្ស សម រង្ស៊ី ការគំរាមដកហូតចេញពីមុខដំណែងនិងការងារ ប្រសិនបើគេរកឃើញថាអ្នក នោះជាសមាជិករបស់គណបក្ស សម រង្ស៊ី ឬមាននិន្នាការគាំទ្រគណបក្ស សម រង្ស៊ី ដោយគេបង្វែ ឲ្យមកគាំទ្រគណបក្សប្រជាជនវិញ ទើបមិនបាត់បង់តំណែងនិងតួនាទីដែលពួកគាត់បានបំពេញ​ធ្វើជារៀងរាល់ថ្ងៃ ។

ការរំខានក្នុងយុទ្ធនាការឃោសនារកសម្លេងឆ្នោតរបស់គណបក្ស សម រង្ស៊ី ការរំខានការបញ្ចាំងវីដេអូឯកសាររបស់គណបក្ស សម រង្ស៊ី រឿងដីធ្លី ព្រំដែន និងកម្មករ ​ដែល​ទទួលរងនូវការវាយធ្វើបាប និងបង្ក្រាបដោយហិង្សាមកលើប្រជាពលរដ្ឋ កម្មករ-កម្មារិនី ដែល ពួកគាត់បាននាំគ្នាក្រោយឡើងការពារសិទ្ធិសេរីភាព ដីធ្លី ផ្ទះសម្បែង ការធ្វើការងារឲ្យគោរពតាម ច្បាប់ការងារ និងការទាមទាររកប្រាក់គោលបន្ថែម និងប្រាក់អតីភាពការងារ ដែលត្រូវបានថៅកែ​រោងចក្ររំលោភ និងដែលត្រូវបានមន្រ្តី អ្នកមានអំណាច ឈ្មួញទុច្ចរឹតលំលោភយកទាំងបំពាន​នោះ ក៏ដូចជាការក្រោកឡើងតវ៉ារឿងដីធ្លីនៅតាមតំបន់ព្រំដែន ដែលត្រូវបានរដ្ឋាភិបាលរបស់​លោក ហ៊ុន សែន និងរដ្ឋាភិបាលរបស់យួនលួចបោះបង្គោលព្រំដែនដោយស្ងាត់ៗ ដែលបានធ្វើ ឲ្យបាត់បង់ដីស្រែរបស់ប្រជាកសិករ និងទឹកដីរបស់ខ្មែរយើងអស់ជាច្រើនចូលទៅក្នុងទឹកដីរបស់ យួននោះ ។

ដោយពួកគេមិនចង់ឲ្យប្រជាពលរដ្ឋទូទៅលោកបានដឹងពីសារធាតុពិតរបស់ខ្លួន គណបក្សប្រជា ជនបានរកគ្រប់មធ្យោបាយដើម្បីរំខានដល់ដំណើរការឃោសនារបស់គណបក្ស សម រង្ស៊ី ព្រោះ​ពួកគេខ្លាចប្រជាពលរដ្ឋដឹងអំពីអំពើអាក្រក់ និងពុតត្បត់របស់ខ្លួន ហើយខ្លាចក្រែងប្រជាពលរដ្ឋ លោកមិនបោះឆ្នោតឲ្យនោះ ក្រែងលរកតំណែងមេឃុំ-ចៅសង្កាត់ គ្មាននៅក្នុងអាណត្តិទី៣ នេះ ទើបពួកគេបង្ករបញ្ហាគ្មានឈប់ឈរបែបនេះមកលើគណបក្ស សម រង្ស៊ី នោះ ។

ដោយមើលឃើញពីបញ្ហាទាំងអស់នេះ អគ្គលេខាធិការនិងជាសមាជិកព្រឹទ្ធសភារបស់គណបក្ស សម រង្ស៊ី លោកស្រី កែ សុវណ្ណរតន៏ កាលពីថ្ងៃទី២៨ ខែឧសភា ឆ្នាំ២០១២ បានសរសេរលិខិត មួយច្បាប់ដាក់ជូនទៅលោក អ៊ឹម សួស្តី ប្រធានគណកម្មធិការជាតិរៀបចំការបោះឆ្នោត ដោយ​ស្នើសុំចាត់វិធានការចំពោះភាពមិនប្រក្រតីនៃការបង្កើតប្រជាការពារភូមិ នៅក្នុងស្រុកពញាឮ ខេត្តកណ្កាល ។

នៅក្នុងលិខិតរបស់លោកស្រី អគ្គលេខាធិការគណបក្ស សម រង្ស៊ី កែ សុវណ្ណរតន៏ បានជំរាបជូន ទៅកាន់លោក អ៊ឹម សួស្តី ថាក្នុងពេលថ្មីៗនេះនៅក្នុងស្រុកពញាឮ ខេត្តកណ្តាល អាជ្ញាធរមូល ដ្ឋានបានបង្កើតប្រជាការពារភូមិដោយក្នុងមួយភូមិៗមានប្រជាការពារចំនួន២០នាក់ ។ ប្រជាការ ពារភូមិទាំងនេះត្រូវបានគេចាត់តាំងឲ្យទៅយាមភូមិ ដោយមានស្លៀកពាក់ឯកសណ្ឋាន និងត្រូវ បានគេផ្តល់ប្រាក់ក្នុងម្នាក់ៗចំនួន១ម៉ឺន៥ពាន់រៀល ក្នុងមួយយប់ៗ ។

លោកស្រី កែ សុវណ្ណរតន៏ បានបន្តរទៀតផងដែរថា ជាទូទៅគឺប្រជាការពារភូមិ ត្រូវបានគេដឹងថា ជាកម្លាំងស្មគ្រ័ចិត្តរបស់ប្រជាពលរដ្ឋដែលត្រូវបានបង្កើតឡើងដើម្បីការពារសន្តិសុខ និងសុវត្ថិភា ពនៅក្នុងភូមិ ដោយមិនមានប្រាក់ឧបត្ថម្ភ ឬកម្រៃអ្វីឡើយ ។ លោកស្រីបន្តរថា ឯការបង្កើតប្រជា ការពារភូមិដ៏ច្រើនសន្ធឹកសន្ធាប់នៅពេលនេះ ត្រូវបានគេយល់ឃើញថាជាភាពមិនប្រក្រតីមួយ ដែលអាជ្ញាធរបង្កើតឡើងក្នុងគោលដៅបំភិតបំភ័យ និងទិញទឹកចិត្តរបស់ប្រជាពលរដ្ឋនៅក្នុងការ បោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៣ ឆ្នាំ២០១២នេះ ។

ជាមួយគ្នានេះផងដែរ ការចំណាយលុយដ៏ច្រើនសន្ធឹកសន្ធាប់សម្រាប់ប្រជាការពារភូមិនៅពេល នេះ ហាក់ដូចជាករណីទិញទឹកចិត្តមនុស្សសំរាប់បំរើគោលដៅណាមួយរបស់អាជ្ញាធរ និងគណ បក្សកាន់អំណាច ក្នុងពេលដែលការបោះឆ្នោតជ្រើសរើសក្រុមប្រឹក្សាឃុំ-សង្កាត់ ជិតខិតចូលមក ដល់ហើយនោះ ។  ដូចនេះគួតែលោក អ៊ឹម សួស្តី ប្រធានគណកម្មាធិការជាតិរៀបបំការបោះ ឆ្នោត​ចាត់វិធានការបំពោះករណីភាពមិនប្រក្រតី នៃការបង្កើតប្រជាការពារភូមិនោក្នុងស្រុក ពញាឮ ខេត្តកណ្តាល ដើម្បីធានាដល់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ នាពេល ខាងមុខប្រព្រឹត្តទៅដោយសេរី ត្រឹមត្រូវ និងយុត្តិធម៌ ។

សូមជំរាបផងដែរថា នៅក្នុងស្រុកពញាឮ ខេត្តកណ្តាល គឺមានភូមិចំនួន១១១ភូមិ និងឃុំចំនួន១១ ឃុំ ដូចនេះប្រសិនបើអាជ្ញាធរមូលដ្ឋាននោះ យកថវិការទៅផ្តល់ជូនប្រជាការពារភូមិ​ក្នុង ម្នាក់ៗ​ចំនួន១ម៉ឺន៥ពាល់រៀល​ ដែលប្រជាការពារក្នុងមួយភូមិមានគ្នា២០នាក់នោះ គឺក្នុងមួយ​យប់ៗត្រូវ​ចំណាយថវិការអស់រាប់សិបម៉ឺន លានរៀល ។ គេសួរថាតើថវិការទាំងអស់នោះ​គណ​បក្សប្រជា​ជនបានមកពីណា បានជាយកមកចំណាយ ខុសខ្ទង់ច្រើនបែបនេះ​អាចនិយាយ​បាន​ថា​ថវិការ​ទាំងអស់នោះ គឺជាថវិការដែលពួកគេបានមកពីការប្រព្រឹត្តអំពើពុករលួយ និងកិចកេង​លើ​គំនរ​ញើសឈាមរបស់ប្រជាពលរដ្ឋជាក់ជាមិនខាន ។

គណបក្សប្រជាជនរបស់លោក ហ៊ុន សែន មិនគួរណាខ្លាចពីប្រជាប្រិយភាពរបស់គណបក្ស សម រង្ស៊ី បែបនេះនោះទេព្រោះការគាំទ្រ និងការបោះឆ្នោតជូនគណបក្សណានោះគឺជាសិទ្ធិរបស់ប្រ ជាពលរដ្ឋ មិនចំបាច់ដើរទិញទឹកចិត្តរបស់ប្រជាពលរដ្ឋបែបនេះឡើយ បើខ្លួនធ្វើល្អកុំខ្លាច ព្រោះ​មាសសុទ្ធមិនខ្លាចភ្លើងនោះទេ ខ្លាចក្រែងតែខ្លួនប្រព្រឹត្តអាក្រក់គឺស្រមោលអន្ទោរតាមប្រាណ នៃអំពើអាក្រក់របស់ខ្លួននិងតាមលងបន្លាចខ្លួនជានិច្ច ។ ដូចនេះបើចង់បានសម្លេងឆ្នោតគាំទ្រ ពី​ប្រជាពលរដ្ឋច្រើន គួរតែកែខ្លួន ហើបោះចោលនូវគំនិតអាក្រក់ អាត្មានិយម ផ្តាច់ការ និងឈប់ ធ្វើ​បាបរាស្រ្តខ្លួនឯងទៀត ។ ហើយចេះមើលយកគំរូល្អតាមគណបក្ស សម រង្ស៊ី ដែលជានិច្ចជា កាល​គណបក្ស សម រង្ស៊ី តែងតែចេញមុខជានិច្ចក្នុងការការពារប្រជាពលរដ្ឋ ជួយប្រជាពលរដ្ឋ និងគិតផលប្រយោជន៏ប្រទេសជាតិ និងប្រជាពលរដ្ឋជាធំ ។ ហើយក្នុងមួយអាណត្តិកន្លងទៅនេះ គឺមានតែឃុំ-សង្កាត់ចំនួន២៨ ឃុំ-សង្កាត់ តែប៉ុណ្ណោះដែលប្រចាពលរដ្ឋរស់នៅសុកស្រួល​គ្មាន​ទេការជិះជាន់ សង្កត់សង្កិន រំលោភសិទ្ធិមនុស្ស និងដីធ្លីនោះ ព្រោះឃុំ-សង្កាត់ ទាំង២៨នោះ​គឺជា​ឃុំ-សង្កាត់ដែលមានមេឃុំ-ចៅសង្កាត់មកពីគណបក្ស សម រង្ស៊ី ។ នេះជាការទូមានសម្រាប់ ​គណ​បក្សប្រជាជន បើចង់មានឈ្មោះបោះសម្លេងនិងគេឯងទៀត គួរតែយកគំរូតាមគណបក្ស សម រង្ស៊ី ចុះ ។ ដូចនេះ សូមបងប្អូនប្រជាពលរដ្ឋកុំមានការស្ទាក់ស្ទើនៅពេលបោះឆ្នោតជ្រើស​រើស​ក្រុមប្រឹក្សាឃុំ-សង្កាត់ អាណត្តិទី៣ នៅថ្ងៃអាទិត្យ ទី០៣ ខែមិថុនា ឆ្នាំ២០១២ សូមបោះ​ឆ្នោត​ជូនគណបក្ស សម រង្ស៊ី ដែលមានរូប សញ្ញា « ទៀនមានពន្លឺ »​ បើបងប្អូនបោះឆ្នោតឲ្យគណ​បក្សផ្សេង ដូចបងប្អូនយកសន្លឹកឆ្នោតរបស់បងប្អូនទៅបោះចោលអញ្ចឹង ពីព្រោះគណបក្ស​ដទៃ​នោះគេមិនបានគិតពីសុខទុក្ខរបស់បងប្អូនឡើយ គឺគេគិតតែធ្វើយ៉ាងណាឲ្យក្រុមគ្រួសាររបស់គេ​មានបាន និងបក្ខពួករបស់គេមានបានតែប៉ុណ្ណោះ ។ ដូចនេះមានតែគណបក្ស សម រង្ស៊ី តែមូយ​ប៉ុណ្ណោះដែលជាក្តីសង្ឃឹមរបស់ប្រជាពលរដ្ឋខ្មែរ ៕