មហារីកសុដន់ កំពុងវាយប្រហារ វ៉ាង ស្រីណូ

ភ្នំពេញ៖ តារាស្រីដែលធ្លាប់មានកេរ្តិ៍ឈ្មោះ ល្បីតាមរយៈការបញ្ចេញដើមទ្រូង មូលក្លំ​ត្រឡូក ត្រូលន់ ដែលធ្វើឲ្យបុរសជាច្រើនមាន ការជ្រើមជ្រួលនោះគឺ កញ្ញា វ៉ាង ស្រីណូ ហើយថ្មីៗនេះ បានលេចឮព័ត៌មានជាបន្តបន្ទាប់ ថានាង មានជំងឺមហារីកសុដន់ ដោយសារតែការវះ កាត់ពង្រីក​សុដន់ ហើយពេលនេះនាងបានចេញទៅសម្រាកព្យាបាលជំងឺនេះ នៅប្រទេសវៀតណា យ៉ាង អាថ៌កំបាំង បំផុត ។

បន្ទាប់ពីបាត់វត្តមានរបស់ កញ្ញា វ៉ាង ស្រីណូ លើវិស័យសិល្បៈមួយរយៈពេលកន្លងទៅនេះ ក៏ មានលេចឮព័ត៌មានជាច្រើនទាក់ទងទៅនឹងការបាត់ខ្លួនពីពិភពសិល្បៈ ដោយសារតែនាង មាន ជំងឺ​ប្រចាំកាយ ហើយកំពុងតែសម្ងំសម្រាកព្យាបាល។ តែថ្មីៗនេះ ក៏មានពាក្យចចាមអារ៉ាម ថ្មី មួយ ទៀត បាននិយាយថា តារាស្រីស៊ិចស៊ី វ៉ាង ស្រីណូ បានចេញទៅព្យាបាលជំងឺ មហារីក សុដន់ ដែលកំពុងតែវាយលុកមកលើរូបនាងគឺនាងបានទៅព្យាបាលនៅប្រទេសវៀតណាម ដោយសារតែដើមទ្រូងដែលនាង ធ្លាប់ធ្វើការវះកាត់ កន្លងមកពេលនេះធ្វើទុកខ្លាំងពេក។

ប្រភពដដែលបានលើកឡើងទៀតថា ដំបូងនាងមិនទាន់មានសភាពធ្ងន់ ធ្ងរអីខ្លាំងក្លា ទេគ្រាន់  តែ ធ្វើទុក្ខតិចៗ ដោយសារតែមានការព្រួយបារម្ភ ទើបនាងសម្រេចចិត្តទៅពិនិត្យ ទើប ដឹងថា នាងមានជំងឺមហារីកសុដន់នេះ ហើយដំបូងមិនធ្វើទុក្ខអីប៉ុន្មានទេ តែពេលនេះសភាព ជំងឺរបស់​នាងមានការដុនដាប ទើបគ្រួសាររបស់នាង សម្រេចយកទៅព្យាបាលនៅវៀតណាមតែម្តងទៅ។

ជុំវិញពាក្យចចាមអារ៉ាមតៗគ្នានេះដែរ គឺមិនអាចទំនាក់ទំនងទៅកញ្ញា វ៉ាង ស្រីណូ ដើម្បីឲ្យនាង ធ្វើការបកស្រាយទាក់ទងទៅនឹងបញ្ហានេះបានឡើយ ។

គួររំលឹកផងដែរថា នាពេលបច្ចុប្បន្ន មានតារាស្រីជាច្រើនបានធ្វើការវះកាត់ ពង្រីកដើមទ្រូងរបស់ ពួកគេ ដើម្បីឲ្យមានភាពទាក់ទាញ និងការចាប់អារម្មណ៍ ប៉ុន្តែពួកគេមិនបានខ្វាយខ្វល់ថា ក្រោយ ពី​ពួកគេវះកាត់ហើយ តើមានបញ្ហាអីកើតឡើងលើពួកគេនោះទេ? ហើយនាពេលកន្លងមក ធ្លាប់ លេចឮព័ត៌មានថា ពិធីការិនីកញ្ញា កុល ដាវី ក៏មានកើតជំងឺមហារីកសុដន់នេះដែរ តែនាងបាន ចេញមុខបកស្រាយថា មិនមែនជាការពិតនោះទេ ព្រោះថា ការវះកាត់របស់នាងគឺធ្វើ ទៅតាម បច្ចេកទេសត្រឹមត្រូវ ហើយពេលនេះនាងក៏គ្មាន ជំងឺអីនោះដែរ។

ពាក់ព័ន្ធទៅនឹងការវះកាត់នេះដែរ តារាស្រីខ្មែរមិនធា្លបា់បានលេចឮព័ត៌មាន ពិស្តារណាមួយថា មានតារាស្រីដែល វះកាត់ពង្រីកដើមទ្រូងមានជំងឺ ឬក៏បញ្ហាអ្វីទាក់ទងទៅ នឹងការកែ កុនពង្រីក ដើម ទ្រូងអីនៅឡើយទេ។