ការបង្រួបបង្រួមអ្នកប្រជាធិបតេយ្យ និងទទួលបានជោគជ័យលើគណបក្សកាន់អំណាចបច្ចុប្បន្ន ដែលដឹកនាំប្រទេសតាមរចៀបផ្តាច់ការ

របត់នយោបាយថ្មីសំរាប់អ្នកប្រជាធិបតេយ្យនៅកម្ពុជា គឺត្រូវតែស្វែងរកការរួមបញ្ចូលគ្នាដើម្បី ក្លាយទៅជាកម្លាំងតែមួយ ក្នុងការយកឈ្នះលើគណបក្សកាន់អំណាចសព្វថ្ងៃក្នុងការបោះឆ្នោត ថ្នាក់ជាតិ នៅខែកក្កដា ឆ្នាំ២០១៣ ខាងមុខនេះ ។

លទ្ធផលនៃការបោះឆ្នោតឃុំ-សង្កាត់អាណត្តិទី៣ បានបង្ហាញឲ្យឃើញយ៉ាងច្បាស់​ថា គឺមានតែ​ការបង្រួបបង្រួមគ្នាទេ ទើបអាចធ្វើឲ្យកម្លាំងអ្នកប្រជាធិបតេយ្យ ក្លាយជាកម្លាំងស្នូលមួយដ៏​រឹងមាំ សំរាប់ការដណ្តើមយកជ័យជំនះ ពីគណបក្សកាន់អំណាចសព្វថ្ងៃ ដើម្បីធ្វើការផ្លាស់ប្តូមុខមាត់ប្រ ទេសកម្ពុជាឲ្យមានឈ្មោះបោះសម្លេងនៅលើឆាកជាតិ និងអន្តរជាតិ តាមរយៈការបោះឆ្នោត ក្នុង​ឆ្នាំ២០១៣ ខាងមុខនេះ ។

បើទោះបីជាសម្លេងនៃការគាំទ្រពីសំណាក់ប្រជាពលរដ្ឋមកលើគណបក្សប្រជាធិបតេយ្យទាំងពីរនេះ ក្នុងការបោះឆ្នោតឃុំ-សង្កាត់អាណត្តិទី៣ បូកបញ្ជូលគ្នាទៅ តិចជាងសម្លេងរបស់គណបក្ស​កាន់អំណាចក៏ដោយ ក៏ប៉ុន្តែប្រសិនបើគេគ្រលេកមើល ទៅលើនិតិវិធីរៀបចំការបោះឆ្នោតឃើញ​ថាមានការលុប​ឈ្មោះប្រជាពលរដ្ឋដ៏ច្រើនលើសលប់ រួមជាមួយនិង​ការរំខានប្រជាពលរដ្ឋ​មិនឲ្យ​ទៅបោះឆ្នោត ការមានឈ្មោះស្ទួន ការចេញលិខិតបញ្ជាក់អត្តសញ្ញាណក្លែងក្លាយ​ឲ្យប្រជាពល​រដ្ឋ​ទៅបោះឆ្នោតដែលមាននិន្នាការគាំទ្រមកលើគណបក្សប្រជាជនជាដើម នៅ ។

មួយវិញទៀតចំនួនប្រជាពលរដ្ឋដែលបានទៅចូលរួមបោះឆ្នោតនៅក្នុងអាណត្តិនេះ គឺមានការ ធ្លាក់ចុះយ៉ាងគំហ៊ុក ដែលប្រជាពលរដ្ឋមិនបានទៅចូលរួមបោះ​ឆ្នោតទាំងនោះភាគច្រើន ត្រូវ គេ​ដឹ​ងថាជាអ្នកដែលគាំទ្រគណបក្សប្រឆាំង។ ដូច្នេះបើយោងទៅលើ​លទ្ធផលនេះ​បានបង្ហាញឲ្យ​ឃើញយ៉ាងច្បាស់ថា ប្រសិនបើការបោះឆ្នោតនាពេលកន្លងមកប្រព្រឹត្តិទៅដោយភាពត្រឹមត្រូវ សេរី យុត្តិធម៌នោះ សម្លេងគណបក្សប្រឆាំងគឺអាចប្រហាក់ប្រហែល ឬក៏ឈ្នះ​គណបក្សកាន់​អំណាច​ក៏ថាបាន។

ដើម្បីឲ្យប្រជាពលរដ្ឋ លោកបានអញ្ជើញទៅចូលរួមបោះឆ្នោតទាំងអស់គ្នា ដោយគ្មានការគំរាម

កំហែង គាមឲបសង្កត់ បំបិទសិទ្ធ និងការបោះឆ្នោតប្រព្រឹត្តិទៅដោយសេរី ត្រឹមត្រូវ យុត្តិធម៌ និង ស្មើរភាពគ្នា ហើយដើម្បីកុំឲ្យសម្លេងគណបក្សប្រឆាំង​បែកខ្ញែក និងដើម្បី​ជាការដាក់សម្ពាធកាន់​តែខ្លាំង​ទៅលើស្ថាប័នរៀបចំការបោះឆ្នោតរបស់កម្ពុជា ពិតណាស់​គណបក្ស សម រង្ស៊ី ត្រូវតែ​រក​ផ្លូវដើ​ម្បីឲ្យមានការបង្រួបបង្រួមគ្នាជាមួយនឹងគណបក្សប្រជាធិបតេយ្យដូចគ្នា ។ប្រសិនបើពុំ

មិនរួបរួមគ្នារវាងអ្នកប្រជាធិបតេយ្យនោះទេ ច្បាស់ណាស់គឺយើងបានផ្តល់ ឱកាសឈ្នះ រួចជា​ស្រេចឲ្យទៅគណបក្ស​កាន់​អំណាច ដូចនេះលទ្ធភាពឈ្នះដឹកនាំប្រទេស គឺមានដ៏តិចតួចស្តួច ស្តើងខ្លាំងណាស់ ។

លោក គង់ គាំ ប្រធានស្តីទីរបស់គណបក្ស សម រង្ស៊ី បានមានប្រសាសន៏ប្រាប់ឲ្យដឹងថា ការរួប រួមរវាងអ្នកប្រជាធិបតេយ្យពិតជាមានសារសំខាន់ខ្លាំងណាស់ ព្រោះកម្លាំងនិងសន្ទុះនៃការគាំទ្រ បន្ទាប់ពីមានការបោះឆ្នោតឃុំ-សង្កាត់រួចមកសបញ្ជាក់ឲ្យឃើញថាជាផ្លូវមួយអាចឲ្យអ្នកប្រជាធិ បតេយ្យ ទទួលបានជោគជ័យលើគណបក្សកាន់អំណាចបាន នៅពេលបោះឆ្នោតថ្នាក់ជាតិខាង​មុខនេះ ។

លោក គង់ គាំ បានបន្ថែមទៀតថាជាតិត្រូវការយើង ដូចច្នេះអ្នកប្រជាធិបតេយ្យត្រូវតែរួប​រួមជា មួយគ្នាដើម្បីបញ្ចប់អំណាចផ្តាប់ការនៅកម្ពុជាឲ្យខានតែបាននៅឆ្នាំ២០១៣ខាងមុខនេះ ។ ហើយ សូមឲ្យថ្នាក់ដឹកនាំមូលដ្ឋាន ធ្វើការងាររួមបញ្ចូលគ្នាដើម្បីជាសម្លេងតែមួយ ក្នុងការតទល់ជាមួយ និងគណបក្សកាន់អំណាចសព្វថ្ងៃ ។ លោកថាយើងបានឃើញហើយ រដ្ឋាភិបាលសព្វថ្ងៃមិនបាន គិតគូប្រជាពលរដ្ឋខ្លួនជាធំនោះទេ គឺគេគិតតែអំពីអំណាច របស់ពួកគេជាធំតែប៉ុណ្ណោះ ។ លោក ថាប្រជាពលរដ្ឋខ្លះរកតែអង្ករច្រកឆ្នាំងពុំបាន មានដីតែមួយដុំក៏ត្រូវបានរដ្ឋអំណាចរបស់គណបក្ស ប្រជាជនរំលោភយកគ្មានសល់ ព្រៃឈើ រ៉ែ ដែលជាសម្បត្តិមានតម្លៃរបស់យើង ក៏ត្រូវបានអ្នក មានអំណាចសព្វថ្ងៃបំផ្លាញស្ទើរគ្មានសល់ផងដែរ ហើយប្រជាពលរដ្ឋរស់នៅក្នុងសភាព ខ្លាច ខ្លៅ ហើយនិងឃ្លានតែប៉ុណ្ណោះ ។

ដូចនេះហើយបានជាគណបក្ស សម រង្ស៊ី អំពាវនាវឲ្យអ្នកប្រជាធិបតេយ្យទាំងអស់ ចូលរួមជា មួយនិងគណបក្ស សម រង្ស៊ី ដើម្បីបញ្ចប់អំណាចផ្តាប់ការនៅកម្ពុជាពីគណបក្សប្រជាជន របស់​លោក ហ៊ុន សែន ឲ្យបាននៅឆ្នាំ២០១៣ ដែលជាឆ្នាំអ្នកប្រជាធិបតេយ្យត្រូវតែ​ធ្វើការសង្គ្រោះ​ប្រជាពលរដ្ឋ និងប្រទេសកម្ពុជារបស់យើង ។

សូមជំរាបថា ការអំពាវនាវរកឲ្យអ្នកប្រជាធិបតេយ្យដើម្បីចូលរួមជាមួយនិងគណបក្ស សម រង្ស៊ី ដើម្បីយើង ស្រោចស្រង់ប្រទេសជាតិពីគណបក្សប្រជាជននោះ គឺជាគោលជំហរដ៏ឥតងាករេ និង​តាំងពីដើមរហូតមក របស់គណបក្សសមរង្ស៊ី ។

សេចក្តីទុក្ខលំបាករបស់ប្រជាពលរដ្ឋខ្មែររាប់សិបឆ្នាំមកនេះ សមល្មមដល់ពេល​ត្រូវតែបញ្ចប់នៅ​ឆ្នាំ២០១៣នេះហើយ។ ពីព្រោះប្រជាពលរដ្ឋខ្មែរ ធ្លាប់ទទួលរងការជិះជាន់ធ្វើបាប ការបណ្តេញ​ចេញ​ទាំង​បង្ខំ ដើម្បីរំលោភ​យក​ដី​ធ្លី ការកើតមានសង្គ្រាមរាំរ៉ៃ ការរស់នៅ​ក្រោមឥទ្ធិពល​គ្រប់គ្រង​របស់បរទេសឈ្លានពាន និងការទទួលរងភាពអយុត្តិធម៌ ដោយសារប្រព័ន្ធតុលាការ​ជាច្រើន ណាស់ទៅហើយ ស្ទើរតែធ្វើឲ្យតំណក់ទឹកភ្នែករបស់ពួកគាត់ហូរចុះមកក្លាយទៅជាស្ទឹង និង​ឈាមរបស់ពួកគាត់ក្លាយទៅជាទន្លេទៅហើយ។ ដូចនេះភាពជោគជាំដោយ​ការភ័យខ្លាច និង​ការទទួលរងគ្រោះទាំងនេះ គឺត្រូវតែបញ្ចប់នៅត្រឹមឆ្នាំ២០១៣ឲ្យខានតែបាន ។

គួរជំរាបជូនផងដែរថា ក្នុងជំហរនេះ ប្រជាពលរដ្ឋ ត្រូវតែសំរេចចិត្តឲ្យបានច្បាស់ និងមានចិត្ត​ចង់​ជួយ​ខ្លួនឯងជាមុន និងបន្ទាប់មកត្រូវតែជ្រើសរើសយកមេដឹកនាំណា ដែលស្រឡាញ់​ពលរដ្ឋ ស្នេហា​ជាតិ និងមានសមត្ថភាព គ្រប់គ្រាន់មកដឹកនាំប្រទេសវិញម្តង ។ការរួបរួមនៃអ្នក​ដែល

​​ស្រឡាញ់លទ្ធិប្រជាធិបតេយ្យទាំងអស់ ជាមួយគណបក្សសមរង្ស៊ី គឺនឹងបង្ហាញឲ្យឃើញកម្លាំង​ប្រជែងជាមួយគណបក្សកាន់អំណាចកាន់តែខ្លាំង និងកាន់តែធ្វើឲ្យប្រជាពលរដ្ឋមានទំនុកចិត្ត ៕