រូបថត លោកស្រី ប៊ុន សុខឃីម (ប្រភព ៖ ksmc.com)
ខេត្តរតនគិរី៖ ស្ត្រីជាម្ដាយ និងទារកបានស្លាប់បន្ទាប់ពីឈឺពោះធ្លាក់ឈាម ខណៈដែលស្ត្រីរូបនេះទើបពពោះបាន ចំនួន៧ខែ ហើយត្រូវគ្រូពេទ្យបង្អែកខេត្តរតនគិរី ធ្វើការវះកាត់យកទារកចេញហើយនោះ ។ ស្ត្រីជាម្ដាយ និងកូនប្រុសនេះបានស្លាប់កាលពីវេលាម៉ោង១រំលងអធ្រាត្រ ថ្ងៃទី៨ ខែមិថុនាឆ្នាំ២០១២ ខណៈនាងសម្រាក ព្យាបាលនៅមន្ទីរពេទ្យបង្អែកខេត្តរតនគិរី ស្ថិតនៅភូមិ៦ សង្កាត់ឡាបានសៀក ក្រុងបានលុង ខេត្តរតនគិរី ។
តាមប្រភពព័ត៌មានពីសាច់ញាតិជនរងគ្រោះបានឲ្យដឹងថា នៅវេលាម៉ោងជាងមួយថ្ងៃ ត្រូវនឹងថ្ងៃទី៥ ខែ មិថុនាឆ្នាំ២០១២ ស្ត្រីពពោះទើបបានចំនួន៦ខែ ឈ្មោះ ប៊ុន សុខឃីម អាយុ ៣៤ឆ្នាំ មានទីលំនៅភូមិ២ សង្កាត់ ឡាបានសៀក ក្រុងបានលុង ខេត្តរតនគិរី មានស្ថានភាពឈឺពោះធ្លាក់ឈាម ចុកជាទម្ងន់ ទើបប្ដីព្រមទាំងសាច់ ញាតិមិនបង្អង់ ក៏បានបញ្ជូនអ្នកស្រីសុខឃីម ទៅកាន់មន្ទីរពេទ្យបង្អែកខេត្ត ដើម្បីឲ្យក្រុមគ្រូពេទ្យជំនាញជួយ សង្គ្រោះ តែមិននឹកស្មានថា ស្ត្រីសុខឃីម និងទារកបានស្លាប់នៅមន្ទីរពេទ្យ បន្ទាប់ពីលោកគ្រូពេទ្យ ធ្វើការវះកាត់ យកទារកចេញក្នុងផ្ទៃដោយសុវត្ថិភាព ហើយដេរផ្ចិតទៅវិញនោះ បានស្លាប់ទៅវិញនៅវេលា ម៉ោងជាង១អធ្រាត្រថ្ងៃដដែល ។
ប្រភពខាងលើបានបន្តឲ្យដឹងទៀតថា ៖ សាកសពស្ត្រីសុខឃីម មុននឹងស្លាប់គឺមានសភាពទន់ ខ្សោយ ដោយឈាមនៅក្នុងខ្លួនចេះតែធ្លាក់រហូតទល់តែនាងស្លាប់តែម្ដង ទាំងមុខស្នាមដេរបានដេរភ្ជាប់ជិតរួច ហើយនោះ ដែលសេរ៉ូមព្យួរជំនួយមិនដាច់សោះ ។ ប្រភពខាងលើបានបញ្ជាក់ថា ខណៈមុននឹងគ្រូពេទ្យធ្វើការ វះកាត់ឈាមដែលធ្លាក់តាមទ្វារមាសមកក្រោម គឺបានបាក់ធ្លាក់ និងធ្វើឲ្យអ្នកស្រីចុកខ្លាំង ក្រោយពីក្រុមគ្រួសារបានចាក់ថ្នាំ និងព្យួរសេរ៉ូមនោះ ។ បញ្ជាក់ផងដែរ ទារកយកចេញពីផ្ទៃម្ដាយមានសភាពខ្សោយ តែក្រោយពីលោកគ្រូពេទ្យដាក់ ខ្យល់អុកស៊ីហ្សែន ក៏នៅរស់បម្រាស់ដៃបម្រាស់ជើង ។ តែគ្រូពេទ្យបានប្រាប់ម្ដាយថា ស្លាប់កូនប្រុសនោះ ហើយក៏បានដាច់ខ្យល់ស្លាប់ ជាមួយម្ដាយតែម្ដង ។
ទាក់ទិននឹងការស្លាប់នេះ អ្នកយកព័ត៌មានវិទ្យាសាស្ត្រខ្មែរយើង បានធ្វើការសុំបំភ្លឺពីលោកស៊ឹម សនឡៃ ប្រធានមន្ទីរសុខាភិបាលខេត្ត ត្រូវបានលោកឆ្លើយតាមទូរស័ព្ទនៅពេលនេះ លោកពុំទាន់អាចបំភ្លឺនៅករណីនេះ បាននៅឡើយទេ ៕
ប្រភពព័ត៌មាន៖ សារព័ត៌មានវិទ្យាសាស្ត្រខ្មែរ
No comments:
Post a Comment
yes