បេក្ខភាពលេខរៀងទី១របស់គណបក្ស សម រង្ស៊ី ឃុំអមលាំង ស្រុកថ្ពង ខេត្តកំពង់ស្ពឺ ដែលត្រូវបានសមាជិកគណបក្សប្រជាជន លួងលោមទិញទឹកចិត្ត ជាប់ជាមេឃុំ

 កញ្ញា តឹក នីម ក្នុងវ័យ២៨ឆ្នាំ ដែលជាសមាជិករបស់គណបក្ស​សម រង្ស៊ី និងជាបេក្ខភាពលេខ រៀងទី១ នៅក្នុងឃុំអមលាំង ស្រុកថ្ពង ខេត្តកំពង់ស្ពឺ ដែលត្រូវបានទទួលការលួងលោមទិញទឹក ចិត្តពីសំណាក់សមាជិករបស់គណបក្សប្រជាជន នៅមុនពេលបោះឆ្នោតឃុំ-សង្កាត់នោះ ឥលូវ​នេះកញ្ញា តឹក នីម បានទទួលជោគជ័យក្នុងការដណ្តើមជាមេឃុំអមលាំង ពីគណបក្សប្រជាជន របស់លោក ហ៊ុន សែន ហើយ ។

ភាពជោគជ័យរបស់កញ្ញា តឹក នីម​ សមាជិករបស់គណបក្ស សម រង្ស៊ី គឺជាជោគជ័យ​របស់​ប្រជា​ពលរដ្ឋនៅក្នុងឃុំអមលាំង ស្រុកថ្ពង ខេត្តកំពង់ស្ពឺ ដែលបានរើខ្លួនរួចពីការជិះជាន់ គាបសង្កត់​ពី​សំណាក់មេឃុំចាស់ដែលជាមនុស្សរបស់គណបក្សប្រជាជន ដែលតែងតែធ្វើបាបប្រជាបលរដ្ឋ គ្មានពេលល្ហែរ ដើម្បីផ្គាប់ចិត្តឈ្មួញ និងក្រុមហ៊ុនទុច្ចរឹត ដែលបានរំលោភយកដីរបស់ប្រជាពល រដ្ឋទាំងកុំរោលនោះ ដោយគេមិនបានខ្វាយខ្វល់ពីអ្វីទាំងអស់ ។

កញ្ញា តឹក នីម បន្ទាប់ពីបានជាប់ជាមេឃុំហើយនោះ គឺតែងតែធ្វើសកម្មភាពយ៉ាងស្វាហាប់ដើម្បី បំពេញតំរូវការរបស់បងប្អូនប្រជាពលរដ្ឋនៅក្នុងឃុំ ដូចអ្វីដែលលោកស្រីមេឃុំបានធ្វើការសន្យា ជាមួយនិងប្រជាពលរដ្ឋកាលពីអំឡុងពេលឃោសនាយ៉ាងដូច្នោះដែរ ។ លោកស្រីមេឃុំបាន ប្រាប់ថា លោកស្រីមានការសប្បាយចិត្តខ្លាំងណាស់ដែលប្រជាពលរដ្ឋនៅក្នុងឃុំបានផ្តល់ទំនុក ចិត្តមកលើរូបគាត់ ហើយគាត់និងខិតខំធ្វើការងារគ្រប់បែបយ៉ាងនៅក្នុងឃុំ ដើម្បីប្រយោជន៏ របស់​ប្រជាពលរដ្ឋ និងដើម្បីកេរ្តិ៏ឃុំអមលាំង មួយនេះផងដែរ ។ លោកស្រីមេឃុំបានបន្តរទៀតថា សូមឲ្យស្មារតីរបស់ប្រជាពលរដ្ឋទាំងអស់នៅទូទាំងប្រទេស ដែលត្រូវទទួលរងនូវការរំលោភដីធ្លី ផ្ទះសម្បែង រួមជាមួយនិងការរិះជាន់ធ្វើបាបមួយចំនួនទៀតពីសំណាក់មន្រ្តីខិចខូច ក្រុមហ៊ុន និង ឈ្មួញទុច្ចរឹតនោះ សូមចូលរួមជាមួយនិងគណបក្ស សម រង្ស៊ី ដើម្បីយើងរើខ្លួនចេញឲ្យផុតពីទុក្ខ លំបាកវេទនានេះទៀត ដូចជាប្រជាពលរដ្ឋនៅក្នុងឃុំអមលាំង ស្រុកថ្ពង ខេត្តកំពង់ស្ពឺ ជាគំរូ បានធ្វើបង្ហាញឲ្យយើងទាំងអស់គ្នាបានឃើញស្រាប់ ។

ចំណែកលោក នុត រំដួល សមាជិកព្រឹទ្ធសភា និងជាប្រធានខេត្តកំពង់ស្ពឺរបស់គណបក្ស សម រង្ស៊ី បានថ្លែងថាលោកមានការសប្បាយចិត្តខ្លាំងណាស់ដែលឃុំអមលាំង មួយនេះទទួលបាន​ជ័យជំនះមានមេឃុំស្រី្តមកពីគណ​បក្ស សម រង្ស៊ី ។ លោកថាឃុំមួយនេះគឺជាឃុំដែលទទួលរង នូវការរំលោភដីធ្លីយ៉ាងធ្ងន់ធ្ងរពីសំណាក់ក្រុមហ៊ុន ស្ករអំពៅរបស់លោក លី យ៉ុងផាត់ សមាជិក​ព្រឹទ្ធសភារបស់គណបក្សប្រជាជន ដែលពុំបានផ្តល់សំណងសមរម្យណាមួយ​ជូនប្រជាពល​រដ្ឋ​នៅ​ក្នុងឃុំ អមលាំងនេះឡើយ ។ លោកថាតាមព័ត៌មានដែលលោកទទួលបានពីប្រជាពលរដ្ឋ បានប្រាប់លោកថា នៅថ្ងៃបោះឆ្នោតក្រុមហ៊ុនរបស់លោក លី យ៉ុងផាត់ មិនបានអនុញ្ញាតឲ្យប្រ ជាពលរដ្ឋឈប់សំរាក ដើម្បីបានទៅចូលរួមបោះឆ្នោតនោះទេ ហើយគេបានគាំរាមប្រជាពលរដ្ឋ ដែលជាកម្មករថា ប្រសិនបើកម្មការរូបណាហ៊ានតែឈប់សំរាកពីការងារ ហើយទៅចូលរួមបោះ ឆ្នោតនោះគេនិងកាត់ប្រាក់ខែរបស់កម្មកររូមនោះភ្លាម ។

ជាមួយគ្នានេះលោក នុត រំដួល បានហៅទង្វើរបស់ក្រុមហ៊ុន លី យ៉ុងផាត់ខាងលើនេះថាជាទង្វើ ដ៏ខ្មៅកខ្វក់របស់ក្រុមហ៊ុនមួយនេះ មកពីពួកគេខ្លាចចាញ់ បានជាគេហាមប្រជា​ពលរដ្ឋដែល​ជា​កម្មករនៅក្នុងរោងចក្រនោះមិនឲ្យឈប់សំរាកដើម្បីទៅចូលរួមបោះឆ្នោត ដោយគេបានដឹងយ៉ាង​ច្បាស់ថា ប្រជាពលរដ្ឋពិតណាស់និងបោះឆ្នោតគាំទ្រគណបក្ស សម រង្ស៊ី ដែលគណបកក្ស សម រង្ស៊ី គ្រប់ពេលតែងតែចេញមុខជួយប្រជាពលរដ្ឋនៅពេលមានបញ្ហាជាមួយនិងក្រុមហ៊ុននោះ លោកថាតែទោះជាយ៉ាងណា គេនៅតែចាញ់ជាដដែល ហើយកុំតែគេធ្វើរបៀបនេះ នោះមិន​ដឹង​ថាគណបក្សប្រជាជន ចាញ់ដល់កំរិតណានោះទេនៅក្នុងឃុំអមលាំងមួយនេះ ។

មន្រ្តីអង្គការក្រៅរដ្ឋាភិបាលក៏បានហៅទង្វើរបស់ក្រុមហ៊ុន លី យ៉ុងផាត់ខាងលើនេះថា ជាការធ្វើ ខុសទៅនិងច្បាប់យ៉ាងធ្ងន់ធ្ងរ ដោយហេតុថាប្រជាពលរដ្ឋគ្រប់រូបគឺមានសិទ្ធនៅក្នុងការចូលរួម បោះឆ្នោតដើម្បីជ្រើសរើសតំណាងរបស់ពួកគាត់ ។ ដោយពួកគេថា បើនៅតែយ៉ាងនេះ ប្រទេស​កម្ពុជានិងក្លាយទៅជាយ៉ាងណានោះទេ ហើយលិទ្ធិប្រជាធិបតេយ្យគឺគ្មានទេសម្រាប់ប្រទេស កម្ពុជាមួយនេះ ។

ព្រឹទ្ធសមាជិក រុត រំដួល ក៏បានមានប្រសាសន៏បន្ថែមទៀត ទៅលើករណីដែលគណបក្សប្រជាជន ចាញ់យ៉ាងអាម៉ាស់នៅក្នុងឃុំអមលាំងនេះថា គណបក្សប្រជាជនប្រហែលជាពួកគេគិតថា សកម្ម ជនរបស់គណបក្ស សម រង្ស៊ី អាចទិញដូរងាយៗដូចជាទំនិញបាន បានជាពួកគេធ្វើរបៀបនេះ លោកថាតម្លៃដែលគណបក្សប្រជាជនឲ្យថ្លៃមកកញ្ញា តឹក នីម ដែលជាប់ជាមេឃុំថ្មីរបស់​គណ​បក្ស សម រង្ស៊ី គឺវាមិន ស្មើរទៅនិងការឈឺចាប់របស់ពួកគាត់ដែលជាប្រជាពលរដ្ឋរស់​នៅក្នុងឃុំ​អមលាំង ដែលត្រូវបានក្រុមហ៊ុន លី យ៉ុងផាត់ ធ្វើបាបពួកគាត់នោះឡើយ ។ ព្រោះប្រជាពលរដ្ឋ​ពួកគាត់ឈឺចាប់ ខ្លាំងណាស់ ដីធ្លីរបស់ខ្លួនដែលធ្លាប់មានតាំងពីដូនតាមក បែជាត្រូវក្រុមហ៊ុន​គេ​រំលោភយកងាយៗបែបនេះទៅវិញ ដូចនេះហើយពួកគាត់មានការឈឺចាប់ខ្លាំងណាស់ គ្មានអ្វី​យកមកជំនួស និងប្រៀបផ្ទឹមបានឡើយ ។

សូមរំលឹកផងដែរថា កាលពីថ្ងៃទី០៣ ខែឧសភា ឆ្នាំ២០១២ វេលាម៉ោង៣ និង៥៣នាទីរសៀល កញ្ញា តឹក នីម ត្រូវបានសមាជិករបស់គណបក្សប្រជាជន ទូរស័ព្ទមកដើម្បីឲ្យដក​ពាក្យដែល​ឈរ​ឈ្មោះជាបេក្ខភាពលេខរៀងទី១ និងឲ្យលាឈប់ពីសកម្មជន​របស់គណបក្ស សម រង្ស៊ី ។ ប្រសិន​បើកញ្ញា តឹក នីម យល់ព្រមជាមួយនិងគេនោះ គេ និងផ្តល់​ថវិការ​ដល់កញ្ញា ចាប់ពី៥០០ដុល្លា ១,០០០ដុល្លា ១៥,០០០ដុល្លា ឬអាចលើសពីនេះ តាមតែ កញ្ញា តឹក នីម ចង់បាន ។ តឹក នីម បានបន្តរទៀតផងដែរថា អ្នកដែលទូរស័ព្ទមក កញ្ញានោះ​ជា​មនុស្សប្រុស ដោយបានប្រាប់ថា​គេ​ ឈ្នោះ សំណាង និងមិនបានប្រាប់ពីអាស័យដ្ឋានរបស់​គេដល់កញ្ញានោះទេ បើទោះបីជា​កញ្ញា​ជជីកសួរដេញដោលយ៉ាងណាក៏ដោយ ក្រៅតែពីគេ​និយា​យពាក្យដដែលជាដដែល ឲ្យកញ្ញាដក​ពាក្យ ជាបេក្ខភាពលេខរៀងទី១ របស់គណបក្ស សម រង្ស៊ី និងឲ្យលាឈប់​ពីគណ​បក្ស​តែ​ប៉ុណ្ណោះ ។

អ្វីដែលបានយកមកជំរាបជូនខាងលើនេះ គឺជាទង្វើដ៏ខ្មៅកខ្វក់របស់គណបក្សប្រជាជន ដែលគេ បានធ្វើជារៀងរាល់ពេលមានការបោះឆ្នោតម្តងៗនោះ ប៉ុន្តែទោះជាយ៉ាងណាកលល្បិចដ៏អាក្រក់ របស់ពួកគេមិនអាចធ្វើទៅរួចនោះឡើយ ។ ដូចនេះប្រជាពលរដ្ឋនៅឃុំអមលាំង ពិតជាមាន    មនសិការ ខ្ពស់ក្នុងការគិតគូពីអនាគត់របស់ខ្លួននិងប្រទេសជាតិ ដូចនេះសូមឲ្យស្មារតីទាំងអស់ នេះ ស្ថិតនៅក្នុងដួងចិត្តរបស់ប្រជាពលរដ្ឋខ្មែរគ្រប់រូប ហើយនៅពេលបោះឆ្នោតថ្នាក់ជាតិ ខែកក្កដា ឆ្នាំ២០១៣ សូមបងប្អូនទាំងអស់គ្នា បោះឆ្នោតគាំទ្រគណបក្ស​សម រង្ស៊ី ដើម្បីយើងធ្វើ​ការ​សង្គ្រោះប្រទេសជាតិរបស់យើងទាំងអស់គ្នា ពីកណ្តាប់ដៃដ៏កំណាច ឃោរឃៅរបស់គណបក្សប្រជាជន ៕